Eusko Jaurlaritzako Ingurumen, Lurralde Plangintza eta Etxebizitza sailari atxikiriko Uraren Euskal Agentziak Getxoko Fadurako  zubi berriaren ingurua atontzen eta zerbitzuak birjartzen dihardu. Behin Gobelaren ur-goraldiei hobe aurre egiteko  egokitzapen hidraulikoa bukatuta, orain, URAk esku artean ditu ur-hornidurarako hodi bat birjartzea, Fadurako zubi berriaren ingurua atontzea — atzo bertan zubia zein ingurua aglomeratu ziren —, ibaiertzetako birlandatzea, zein ertzetan diren bideak egokitzea. 

Uribe Kosta zubitik — Fadurako Polikiroldegiaren parean — eta ,uretan gora, Salsidun jada eginak diren lanen hasieraraino doan tartean egin dira lanak: Gobelako ibilguan 775 metrotan zehar,  ur-hustuketa handitze aldera. 

Eremu horren egokitze hidraulikoak beharrezkoa izan du Fadurako aurreko zubi nahiz pasabidearen eraistea eta ordezkatzea; baita hainbat zerbitzuen ordezkatzea ere. 

Zubi berriak 18 metro luze eta 13 metro zabal ditu: autoentzako 5 metroko bidea, oinezkoentzako bi espaloi —2,5 metro luze bakoitza— eta 3 metroko bidegorria; hormigoi armatu aurreatezatuzko habeez osatua. 

Lanok behin betiko apirilaren amaierarantz bukatutakoan, guztira, 9 zubi eta pasabide izango dira  ordezkatuak Cristóbal Valdés-eko hustubidetik — Errekaganeko Polikiroldegiaren aurrean — eta Berangokoraino tartean. Lexarreta, Jolaseta, Salsidu, Leioa, Gobelako Metro-geltokia, Villa de Plentzia eta Fadurako zubiak; zein  oinezkoentzako 2 pasabide (Fadura eta El Carmen).