| 5. II. GAZTE PLANA KOORDINATU, BULTZATU ETA GARATZEKO MEKANISMOAK Euskadiko antolaketa instituzionalak koordinazio-ahalegin
handia eskatzen du edozein plan edo politika sektorial garatzeko. Instituzioen
eta diziplinen arteko konpromiso batetik abiatzen diren Gazte Planaren,
eta ondorioz, gazteria-politiken kasuan, koordinatu beharra ezinbestekoa
da, eta koordinazio horrek sofistikazioa eta plangintza egokia eskatzen
ditu. Xede horretarako, I. Gazte Planak zenbait koordinazio-mekanismo
abian jartzea diseinatu zuen, esaterako, Zuzendaritza Batzordea, Batzorde
Teknikoa, Batzorde Sektorialak, Lan-Mahaiak eta Gazteriaren Euskal Behatokia.
Horiek guztiek, egonkortasunari eta aurrera jarraitzeko gogoari helduta,
koordinazio-logika bat ezartzeko aukera eman dute, azaltzen joan diren
arazoei erantzuna emateko. II. Gazte Planak udal politikak eta Euskadiko
agente sozial desberdinak gazteen aldeko esku-hartzeen multzoan sartzen
jarraitu nahi duenez, koordinazio egokia ezartzearen eskakizunak lehentasun
berezia hartzen du. Gauzak horrela, koordinazio-modu eta -mekanismo berriak
diseinatu behar dira. |