EuskoSkills 2027

EuskoSkills 2027: Martxan da Euskadiko Lanbide Heziketako Txapelketa!

Eusko Jaurlaritzako Hezkuntza Sailak EuskoSkills 2027 antolatuko du martxoaran 2tik 4ra bitartean Ficoban.

EuskoSkills Euskadiko Lanbide Heziketako txapelketa da, eta bere helburu nagusia Lanbide Heziketako ikasleen gaitasunak eta talentua nabarmentzea da. Parte-hartzaileek euren ezagutzak, trebetasun teknikoak eta lan-ingurune errealetan moldatzeko gaitasuna erakutsiko dituzte, euren espezialitateetan bikaintasuna sustatzen duten erronkei aurre eginez.

EuskoSkillsek Lanbide Heziketa sustatzea eta ikasleak bikaintasunerantz motibatzea du helburu. Txapelketa honetako irabazleekin Lanbide Heziketako Euskadiko selekzioa osatuko da, eta selekzio honek gure erkidegoa ordezkatuko du SpainSkills txapelketan bertan beste autonomia-erkidegoetako onenekin lehiatuz.

EuskoSkillsek Lanbide Heziketaren kalitatea eta berrikuntza nabarmentzn ditu, enpresen eta hezkuntza-komunitatearen arteko lankidetza sustatzeaz gain. EuskoSkillsek gazteak lan-merkatuan arrakasta izateko eta euren sektoreetako liderrak bihurtzeko prestatzen laguntzen du.

Orrialde honen behealdean, 2025ko EuskoSkills txapelketa nolakoa izan zan laburbiltzen duen liburuxka eta bideoa kontsulta ditzakezu. Baliabide hauek txapelketaren bilakaeraren eta iazko edizioan parte hartu zutenek bizitako esperientziaren ikuspegi zehatza ematen dute. Euskoskill2025 bilakaerako dokumentazioa.

Liburuxka (PDF, 5 MB)

Bideoa:

Jarraian, EuskoSkills 2027erako proposatutako kategoriak:

EuskoSkills 2027

04 MEKATRONIKA

05 DISEINU MEKANIKOA-CAD

07 CNC FRESAKETA

10 SOLDADURA

13 KARROZERIA-KONPONTZEA

15 ITURGINTZA ETA BEROKUNTZA

16 ELEKTRONIKA

17 WEB-GARAPENA

18 INSTALAZIO ELEKTRIKOAK

19 INDUSTRIA-KONTROLA

24 EBANISTERIA

25 ZURGINTZA

28 LOREZAINTZA

29 ILE-APAINKETA

30 ESTETIKA

31 MODAREN TEKNOLOGIA

33 AUTOMOBILAREN TEKNOLOGIA

34 SUKALDARITZA

35 JATETXE ETA TABERNA ZERBITZUA

36 AUTOMOBILAREN PINTURA

37 PAISAIAREN LORATEGINTZA

38 HOZTE ETA AIRE GIROTZE SISTEMAK

39 SAREKO SISTEMEN ADMINISTRAZIOA

41 ARRETA SOZIOSANITARIOA

44 ERAKUSLEHIO-APAINKETA ETA IKUSIZKO MERKATURATZEA

47 OKINTZA - PANADERÍA

49 IBILGAILU ASTUNEN TEKNOLOGIA

50 3D JOKOEN ETA ANIMAZIOEN DISEINUA

53 CLOUD COMPUTING

62 ENERGIA BERRIZTAGARRIAK

63 SISTEMA ROBOTIKO INTEGRATUAK

EuskoSkills 2027ko izen-ematea

Izen-ematea bi fasetan egingo da:

Behin-behineko izen-ematea: Urriaren 1etik 15era

Ikastetxeek behin-behineko kategoria bakoitzean parte hartzea aurreikusten duten ikasle kopurua adieraziko dute.

Jasotako parte-hartze datuak aztertu ondoren, EuskoSkills 2027ko behin betiko kategoriak eta ikastetxe bakoitzak kategoria bakoitzean aurkeztu ahal izango duen parte-hartzaile kopurua zehaztuko dira.

Behin betiko izen-ematea: Abenduaren 1etik 15era

Ikastetxeek parte hartuko duten ikasleen behin betiko izen-ematea egingo dute, dagozkien kategorietan ikasleen datu pertsonalak, izena eta abizenak, adieraziz.

Eskaera-inprimakia bete behar da. Bete ondoren, posta elektroniko bat jasoko duzu izena eman duzula baieztatzeko.

Azken aldaketako data: 2026/09/30