Eusko Jaurlaritzako Lanbide Heziketako Sailburuordetzak maiatzaren 9tik 11ra EuskoSkills 2023 antolatzen du.

EuskoSkillsetarako hezkuntza sailaren proposamena 29 skill-etan (kategoria) lehiatzea da. Horietako batzuk ofizialak izan ziren SpainSkills, EuroSkills eta WorldSkills-en aurreko edizioetan, eta beste batzuk erakustaldi-modalitatean ospatu ziren.

Izena emateko epea otsailaren 7an hasi eta 16an amaituko da, eta, izen-emateen ondoren, EuskoSkills 2023an ospatuko diren kategoriak erabakiko dira.

EuskoSkills 2023 txapelketa, lehiaketa urtean, edozein Heziketa Ziklotan matrikulatutako ikasleei zuzenduta dago, hau da, Oinarrizko Lanbide Heziketa zein Erdi eta Goi mailako Lanbide Heziketako ikasleentzat, beti ere, txapelketako familia batekin lotuta badago. Ezinbestekoa da parte-hartzaileak 2024ko abenduaren 31 baino lehen 22 urte baino gehiago ez izatea, hau da, 2002ko urtarrilaren 1a baino geroago jaiotakoak izatea. Kategoria batzuen kasuan (Mekatronika, Industria 4.0, Cloud Computing, Zibersegurtasuna eta Elkarlan Robotika) adin-muga 25 urtekoa da, 1999eko urtarrilaren 1etik aurrera jaiotakoak.

Lehiaketa gehienak banakakoak dira, honako kasu hauetan izan ezik: Mekatronika, Industria 4.0, Zibersegurtasuna eta Elkarlan Robotika.

Era berean, ikastetxe bakoitzak lehiakide bat baino gehiago aurkeztu ahal izango du banakako lehiaketetan, eta talde bat baino gehiago taldekako lehiaketetan. Ikastetxe bakoitzean izena emandako pertsona baten edo talde baten parte-hartzea bermatu ondoren, Batzorde Antolatzaileak baloratuko du lehiaketan ikasle edo talde batek baino gehiagok parte hartzeko aukera.

Laster, EuskoSkill-en araudia esteka honetan eskuragarri izango duzu:  EuskoSkills 2023 lehiaketaren arauak .

Izena emateko epea: 2023ko otsailaren 7tik 16ra arte, biak barne.