II Gazte Plana

Ondoren, arlo bakoitzaren diagnostikoaren arabera, II.Gazte Plana indarrean egon den urteetan lehentasunezkotzat jotzen diren lan-ildoak jasotzen dira. Era berean, erakunde bakoitza gizarte-eragileekin lankidetzan sustatzeko konpromisoa hartu duen ekintzak zehazten dira:

Esan beharra dago, xedea ez dela EAEko gazte politiken baitan burutuko diren ekintza guztiak jasotzea, honako beste hau baizik: gazteen emantzipazioa zaildu edo eragozten duten arazo nagusiei erantzunez, lehentasuneko ekintza positibotzat adostu diren horiek. Aipatutako erakundeen arteko adostasun edo akordio horiek, oinarrizko hiru irizpideren arabera ezarri dira:
--eraginkortasuna, gazteen arazoei erantzun hobea emateko,
--neurrien errealismo politikoa, hau da, dagokion instituzio edo departamentuaren markoan burutzeko aukera,
--eta bere izaera estrategikoa, administrazioetan burutzen diren politikak bideratzeko aukera ematen duena.

Modu horretan, I. Gazte Planarekin hasitako planteamenduarekin jarraituta, II. Gazte Planak ezaugarri hauek ditu:

--Eskuartze ildo kopuru murriztu baina esanguratsu bat jasotzen du. Ahaleginen sakabanaketa eta eraginkortasunaren galera ekiditea da helburua, jarduera-ildo asko dituzten planetan gertatu ohi dena.
--Iragankortasun zehatz bati lotua dago, ezarritako politiken eraginkortasun sozialean antzeman eta sakontzeko aukera ematen duena, eta berregokitze iraunkorra errazten duen epe ertaineko ikuspegi batekin lan egiteko aukera ematen duena.
--Ebaluatzeko erraza da, ondo adierazitako ekintzak jasotzen baititu, eta beraz, proposamenen eragin erreala ezagutzeko eta etengabe gizartearen aldaketei egokitzeko aukera emango dute.

Gazte Planaren beharra arrazoitzen duten argumentuei buruzko atalean adierazi bezala, gutxienez bi esku-hartze sozio-instituzional ezarri behar dira, gaztearen etapen araberakoak: nerabetasunaren eta prestakuntza-zikloaren ondorengoaren araberakoa (14-24) edo aurrera egindako gaztetasunaren eta lan merkatuan sartzeko etaparen araberakoa (25-30 urte).

Ondorioz, gaztetasunaren lehen faserako aktiboagoak diren gizarteko rol batzuei lotutako ahaleginak nabarmentzen dira:

- Edukien eta balioen hezkuntza.
- Enpleguari begira, bokaziozko eta gaitasunezko bideratzeak.
- Gizarte-jokabide arriskutsuen prebentzioa (drogak, alkohola, sexu bidez kutsatzen diren gaixotasunak...)
- Aisialdi kontsumistari alternatibak bilatzea.
- Bere kultur dimentsioa indartzea.

Gaztetasunaren bigarren faserako, ekimenak gizarteratzeari buruzkoak dira:

- Lan-merkatuan txertatzea errazteko neurriak (autoenplegua, enplegu hobi berriak, eskaintzaren sustapena...).
- Etxebizitzak eskuratzea errazteko neurriak (alokairua, jabego modu berriak, kredituaren eskuragarritasuna...).
- Gazteen izaera heldua indartzera zuzendutako neurriak, bere arduren aurrean, etxeko ingurunearen aurrean eta jokabide sozialaren aurrean.

II. Gazte Planaren funtsa osatzen duten esku-hartze ildoen baitan, eta horietako bat berari ere garrantzirik kendu nahi izan gabe, beharrezkoa da bere eragin sozial handiagoagatik ondoren zerrendatutako eta lehentasunezkotzat jotako ildo estrategikoak azpimarrratzea:

- Lana eta lan-munduratzearen arloan, enplegu programak sustatzea eta laneko ezegonkortasunaren aurkako neurriak hartzea.
- Hezkuntza eta Prestakuntzaren arloan, irakaskuntza zentroetan balioen hezkuntza sustatzea, eta Lanerako prestakuntza bizitza osoan zehar sustatzea.
- Etxebizitzaren arloan, gazteentzako etxebizitzaren eskuragarritasuna erraztea, alokairuko etxebizitzen laguntza eta sustapenaren bidez.
- Osasuna eta Gizarte-ekimenaren arloan, jokabide arriskutsuen prebentzioari zuzendutako bizitza estiloak eta jokabide osasungarriak sustatzea. Era berean, gazteen bazterketaren prebentzioan eta gizarte esku-hartzean jardutea.
- Aisialdia eta gazte-kulturaren arloan, gazte asoziazionismoa eta aisialdi partehartzailea sustatzea, eta gazte sortzaileei laguntzea.
- II. Gazte Plana bultzatzeari dagokionez, lehentasunezkotzat jotzen da plana foru aldundietara zabaltzea, eta, erronka modura, udaletara, gizarte-eragileetara eta gazteei beraiei zabaltzea.
- Azkenik, II. Gazte Planak gazte-indarkeriaren arazoari arreta berezia eskaini behar diola uste da eta, horretarako, Plana osoki hartuko duen zeharkako izaera bat emateari egoki iritzi zaio.

Instituzio bakoitzak ezartzen duen planifikazio orokorrari kalte egin gabe, Zuzendaritza Batzordeak bere eragin biderkatzailea eta eragin soziala dela eta aurrekontu ekitaldietan zehar modu berezian nabarmendu behar diren ekintza estrategikoak hautatuko ditu urtero. Ekitaldia bukatuta, horien betetze-maila aztertuko da, eta horrek hurrengo ekitaldiaren programazioa birbideratzeko aukera emango du.

I. ARLOA. LANA ETA LANERATZEA

1.1. Politika koordinatua sustatzea, gazteentzako lanpostuak sortzea eta mantentzea helburu duena, ekintza positiboko neurriak hartzearen, zerga-abantailak ezartzearen eta kontratazioari dirulaguntzak ematearen bitartez
Ekintz. zk.	Ekintza	Arduradunak
1.1.1	Euskal Autonomia Erkidegoko hiru lurralde historikoetan zerga-neurriak hartzea, gazteentzako lanpostuak sortzen, mantentzen eta finkatzen laguntzeko	Aldundiak Ogasuna
1.1.2	Iraupen luzeko langabezian dauden gazteen praktiketako kontratazioa indartzera zuzendutako diru-laguntza ildo baten garapena	Eusko Jaurlaritza Lana
1.1.3	Gazte langabetuak kontratatzeko diru-laguntzak ematea	Eusko Jaurlaritza Lana
1.1.4	Enplegua sustatzeko ekintza positiboko irizpidea aintzat hartzea administrazioak laneratze-arazoak dituzten kolektiboak kontratatzen dituzten enpresekin egiten dituen kontratuetan	Eusko Jaurlaritza Aldundiak Udalak
1.1.5	Gazte langabetuak gizarte-ekonomiako enpresetako kide egin daitezen laguntzea, enpresaren gizarte-kapitalari egin beharreko ekarpenaren aldi bereko finantzaketaren bidez	Eusko Jaurlaritza Lana
1.1.6	Enplegu-gune berriak eta jada abian jarri diren esperientzia pilotuak identifikatu eta aztertuko dituen txostena lantzea	Eusko Jaurlaritza Lana Nekazaritza

1.2. Enpleguaren banaketa sustatzeko politika koordinatua garatzea
Ekintz. zk.	Ekintza	Arduradunak
1.2.1	Plantilak berrantolatu eta berregituratzea, administrazio publikoetan gazteentzako lanpostu berrien sorrera sustatzeko	Eusko Jaurlaritza Aldundiak Udalak
1.2.2	Aparteko orduak kentzearen edo jardunaldia murriztearen bidez gazteentzako enplegua sortzen duten enpresei laguntzak ematea	Eusko Jaurlaritza Lana
1.2.3	Gizarte-eragileei (enpresariei eta langileei) negoziazio kolektiboan jardunaldi-murrizketa sartzea bultzatuko dieten neurri pizgarriak abian jartzea, gazte-enplegua handitu asmotan	Eusko Jaurlaritza Lana
1.2.4	Lan-banaketarako neurrien berrikuspena, garapena eta komunikazioa (ordezkapen-kontratua eta beste neurri batzuk)	Eusko Jaurlaritza Lana Nekazaritza

1.3. Enplegu bila dabiltzan edo enpresa berria sortu nahi duten gazteentzako, leihatila bakarreko zerbitzua garatu eta abian jartzea
Ekintz. zk.	Ekintza	Arduradunak
1.3.1	Honakoei buruzko informazioa jasoko duen datu-base bat mantendu: gazte hautagaien curriculuma, enpresen enplegu-eskaera eta lanpostu berriak. Elikatuta egon dadila eta telematikaren bidez, sarea osatzen duten alde guztiei zerbitzua eskaintzeko	Eusko Jaurlaritza Langai
1.3.2	Lanbide-orientazioko gida lantzea, lana sortu eta bilatzeari dagokionez gazteei erantzun eta aholkua emango diena. Ildo horretan, gida horrek lanarekiko jarrera aktiboagoa bultzatuko du lana bilatzeko orduan, eta hori ez ezik, aholkuak ere emango ditu enpresa berriak sortzeko aukerei, enplegu-gune berriei, lan-merkatuko prestakuntza-eskakizunei, lana bilatzeko estrategiei eta gizarte-trebetasunak garatzeari buruz	Eusko Jaurlaritza Lana Nekazaritza Hezkuntza
1.3.3	Biztanleria langabetuaren laguntza pertsonalizatua indartu, lan merkatura sartzeari begira, Orientazio-Zerbitzuen bidez. Horiek Gazte langabetuaren ibilbidearen, jarraipen eta harrera osoa bermatu beharko dute	Eusko Jaurlaritza Langai
1.3.4	Industria gaietan, Leihatila Bakarra gazteriarentzat	Eusko Jaurlaritza Industria

1.4. Autoenplegua eta gazteek gidatutako enpresak sortzea sustatzera zuzendutako politika koordinatua garatzea kooperatibismoaren eta beste formula batzuen bitartez
Ekintz. zk.	Ekintza	Arduradunak
1.4.1	Gazteen artean enpresarako bokazioak piztea helburu izango duen proiektuak koordinatzea	Eusko Jaurlaritza Aldundiak Udalak
1.4.2	Autoenplegu gaztea sustatzeko laguntzak ematea	Eusko Jaurlaritza Lana
1.4.3	Autoenplegua sustatzeko diru-laguntzei buruz, euskal gazteentzako aholkularitza zentralizatzea	Eusko Jaurlaritza Ogasuna
1.4.4	Euskal Autonomia Erkidegoko hiru lurralde historikoetan autoenplegura eta gazteek gidatutako enpresa berriak sortzeko proiektuetan inbertsioak egitearen aldeko zerga-neurriak hartzea	Aldundiak Ogasuna
1.4.5	Gazteek sortutako enpresen zerga-ordainketa atzeratzea	Aldundiak Ogasuna
1.4.6	Arrisku-Kapitala Fondoaren kudeaketa, teknologia berriak eta informazioaren gizartearekin erlazionatutako enpresen hasierarako, eta gazteen eskutik enpresa gehiago sortzeko	Eusko Jaurlaritza Industria
1.4.7	Udalek gazteentzako enpresa berriak sortzeko tokiak aldi baterako uztea	Udalak Sustapen ekonomikoa

1.4.8

Ekonomia-jarduerako proiektuentzako laguntza guztiak jakinaraztea, nola lehen sektoreari hala gainerako sektoreei dagozkienak, laguntza horien esleipen-irizpide moduan gazte-irizpidea hartuta

Eusko Jaurlaritza

Nekazaritza

SPRI

Aldundiak

Nekazaritza

Sustapen ekonomikoa

1.4.9

Diagnostiko zuzenetan oinarritutako neurri eta jarduera programa bat ezartzea, gazteak lehen sektorera sartu, eta, ondoren, mantentzea sustatzeko, horrela, belaunaldi ordezkapena erraztuz

Eusko Jaurlaritza

Nekazaritza

Aldundiak

Eusko Jaurlaritza

1.4.10

Gazte kolektiboan enplegua sortzeko ekimen instituzionalen benetako eragina, sakontasunez neurtzea eta aztertzea

Eusko Jaurlaritza

1.5. Gazte-enpleguaren kalitatea hobetzea
Ekintz. zk.	Ekintza	Arduradunak
1.5.1	Gazteen kontratazioaren eta laneratzeko kontratuen bilakaeraren errealitateari buruzko azterketa egitea bereziki emakume gazteen kolektiboa kontuan hartuta	Eusko Jaurlaritza Lana Enplegurako Euskal Behatokia Sindikatuak Enpresa-erakundeak
1.5.2	Gazteen enpleguaren kalitateari buruzko araudia (kontratazioa, laneko segurtasuna eta higienea...) garatzeko irizpideak eta balioak adostea	Eusko Jaurlaritza Aldundiak Udalak Sindikatuak. Enpresa-erakundeak. Lan-munduratzeko gizarte-eragileak Gazteak.
1.5.3	Zerga- eta dirulaguntza-politikak gazteen enpleguaren kalitatezko irizpideei lotzea	Eusko Jaurlaritza Aldundiak Udalak
1.5.4	Heriotza-istripuen eta istripu larrien ikerketan adinaren faktorea eta behin-behinekotasuna istripuen gertaeren arrazoi gisa sartzea	*Eusko Jaurlaritza* Osalan
1.5.5	Gazteentzako enplegu egonkorraren irizpidea irabazi-asmorik gabeko enpresetan eta entitateetara zuzendutako laguntza publikoetan sartzea	Eusko Jaurlaritza Aldundiak Udalak
1.5.6	Gazteen kontratazio mugagabeei laguntzak	Eusko Jaurlaritza Lana
1.5.7	Gaur egun lan-merkatuan eta gazte langileen defentsan dauden komunikazio eta aholkularitza kanalak zabaltzea	Eusko Jaurlaritza Lana

1.6. Lanpostuak sortzeko ekimenetan, udalen protagonismoa handitzea
Ekintz. zk.	Ekintza	Arduradunak
1.6.1	Lanpostuak sortzera zuzendutako ekimen guztien koordinazioa eta programazioa sustatzea, udal-esparruan dauden behar eta eskarietatik abiatuta	Eusko Jaurlaritza Lana Enplegurako Euskal Behatokia Sindikatuak Enpresa-erakundeak
1.6.2	Udalek langabezia-dirulaguntza edo Oinarrizko Errenta jasotzen duten gazteei laguntza osagarria ordaintzea, lanbide-esperientzia lortzeko eta laneratzeko lagunduko dieten ikasketak eta lanak egiteko aukera izan dezaten	Udalak Gizarte-ekintza

II. ARLOA. HEZKUNTZA ETA LANERAKO PRESTAKUNTZA

LANERAKO PRESTAKUNTZA

2.1. Irakaskuntza-zentroak eta lan-mundua elkarrengana hurbiltzea
Ekintz. zk.	Ekintza	Arduradunak
2.1.1	Hezkuntza-zentroen eta enpresen arteko kolaborazio-hitzarmenak bultzatzea, enpresetara ikustaldiak egiteko asmoz	Eusko Jaurlaritza Hezkuntza Gizarte-eragileak
2.1.2	Hezkuntza-zentroetan lanbideko informazio- eta orientazio-zerbitzuak sustatzea, eta gazteei haien heziketa-ibilbidea hautatzeko eta enplegua bilatzeko aholkua ematea, lan-merkatuari buruzko informazioa emanez (enplegua aurkitzeko aukerak eta ordainsariak)	Eusko Jaurlaritza Hezkuntza Enplegu-Behatokia (EHUko gizarte-kontseilua) Gizarte-eragileak
2.1.3	Arlo hauetarako behar besteko baliabide elebidun eta kalitatezkoak eskaintzea: lan-merkatua eta enpresa hobeto ezagutzeko eta Bigarren Hezkuntzako eta Lanbide Hastapeneko ikasleen entrenamendurako	Eusko Jaurlaritza Hezkuntza SPRI Lana
2.1.4	Unibertsitate-planaren barruan, unibertsitate-titulazioen mapa lan-munduaren beharretara egokitzea	Unibertsitateak
2.1.5	Lanbide Heziketari prestigioa emateko eta hartara gazteak erakartzeko planak sustatzea	Eusko Jaurlaritza Hezkuntza Aldundiak Gizarte-eragileak Enpresariak
2.1.6	Gazteen prestakuntza-maila hobetzea, Informazioaren Teknologia Berriei buruz duten ezagutza handituz eta enplegurako prestakuntzan eleaniztasuna sartuz	Eusko Jaurlaritza Hezkuntza

2.2. "Bizitza osoan zeharreko prestakuntza" kontzeptuaren garapena sustatzea
Ekintz. zk.	Ekintza	Arduradunak
2.2.1	Irakaskuntza ez-arautuan eskaintzen diren Prestakuntza okupazionala eta praktika-programen erakunde-arteko koordinazioa sustatzea	Eusko Jaurlaritza Hezkuntza Lana Industria Nekazaritza Aldundiak
2.2.2	Hurrengo lau urteetan, gazte langabetuen %100ari (legealdian zehar, urtean %25i, hain zuzen ere) enpleguko, prestakuntzako, birziklatzeko, lan-praktiketako edo aldi baterako gizarte-laneko kontratuko esperientziaren bat eskaintzea	Eusko Jaurlaritza Lana

2.3. Etorkinek lanbide-heziketa duina jasotzea eta lan-munduan egoera hobetzea ahalbidetuko duten neurriak ezartzea.
Ekintz. zk.	Ekintza	Arduradunak
2.3.1	Etorkinek hezkuntza jasotzeko eta lan duina izateko duten eskubidearen inguruko sentsibilizazio orokorreko kanpainak abian jartzea	Eusko Jaurlaritza Aldundiak Enpresariak
2.3.2	Etorkinak kontratatuta dituzten enpresariei laguntzak ematea, etorkinen eskura prestakuntza jarri edota haien lan-igoera ahalbidetu dezaten	Eusko Jaurlaritza Aldundiak Enpresariak

HEZKUNTZA

2.4. irakaskuntza-zentroetan balioetan oinarritutako hezkuntza sustatzea
Ekintz. zk.	Ekintza	Arduradunak
2.4.1	Irakaskuntza-zentroetan balioetan oinarritutako hezkuntza emateko beharrezkoa den curriculum-materiala prestatzea eta foro bat eratzea balioei buruz hitz egiteko	Eusko Jaurlaritza Gazteriaren Euskal Behatokia Hezkuntza
2.4.2	Eskolako eta eskolatik kanpoko jarduera guztietan balioetan oinarritutako hezkuntza sustatzea, zentroko urteko planean hezkuntza-mota hori sartzeko orientazioak ezarrita	Eusko Jaurlaritza Hezkuntza Hezkuntza komunitatea
2.4.3	Irakasleek eta ikasleek gatazkak elkarrizketa eta partehartzearen bitartez konpontzen ikas dezaten, haientzako trebatze-esperientziak sustatzea, bizikidetzarako mesedegarri diren tresna moduan	Eusko Jaurlaritza Hezkuntza Hezkuntza komunitatea
2.4.4	"Gazteak eta indarkeria" gaiari buruz azterketak egitea, geroko esku-hartze ildoak ezarri asmotan	Eusko Jaurlaritza Hezkuntza Justizia Kultura Gizarte-eragileak
2.4.5	Irakaskuntza zentroetan gizarte-eredu europarraren balioen eta oinarrien inguruko ezagutza eta hausnarketa sustatzea; gazteak Europaren eraikuntza prozesuetara hurbiltzea –mintegi eta mahai-inguruekin– eta baita ondorengo gai hauen globalizazio prozesuetara ere: eskubideak, aukerak, elkartasuna, justizia soziala, garapen bidean dauden herrialdeekin kooperazioa eta kultur aniztasuna	Eusko Jaurlaritza Lehendakaritza Kultura Hezkuntza Euskadiko Gazteriaren Kontseilua
2.4.6	Ikastetxeetan demokraziaren, tolerantziaren, bakearen eta askatasunaren baloreak sustatzea, sentsibilizazio-kanpainak eta gatazkak konpontzeko programak abian jarriz, indarkeriazko portaera eta jarrera guztiei aurre egiteko	Eusko Jaurlaritza Hezkuntza

2.5. Ikastetxeak gizarte-ingurunera hurbiltzea
Ekintz. zk.	Ekintza	Arduradunak
2.5.1	Irakaskuntza-zentroen eta udalen eta gizarte-eragileen arteko kolaborazio-akordioak sustatzea, baterako jarduerak garatu eta guztiontzat interesgarri diren guneak erabili asmoz	Eusko Jaurlaritza Hezkuntza Udalak Eskola-kontseiluak Gizarte-eragileak
2.5.2	Eskola-ordutegitik edo/eta egutegitik kanpo, ikastetxeak, kirol-guneak eta beste gune batzuk irekitzea, ikasketa eta kontsultarako toki gisa erabiltzeko, eta baita beste zenbait kultur jardueratarako ere	Eusko Jaurlaritza Hezkuntza Udalak Eskola-kontseiluak Gizarte-eragileak
2.5.3	Zentroaren curriculum-proiektuan hurbileko ingurune soziokulturalaren errealitatea sustatzea eta sartzen laguntzea, bai eta Europakoa ere	Eusko Jaurlaritza Hezkuntza Kultura Udalak
2.5.4	Ikasleentzako komunikazio-trebetasunak (hizkuntza-, harreman- eta teknologia-mailakoak) garatzeko programak abian jartzea, ingurunearekiko erlazioa hobetu asmotan	Udalak Hezkuntza-komunitatea

2.6. Ikasleek irakaskuntza-zentroetan parte hartzea sustatuko duten estrategiak garatzea
Ekintz. zk.	Ekintza	Arduradunak
2.6.1	Ikasleek irakaskuntza-zentroetan parte hartzeko duten modu desberdinak garatuko dituzten argibideak landu eta zabaltzea	Eusko Jaurlaritza
2.6.2	Irakasleentzako prestakuntza- eta sentsibilizazio-kanpainak burutzea, ikasleen partehartzea bultza dezaten	Eusko Jaurlaritza Guraso-elkarteak
2.6.3	Asoziazionismoa sustatzeko estrategiak diseinatuko dituen plataforma sortzea	Eusko Jaurlaritza Gazteria Gizarte-eragileak Udalak
2.6.4	Zentroetako Curriculum-proiektuetan ikasleen partehartzeko proiektuak zehazten dituzten irakaskuntza-zentroen baliabide-eskariari erantzutea	Eusko Jaurlaritza Talde Zuzentzailea Eskola-kontseilua

2.7. Hezkuntza-esparrutik aniztasunari eta desberdintasunari heltzeko ekintzak garatzea
Ekintz. zk.	Ekintza	Arduradunak
2.7.1	Gazte-justiziako zerbitzua abian jartzea, arauak hausten dituzten gazteentzako hezkuntza koordinatu eta sustatu asmoz	Eusko Jaurlaritza Justizia Barne Saila Hezkuntza
2.7.2	Hezkuntza-zentroak emigrazioaren errealitatera egokitzea, aipatu zentroak baliabide egokiez hornituz	Eusko Jaurlaritza Gizarte-eragileak

III. ARLOA. ETXEBIZITZA

3.1. gazteentzako etxebizitza eskuragarriago egitea batez ere alokairua sustatuz
Ekintz. zk.	Ekintza	Arduradunak
3.1.1	Gizarte-errentako eskaintza publikoa sortzea, eta gutxienez etxebizitzen %25 gazteentzako errentakoak izatea	Eusko Jaurlaritza Etxebizitza Udalak Promotore pribatuak
3.1.2	Etxebizitza berriak eta birgaituak errentan jartzeko promozioari laguntzak, eta hutsik dauden etxebizitzak merkatuan jartzeko azterketa, zerga-laguntzen edo zigorren bidez (IRPF, Elkarteen gaineko Zerga)	Eusko Jaurlaritza Etxebizitza Aldundiak Ogasuna
3.1.3	Udal arauak malgutzea, eraikuntza-mugak aprobetxamendu terminoetan ezarriz, etxebizitza eraikigarrien gaineko maximoak ezarri beharrean	Udalak
3.1.4	Etxebizitzen tipologiak gazteen beharretara eta eskaeretara egokitzea	Eusko Jaurlaritza Etxebizitza Udalak
3.1.5	Errenta-etxebizitzen parke publikoa sustatzea, baita erosteko eskubidea ematen duen errenta-formula ere	Eusko Jaurlaritza Etxebizitza Udalak
3.1.6	Etxebizitza-kontuaren baldintzak hobetzea, zerga-arintzearen muga eta jadanekotasunaren epea zabalduz	Aldundiak Bankuak
3.1.7	Hutsik dauden etxebizitzak errentan jartzea sustatzea, eta etxebizitza horien portzentaje handi bat gazteentzat izango direla bermatzea	Eusko Jaurlaritza Etxebizitza Udalak
3.1.8	Hutsik dauden etxebizitzen mobilizazio-plan bat martxan jartzea, Etxebide Zerbitzuan izena emandakoei zuzenduta dagoen babestutako alokairuko merkatuan sartzeko aukera emanez, eta gazteei arreta berezia eskainiz. Plan horrek jabeei ordainketak eta beren etxebizitzak ez hondatzeari inguruko bermeak eskainiko dizkie, eta maizterrei beren diru sarreren araberako errenta sozialak ezarriko dizkie	Eusko Jaurlaritza Etxebizitza
3.1.9	Udalentzako diru-laguntzak martxan jartzea, etxebizitza babestuen promoziora zuzendutako lurzoru udal-ondareak eraikitzeko	Eusko Jaurlaritza Etxebizitza Udalak
3.1.10	Gazteentzako errenta-etxebizitza sustatzea,errenta babestuko sistema ahalbideratuko duten zerbitzu batzuk garatuz. Hala, jabeei eta errentari gazteei beharrezko berme eta abantaila ekonomiko, juridiko eta tekniko guztiak eskainiko zaizkie, baita kasu bakoitzean beharrezkoa den informazioa ere	Eusko Jaurlaritza Etxebizitza Udalak
3.1.11	Gazteei Babes Ofizialeko Etxebizitzen promozioen berri ematea sustatzea	Eusko Jaurlaritza Etxebizitza Udalak
3.1.12	Etxebizitza babestua esleitzeko prozedurak berrikustea sustatzea, horiek bizkortzeko eta kontrol-sistemak bermatzeko	Eusko Jaurlaritza Etxebizitza
3.1.13	Lurzoruaren Legearen lanketan, landa-eremuko eskaerak lehendik dauden eraikuntzen jasangarritasunaren eta sendotzearen ikuspegitik jasotzea	Eusko Jaurlaritza Etxebizitza Udalak

3.2. Etxebizitzaren problematikari buruzko alternatiba berriak sustatu eta horren inguruan sentsibilizatzea
Ekintz. zk.	Ekintza	Arduradunak
3.2.1	Etxebizitza-gaietan, autonomia pertsonaleko alternatiba berriak sustatzea, hezkuntza- eta dibulgazio-ekintzen bitartez	Administrazio Publikoa Gizarte-eragileak
3.2.2	Gazteen behar, eskaera eta tipologien aldizkako azterketa ezartzea, etxebizitza-planak egiteko orientagarri izango dena, gehien gutxietsitako gazteriaren sektorea kontuan hartuz	Eusko Jaurlaritza Gizarte-eragileak
3.2.3	Europan, gazteentzako etxebizitza-alternatiba guztiak bilduko dituen dosierra lantzea	Gazteriaren Euskal Behatokia
3.2.4	Kudeaketaren balorazioa egitea, gazteei zuzendutako informazioaren kalitateari eta horien asebetetasun mailari dagokionez	Eusko Jaurlaritza
3.2.5	Udalekin bilerak egitea, gazteentzako etxebizitzen gaian udal esku-hartzeen garapen-ereduak lantzeko	Gazteriaren Euskal Behatokia

IV. ARLOA. OSASUNA ETA GIZARTE-EKINTZA

OSASUNA

4.1. Gazteen artean bizimodu eta jarrera osasungarriak sustatzea
Ekintz. zk.	Ekintza	Arduradunak
4.1.1	Gazteen osasunarekin zerikusia duten gaiei buruzko baliabideen gida elkarreragilea sortzea	Eusko Jaurlaritza Osasuna Hezkuntza Gazteria Udalak Gizarte-eragileak
4.1.2	Gazteriaren osasun-arazo nagusiei (zirkulazio-istripuak, menpetasun-jarrerak, HIESa, sexu-transmisioko gaixotasunak, gogoz kontrako haurdunaldiak, elikadura-arazoak eta buru-arazoak) aurre egiteko prebentzio-jarduera garatzea	Eusko Jaurlaritza Osasuna Hezkuntza Trafikoa Udalak Gizarte-eragileak
4.1.3	Kontzientzi hartzea eta sentsibilizazioa gazteen beraien esku geratuko litzatekeen alkohola eta substantzia berrien kontsumoari aurre egiteko plan bat ezartzea. Plan hori prebentzio eta informazio helburuekin bat eginez burutuko da, eta, besteak beste, aisialdi alternatiborako programak barne izango ditu	Eusko Jaurlaritza Drogamenpekotasunak Gazteak
4.1.4	Eskoletan eta unibertsitatean osasunerako hezkuntza sustatzea	Eusko Jaurlaritza Hezkuntza Osasuna Drogamenpekotasunak Unibertsitateak Udalak Gizarte-eragileak
4.1.5	Eragile bitartekariak hezi eta sentikor bihurtzea, gazteriaren osasun-arazoak konpontzeko duten erantzukizunaren inguruan	Udalak Osasuna Gizarte-ongizatea
4.1.6	Osasun-zerbitzuak gazte-kolektiboaren beharretara eta ezaugarrietara egokitzea	Eusko Jaurlaritza Osasuna

4.2. Gazteen osasunerako esku-hartzeen arteko koordinazioa sustatzea
Ekintz. zk.	Ekintza	Arduradunak
4.2.1	Adituen batzordea osatzea, Osasunerako Hezkuntzako Euskal Batzordea sustatzeko ardura izango duena	Eusko Jaurlaritza Gazteria Gazte Planaren Zuzendaritza-batzordea
4.2.2	Gazteen osasunaren alderdien inguruko gizarte-eztabaida sustatzea	Gazteriaren Euskal Behatokia Gazte Planaren Zuzendaritza-batzordea
4.2.3	Gazteek osasun-gaietan dituzten iritzi eta eskariei buruzko txostena lantzea	Gazteriaren Euskal Behatokia Gazte Planaren Zuzendaritza-batzordea
4.2.4	Gazteen arteko osasuna sustatzen jarduten duten enpresa eta GKEentzako partehartze-bideak ezartzea	Gazte Planaren Zuzendaritza-batzordea

GIZARTE-EKINTZA

4.3. Gazteen gizarte-bazterketari aurrea hartzea
Ekintz. zk.	Ekintza	Arduradunak
4.3.1	Nerabe eta gazte arau-hausleekin, komunitatearen aldeko bitartekaritza-, adiskidetze- eta konpontze-programak sustatzea; osasun-tratamendua ematea, gizarte- eta hezkuntza-lanak sustatzea, etab	Eusko Jaurlaritza Justizia Hezkuntza
4.3.2	Nerabe eta gazteei zuzendutako ingurune irekiko (kalea, familia) gizarte- eta hezkuntzako esku-hartzeko ekipo eta programak sustatzea; esku-hartze hori leku zehatz batean egingo da, gizarte-eragileekin elkarlanean: sare-lana	Aldundiak Gizarte-ekintza Udalak Gizarte-ekintza
4.3.3	Gizarte-eragileen partehartze-bideak sustatu eta abian jartzea, baita parte hartzen duten eragile guztien arteko koordinazioa hobetzea	Administrazioa Gizarte-eragileak
4.3.4	Gizarte-desabantailako egoeran dauden 16 urtetik gorako gazteak heldutasunera igarotzeko programak sortu eta sustatzea	Eusko Jaurlaritza Prestakuntza Lana Etxebizitza Osasuna Aldundiak Gizarte-ekintza Udalak Gizarte-ekintza
4.3.5	Nerabeentzako eta etorkin gazteentzako berariazko programak diseinatzea	Eusko Jaurlaritza Aldundiak Udalak
4.3.6	Oinarrizko Errenta hartzeko gutxieneko adinaren eskakizuna 23 urtera jaistea	Eusko Jaurlaritza Gizarteratzea
4.3.7	Gazteriaren Behatokiaren jardueren bidez, ikerketarako foroa sortzea. Hartan bereziki gazteek hartuko dute parte, gazteen emantzipazioa bultzatzeko eta haientzako bizimodu independente eta duina bermatzeko xedearekin	Gazteriaren Euskal Behatokia

V. ARLOA. GAZTEEN AISIA ETA KULTURA

AISIA

5.1. Gazte-asoziazionismoaren eta parte hartzeko aisiaren sustapena
Ekintz. zk.	Ekintza	Arduradunak
5.1.1	Gazte Asoziazionismoaren Kontseiluko Liburu Zuria hedatzea eta jarduera, programa eta zerbitzuen antolaketan eta kudeaketan baterako erantzukizuna sustatzea	Administrazioa Gizarte-eragileak Euskadiko Gazteriaren Kontseilua
5.1.2	Laguntza ekonomikoko eta teknikoko fondoak sortzea, azpiegitura sortzea, asoziazionismoaren ekimena laguntzeko	Administrazioa Gizarte-eragileak
5.1.3	Aholkularitza, prestakuntza eta gazte-elkarteei zuzendutako zerbitzuen sustapena	Aldundiak Udalak Irabazi asmorik gabeko entitate pribatuak Gazte-entitateak Sare espezializatuak Prestakuntza eskolak
5.1.4	Elkarteen sarean lan egitea eta administrazioek programak batera finantzatzea ahalbidetzea	Administrazioa Elkarteak
5.1.5	Nerabeekin lan egiten duten taldeei laguntzea (aurrekontuak eta azpiegiturak areagotzea)	Aldundiak
5.1.6	Zerga-sustapenenen sistema hedatzea, izan daitezkeen babesleentzat	Eusko Jaurlaritza Aldundiak
5.1.7	Elkarteen profesionalizazioari buruzko eztabaida-foroak sortzea	Euskadiko Gazteriaren Kontseilua
5.1.8	Elkarteetan ordainsaria jasotzen duten profesionalak onartzea	Eusko Jaurlaritza Prestakuntza-eskolak eta beste heziketa-entitate ez-unibertsitario batzuk
5.1.9	Profilen sailkapena eta gizarte-bitartekarien prestakuntza	Eusko Jaurlaritza Prestakuntza-eskolak eta beste heziketa-entitate ez-unibertsitario batzuk

5.2. Gazteria-zerbitzuen garapena
Ekintz. zk.	Ekintza	Arduradunak
5.2.1	Giza baliabide eta baliabide materialen optimizazioaren bidez, telematikaren bitartez Gazte Informazio Sarerako sarrera guneak zabaltzea eta informazioa hedatzeko bide berriak sortzea	Eusko Jaurlaritza Aldundiak Udalak Elkarteak Irakaskuntza zentroak
5.2.2	Gazte Ataria eta Gazte Aukera eta Leihatila Bakarra sortu eta mantentzea	Eusko Jaurlaritza Gazteria
5.2.3	Gazte-txartelaren zerbitzuak areagotzea	Eusko Jaurlaritza Gazteria
5.2.4	Gazte-ekipamenduen azterketa egitea. Azterketa horren bidez, horien tipologia definitu, plan bat garatu eta gizarte-partehartzea izango duten ereduak diseinatzeko aukera emango du	Eusko Jaurlaritza Aldundiak Udalak Elkarteak Euskadiko Gazteriaren Kontseilua
5.2.5	EAEko gazte-ekipamenduen sarea indartzea	Eusko Jaurlaritza Aldundiak Udalak
5.2.6	Gazteria-zerbitzuen eskuduntzak zehaztea: antolaketa-egitura, eskaini beharreko zerbitzuak, gizarte-eragileekiko kolaborazio-formulak eta diru-hornidura	Eusko Jaurlaritza Aldundiak Udalak Elkarteak Euskadiko Gazteriaren Kontseilua

5.3. aisia-ikuspegi berriak definitzea
Ekintz. zk.	Ekintza	Arduradunak
5.3.1	Gaueko aisiaren esparruan gertatzen diren ekintzen segimendua eta ebaluazioa egitea, alor honetan esku-hartzeren bat burutzen ari diren eragileekin elkarlanean	Administrazioa Entitate pribatuak
5.3.2	Ikus-entzunezko, informatikako eta teknologia berrietako aisiako programa publikoak garatzea.	Administrazioa
5.3.3	Gazteen aisialdi-kulturari buruzko eztabaida foroak sortzea	Gazteriaren Euskal Behatokia
5.3.4	Gazte-kolektiboaren aisialdi erabilera eta denborari buruzko azterketa zientifiko bat egitea	Gazteriaren Euskal Behatokia

5.4. Gazteek europar foroetan gizarte- eta instituzio-mailan parte hartzea
Ekintz. zk.	Ekintza	Arduradunak
5.4.1	Euskal gazteriak Batasunaren itunak aldatzeko Batzarrean eta Foroan parte hartzea sustatzea	Eusko Jaurlaritza Euskadiko Gazteriaren Kontseilua
5.4.2	Euskal Administrazio Publikoa gazteriari dagozkion gaiak eztabaidatu eta erabakiak hartzen dituzten europar foroetan egotea ahalbideratzea. Administrazio eskudunek adostu eta garatuko dituzte xede horretarako mekanismo egokiak, bai arazo larriei (baztertze soziala, gazte-langabezia, etab.) aurre egiteko zein estrategia garatzen ari diren ezagutarazteko,bai esperientzia propioa hara emateko ere	Administrazio Publikoa

KULTURA

5.5. Gazteen kultur jarduera fase guztietan laguntzea
Ekintz. zk.	Ekintza	Arduradunak
5.5.1	Askotariko gazte-jarduerak diseinatu, sortu, ekoiztu, hedatu eta banatzeko laguntzak sustatzea (azpiegiturak, baliabide material eta ekonomikoak, giza baliabideak)	Eusko Jaurlaritza Aldundiak Udalak Finantza-entitateak Fundazioak SGAE Elkarte profesionalak Unibertsitateak
5.5.2	Programa-markoa diseinatzea, nazioko eta nazioarteko esparruetan arte-trukea ahalbidetuko duena	Administrazioa
5.5.3	Gazteentzako kultura-politiken diseinua ezartzeko foroa ezartzea	Eusko Jaurlaritza Aldundiak Udalak Sektore pribatua Elkarteak Unibertsitateak
5.5.4	Dauden ekipamenduen erabilpena optimizatu eta kultur ekipamenduen behar berriak identifikatzea	Aldundiak Udalak
5.5.5	Kultur behar gehien duten lekuetara eta taldeengana hurbiltzea	Eusko Jaurlaritza Aldundiak Udalak Elkarteak
5.5.6	Enpresa eta erakunde publikoetako komunikazio-planetarako aurrekontuak handitzea, administrazioaren eta elkarteen arteko komunikazio-bideak optimizatu eta hobetu asmoz	Administrazioa

5.6. Kirol, kultura eta aisiako jardueren eskaintzan euskararen erabilpena sustatzea
Ekintz. zk.	Ekintza	Arduradunak
5.6.1	Euskararen Kontseilu Ahokularian batera landu diren estrategia-ildoak garatzea	Eusko Jaurlaritza Aldundiak Udalak Gizarte-eragileak
5.6.2	Aisialdiko jardueretan euskararen erabilpena sustatzeko administrazioek egiten dituzten dirulaguntza-deialdiak eta kontratuak arautzea	Eusko Jaurlaritza Aldundiak Udalak Gazteria
5.6.3	Komunikazio-teknologia berrietan euskararen erabilpena sustatzea	Administrazioa

KIROLA

5.7 Kirolaren bidez gizartean balioak ezartzea ahalbidetuko duen plana diseinatzea
Ekintz. zk.	Ekintza	Arduradunak
5.7.1	Plana sustatu eta garatzeko batzorde kudeatzailea osatzea	Eusko Jaurlaritza
5.7.2	Gazteriaren kirol-ohiturei eta EAEko gazteen kirol-praktikaren joera berriei buruzko diagnostikoa egitea	Eusko Jaurlaritza Aldundiak Udalak
5.7.3	Oinarri nagusi gisa Joko Garbiaren aldeko Konpromiso gutuna izango duen gizarte-sentsibilizazioko kanpaina diseinatu eta garatzea, kirol-elkarteei, klubei eta kiroleko eta hedabideetako profesionalei zuzenduko zaiena	Eusko Jaurlaritza Aldundiak Udalak
5.7.4	Unitate didaktikoa diseinatzea. Derrigorrezko Bigarren Hezkuntzako zentroetan zeharka emango da	Eusko Jaurlaritza Hezkuntza IVEF Aldundiak Udalak

5.8. Baliabideak gazteriaren kirol-behar berrietara egokitzea
Ekintz. zk.	Ekintza	Eragile arduradunak
5.8.1	Kirol-ekipamenduak gazteen egoera eta beharretara egokitzea (ordutegiak eta prezioak)	Eusko Jaurlaritza Aldundiak Udalak
5.8.2	Hurbiltasuneko Kirol-Ekipamenduen eskaintza areagotzea	Eusko Jaurlaritza Aldundiak Udalak
5.8.3	Kirol aniztasuna sustatzea, diziplina anitzeko eskaintza garatuz	Eusko Jaurlaritza Aldundiak Udalak

Lanbide Heziketa

Eusko Jaurlaritza

Aldundiak

Eusko Jaurlaritza