Shepard, Sam
(Jaiotza izenaz Gil Ivy). Estatu Batuetako idazlea eta antzezlea (Fort Sheridan, Illinois, 1943). New Yorka joan zen eta gero Estatu Batuetan ibili zen. Antzerki lanak idatzi zituen: Cow Boy (1964), Cow Boy Mouth (1971), Buried Child (1979), Pulitzer saria jaso zuena. Sheparden lanak esperimentalistak dira, eta collage-aren eta pop-art-en eragina dute. Acid Rock taldeko bateria-jotzailea izan zen eta gidoiak idatzi izan ditu zinemarako: Me and My Brother (1969), Zabriskie Point (1970), Paris-Texas (1984). Antzezle ere izan da film askotan: Days of Heaven (1978), Renaldo and Clara (1978), Frances (1983), Country (1984), Fool for Love (1985).
