Schwinger, Julian Seymour
Estatubatuar fisikaria (New York, 1918 - New York, 1994). 1940-1941 bitartean Kaliforniako Unibertsitatean lan egin zuen, eta 1941-1943 bitartean Purdue-koan. Hiru urtez (1943-1946) Massachussetts-ko Teknologia Institutuan lan egin zuen. Harvarden denboraldi luzea egin zuen (1946-1972), eta azkeneko urte horretatik aurrera Kaliforniako Unibertsitateko irakasle izan zen. 1965ean Fisikako Nobel saria jaso zuen, Feynman eta Tomonagarekin batera, quantumaren elektrodinamikaz egindako lanengatik.
