Regnier, Henri de
Frantses poeta eta eleberrigilea (Honfleur, 1864 - Paris, 1936). Leconte de Lisle eta José María de Heredia frantses olerkarien eragina igerri zaie Regnier-en lehen poesia lanei, baina sinbolismo neoklasizistarantz jo zuen gero. Titulu nagusiak: Poèmes anciens et romanesques, 1887-1889 (1890, Poema zahar eta zoragarriak, 1887-1889), Les jeux rustiques et divins (1897, Joko zahar eta zerutiarrak), Les médailles d’argile (1900, Bustinezko dominak), La cité des eaux (1902, Uretako hiria), Vestigia Flammæ (1920) eta Flamma tenax (1922-1928). Eleberriei dagokienez, aipagarriak dira La Double Maîtresse (1900, Etxekoandre bikoitza), Le Bon Plaisir (1902, Irrika), Les Rencontres de M. de Bréot (1904, Bréot jaunaren topaketak) eta La Pécheresse (1920, Emakume bekataria) obrak.
