Monsiváis, Carlos

Mexikar idazlea (Mexikoko Hiria, 1938). Mexikoko XX. mendeko gizartea, politika eta kultura ondoen aztertu dituen idazleetako bat izan da. Salvador Novo poetaren ikasle izan zen, eta hark erakutsi zion gizartearen edozein alorretan barneratu ahal izateko behar zuen indarra eta sendotasuna bereganatzen. 1970eko hamarraldian bere herrialdeko iritzi sortzaile nagusietako bat izan zen, batez ere, Siempre! kultura gehigarrian egin zituen berrikuntzei esker. Gazte-gaztetatik Mexikoko kultura gehigarri eta aldizkari nagusietan parte hartu zuen. Monsiváisen lan gehienak aldizkarietan edo ahoz aho zabaldu dira. Bere kronikak hainbat liburutan bildu dira: Principios y potestades (1969, Printzipioak eta ahalmenak); Días de guardar (1971, Gordetzeko egunak), 1968ko ikasleen higikundeari buruzkoa; Amor perdido (1976, Maitasun galdua), zinemako, sindikalismoko, politikako eta beste hainbat alorretako mitoei buruzkoa; Entrada libre, crónicas de la sociedad que se organiza (1987, Sarrera librea, antolatzen den gizartearen kronika); Escenas de pudor y liviandad (1988, Lotsa eta arinkeriazko eszenak); Los rituales del caos (1995, Kaosaren errituak); Nuevo catecismo de indios remisos (1982, Indiar makurren dotrina berria), Monsiváisen orain arteko kontaketa lan bakarra.

• Monreal
• Monroe, James
• Monroe, Marilyn
• Monrovia
• monroviar
• Monsiváis, Carlos
• montagnard
• Montagnier, Luc Frantses sendagilea, birologoa eta ikertzailea (Chabris, Indre, 1923) 1983an HIESaren erretrobirusa aurkitu zuen Medikuntza Poitiersko Unibertsitatean ikasi zuen, eta hango irakasle izan zen 1955 urtetik aurrera 1967an ikertzaile gisa hasi zen lanean eta 1974an Ikerketa Zientifikoen Zentro Nazionaleko zuzendari izendatu zuten 1972 urteaz geroztik Parisko Pasteur Institutuko Onkologia saileko buru da 1983an hainbat urtean egindako lanaren emaitza eman zuen ezagutzera, HIES birusa, eritasunaren tratamenduan aurrerapauso handia izan zena Erretrobirusak Giza Immunitate Eskasiaren Birusa izena hartu zuen 1986an Ondoren zenbait arazo izan zituen, Robert Gallo estatubatuar irakasleak erretrobirus hura berak aurkitu zuela baitzioen Azkenik, frantses medikuaren alde egin zuen auziak Aurkikuntzaren berri eman zuen urtean bertan lan bat argitaratu zuen Chermann eta Barré-Sinoussirekin batera; lan horretan zehatz-mehatz erakusten zuen birusa Horrez gainera, hainbat hitzaldi eman ditu mundu osoan zehar eta hainbat sari irabazi ditu, besteak beste, Ohorezko legioa, Merituaren Ordena Nazionala, Frantziako ikerketa zentro nazionalak ematen duen saria (bi alditan), eta Japoniako Fundazio Zientifikoaren eta Teknologikoaren saria 1988an
• Montaigne, Michel Eyquem de
• Montalbán, Begoña
• Montale, Eugenio