Soldata-arrakala salatu
Zer da Soldata-arrakala?
Gizonezkoen eta emakumezkoen batez besteko soldaten arteko aldea, desparekotasunaren ondorio nagusietako bat.
Balio bereko lanagatik ordainsari berdina jasotzea funtsezko eskubidea eta printzipioa da.
Zenbateko da?
%24 urteko batez besteko irabaziari erreparatuta.
%14 ordu bakoitzeko irabaziari erreparatuta.
Zein dira arrazoiak?
Faktore hauek orduko ordainsaria txikiagoa izatea eragiten dute: zuzeneko soldata-bereizkeria, sektoreen eta lanen araberako segregazioa, eta kristalezko sabaia.
Era berean, lan-iruzurrak, zainketetarako erantzunkidetasunik ezak eta andrazkoen jarduera-tasa txikiak emakumezkoek ekoizpen-lanerako ordu gutxiago baliatu ahal izatea eragiten dute.
Hezkuntza eta gizarte-sentsibilizazioa, batetik, eta enpresen eta sindikatuen kontzientziazioa, bestetik, aldaketaren eragile jardun behar duten beste zeharkako elementu bi dira.
Zer egin dezaket?
- Zure enpresan gertatzen diren generoagatiko bereizkeriak salatu behar dituzu.
- Ez duzu onartu behar lan bera egiteagatik gizonezko batek andrazko batek baino gehiago irabaztea.
- Ez duzu onartu behar emakumea izategatiko bereizkeriarik, ez lan bat lortzeko orduan ez lantokiko barne-sustapenean.
- Ez duzu onartu behar gehigarrien aplikazio diskriminatzailerik.
- Ez duzu onartu behar zure enpresak berdintasun-planik ez izatea, baldin eta 250 kontratatu baino gehiago baditu edo hitzarmen bidez behartuta badago.
- Salatu arrakalaren arrazoiak.
Nola egin dezaket?
Euskadiko Laneko Ikuskaritzaren bitartez | Laneko Iruzurren Postontziaren bitartez |
Salaketa formala jarriz | Salaketa anonimoa jarriz |
Zein da salaketaren osteko prozesua?
Kasu bietan, Eusko Jaurlaritzak ikuskatzaile-kidegoa bidaliko du enpresa bisitatzera. Laneko arau-haustetzat jo daitekeen gertakaririk antzemanez gero, hura amaitzeko eskatuko dio enpresari. Halaber, isun bat jarriko dio, gertakaria zigorgarria dela irizten badio.