Ikuspegiak. Sormen-industriei buruzko estatistikaren datuen irakurketa analitikoa (2019)

Txosten honek 2019ko Sormen-industrien Estatistikako emaitzen ikuspegi globala eskaintzen du.Bi urtez behingo eragiketa da, eta Arteen eta Kultura-industrien Estatistikarekin partekatzen ditu helburuak eta metodologia. Bi tresna horiek elkartzeari esker, Euskal Autonomia Erkidegoko KSI multzoaren oinarrizko ezaugarriak ezagut daitezke.

2019ko edizio honetan, serieko bigarrena baita, modaren, diseinuaren, arkitekturaren, hizkuntzaren industrien, publizitatearen eta bideo-jokoen sektoreetako 354 agentek emandako datuak aztertzen dira. Landa-lana 2020an egin da, pandemian, baina aurkezten diren emaitzak Covid-19ak eragindako krisialdiaren aurrekoak dira. Eragiketa bi urtez behingoa denez (urte bakoitietan egiten da), azpimarratzekoa da tresna erabilgarria izango dela pandemiak sormen-sektoreetan izan duen eragina aztertzeko.

Lehenengo kapituluan, sektore horien zifra handiak aurkezten dira: EAEko sormen-industriak osatzen dituzten eragileen mapa, sortzen dituzten lanpostuak, eta non dauden. Ikuspegi panoramiko horren ostean, honako hauei buruzko azterketak egiten dira: industria-dimentsioa eta iraunkortasuna, barne-asimetriak eta sektore-profilak, nazioartekotzea, eta, azkenik, enpleguen banaketa genero-ikuspegiaren arabera.

Ikuspegiak. Sormen-Industriei buruzko estatistikaren datuen irakurketa analitikoa (2019) [pdf, 1 Mb]

Regards. Une lecture analytique des données de la statistique relative aux industries créatives (2019) [pdf, 947 Kb]

Gazes. An analytical reading of the data of the statistics for the creative industries (2019) [pdf, 802 Kb]