Gazteak, kultura eta tekonologia berriak

Gaur egungo kultura-politiken kezka nagusietako bat gazteek kultura nola kontsumitzen duten hobeto ezagutzeko premia da. Helburu hori lortzeko asmoz, gazteen kultura-kontsumoen eredu berriak argitzen laguntzeko ikerketak egitea erabaki zuen Euskal Kulturaren Behatokia (KEB-OVC) parte den kultura-behatokien sareak.

KEB-OVCren kasuan, kultura-ohiturei eta -jarduerei buruz 2007-2008an egindako inkesta baten emaitzak genituen. Biztanle gazteenen emaitzei buruzko datuak atera, tratatu eta aztertu ondoren, egokitzat jo zen informazio hori osatzeko ikerketa kualitatibo bat egitea. Horretarako focus-group metodoa erabili zen, gazte-kolektiboek euren kultura-jarduerei aitortzen zieten zentzuari eta esanahiari buruzko orientabideak eskuratzeko asmoz.

Ondorenean, ikerketa horren emaitza nagusiak eskainiko ditugu, zazpi ataletan sailkatuta.

Metodologia, ikerlan honetan jarraitutako helburua eta metodologia aurkezten du.
Euskal gazteriaren egoeraren argazkia: zenbait datu, euskal gazteriaren errealitatea testuinguruan kokatzeko oinarrizko informazioa eskaintzen du.
Gazte-kolektiboen kultura-jardueren azterketa, gazteen kultura-jarduerei buruzko informazio estatistikoan oinarrituz, ibilbide deskriptiboa erakusten du.
Teknologiaren eragina kultura-kontsumoan, teknologia berrien eraginez kultura-kontsumoan sortzen diren elementu azpimarragarrienak nabarmentzen ditu.
Kulturari lotutako esanahi, motibazio eta balioak, ikerketa kualitatiboan jasotako elementu subjektibo adierazgarrienak jasotzen ditu.
Kultura-jarduerak eta emozioak, gazte-kolektiboek kulturari lotuta adierazi dituzten elementu emozionalak aztertzen ditu.
Ondorioak, ikerketan nabarmendu diren hausnarketa kontzeptual eta metodologiko nagusiak laburbiltzen ditu.

Azkenik, ikerlanean erabili diren erreferentzia bibliografikoak jasotzen dituen atala erantsi da.

Gazteak, kultura eta tekonologia berriak (2010) [pdf, 740 kB]