Iragarkia, Portu, Itsas eta Itsasertzeko Gaietako zuzendariarena, zeinaren bidez informatzen baita Donostiako Udalak egindako emakida-eskaera, itsas-lehorreko jabari publikoko ondasunak okupatzekoa, 800 mm eta 1000 mm-ko bi euri-uren kolektore legeztatzeko. Kolektore horiek Loiolako LO.01.1 egikaritze-unitatean lorategi-hiria urbanizatzeko proiektuaren barruan daude definituta, Donostiako udal-mugartean (Gipuzkoa). Erref.: (2025/009993-CNC)

Urriaren 10eko 876/2014 Errege Dekretuaren bidez onartutako Kostaldeei buruzko Erregelamendu Orokorraren 152.8 a) artikuluak ezartzen duenez, jendaurreko informazioaren izapidea, hogei eguneko epean, nahitaezkoa izango da emakiden prozeduretan. 

Donostiako Udalak itsas-lehorreko jabari publikoko ondasunak okupatzeko emakida eskatu dio Zuzendaritza honi, Donostiako udalerrian Lorategi Hiria Urbanizatzeko Proiektuaren barruan euri-uren bi kolektore legeztatzeko.

Eskabidea aztertu eta aurkeztutako dokumentazioa osorik dagoela egiaztatu ondoren, erreferentziako espedientea (2025/009993-CNC) jendaurrean jarriko da hogei egun balioduneko epean, iragarki hau Euskal Herriko Agintaritzaren Aldizkarian argitaratu eta biharamunetik hasita, egoki iritzitako alegazioak edo oharrak aurkez daitezen.