Egitura
Izenburua
Izenburuan, estatutuak direla esateaz gain, dagokien enpresaren izena ere aipatzen da.
Izendapena, xedea, egoitza eta eremua
Atal honetan enpresaren izena eta dituen xedeak adierazten ditugu, baita egoitza eta lan egingo duen eremua ere. Enpresaren iraupena ere aipa daiteke.
Sozietatearen administrazioa
Atal honetan sozietatea administratzeko modua zehazten da, eta horretan bi zati bereizten dira: Batzar Orokorra eta Zuzendaritza batzordea.
Bazkideak
Atal honetan, alde batetik, bazkide berriak onartzeko edo bazkide-izaera galtzeko prozedura azaltzen da; eta, bestetik, bazkideen eskubideak eta betebeharrak zehazten dira.
Diru-baliabideak
Atal honetan datu ekonomiko batzuk azaltzen dira: hasierako ondasunak, ekitaldi ekonomikoen antolamendua, diru-baliabideak...
Desegitea eta likidazioa
Atal honetan enpresa desegiteko arrazoiak adierazten dira, eta ondorioz, likidazioa egiteko modua ere bai.
Estatutuaren eraldaketa
Estatutuak aldatu ahal diren zehaztea komeni da, baita horretarako beharrezkoak izango liratekeen baldintzak ere.
Azken xedapenak
Atal honetan adierazten dira aurretik aipatutako guztiari gehitu beharreko bestelako datuak.