HAUTAKETA-PROZESUAN ONARTUA IZATEA
Atal honetan azaltzen da zer baldintza bete behar den deitutako prozeduretako
baten bidez irakaskuntzako funtzio publikora sartzeko. Eskabideak aurkezteko
unean kontuan hartzeko informazio erabilgarria ere aurkituko duzu.
Prozesuan sartu ahal izateko bete behar direnak
Izangaiek ondokoak bete behar dituzte, hautaketa-prozesuan onartuko badituzte:
1)
Betebehar orokorrak
a) Espainiarra
izatea edo Europar Batasuneko gainerako estatuetako bateko nazionala izatea, edo
langileen zirkulazio libreari buruzko Europako Parlamentuko 2004/38/EE
Zuzentaraua eta zuzentarau
hori Espainiako lege-ordenamendura sartzeko ematen den araua aplika dakiokeen
estaturen bateko nazionala izatea.
Horrez gain, parte hartu ahal izango dute espainiar herritarren ezkontideek,
ondorengoek eta ezkontidearen ondorengoek, bai eta Europar Batasuneko gainerako
estatuetako bateko nazionalen eta Europar Batasunak sinatutako nazioarteko
itunen arabera langileen zirkulazio librea aplika dakiekeen estatuetako
nazionalen ezkontideek, ondorengoek eta ezkontidearen ondorengoek, baldin eta
dagokion itunean hala ezarrita badago eta espainiar Estatuak berretsita badu,
edozein nazionalitatetakoak izan arren, baldin eta ezkontideak legez bananduta
ez badaude eta ondorengoak hogeita bat urtetik beherakoak badira edo adin
horretatik gorakoak izan arren, gurasoen ardurapean bizi badira.
b)
Adina:
Hemezortzi
urte izatea
eta erretiroa
hartzeko oro har
zehaztutako adinera oraindik
ez iristea.
c)
Gaixotasunik ez izatea, ezta aukeratzen diren kidego eta espezialitatearen
funtzioetan aritzearekin bateraezina den muga fisiko edo psikikorik ere.
d)
Zigor-espedientearen bidez edozein administrazio publikoren zerbitzutik kendu ez
izana, ezta funtzio publikoetan aritzeko ezgaituta egotea ere.
Halaber, nazionalitate espainiarra ez duten izangaiek haien estatuan funtzio
publikoan sartzea eragozten dien diziplina-zehapen edo zigor penalik ez dutela
egiaztatu beharko dute.
e)
Zer kidegotara
sartu nahi den,
kidego horretako
karrerako funtzionarioa
edo praktiketakoa
ez izatea,
edo izendapenaren
zain ez
egotea.
f) Hizkuntza-gaitasuna:
- Lortu nahi den lanpostuari ezarri zaion 1. edo 2. hizkuntza-eskakizuna
egiaztatzea.
- Hizkuntza-eskakizunekin homologaturiko hizkuntza-egiaztagiriren bat edukitzea
2)
Berariazko betebeharrak
2.1.
Esandako betebehar orokorrez gain, izangaiek ondoko berariazko betebeharrak bete
beharko dituzte:
2.1.1. Bigarren Hezkuntzako irakasleen kidegoak
a) Doktore, lizentziadun, ingeniari edo arkitekto titulua izatea edo
titulua emateko eskubideak ordainduak izatea edo irakaskuntzarako dagokion
mailako titulua edo beste titulu baliokideren bat izatea edo titulua emateko
eskubideak ordainduak izatea (III. eranskinean jasota daude titulu horiek),
otsailaren 23ko 276/2007 Errege Dekretuko xedapen gehigarri bakarrean
ezarritakoaren arabera.
b) Maiatzaren 3ko 2/2006 Hezkuntzari buruzko Lege Organikoko 100.2
artikuluan aipatzen den prestakuntza pedagogiko eta didaktikoa edukitzea.
Otsailaren 23ko 276/2007 Errege Dekretuak onartutako Araudiko xedapen
iragankorraren arabera, baldintza horretatik libre geratuko dira titulu
hauetakoren bat dutenak: irakasleak, Oinarrizko Hezkuntza Orokorreko
irakasle-diplomatura dutenak, lehen irakaskuntzako irakasleak, pedagogian eta
psikopedagogian lizentziadunak eta prestakuntza pedagogikoa eta didaktikoa duten
lizentziatura edo titulu baliokidea dutenak. Horrez gain, ezingo zaie baldintza
hori eskatu Teknologia, Psikologia eta Pedagogia espezialitateetara sartu nahi
duten izangaiei, ez eta Lanbide Heziketako irakaskuntzetara sartu nahi dutenei
ere.
Xedapen horretan bertan ezarritakoaren arabera, baldintza honetan
aipatzen den prestakuntzaren baliokideak dira maiatzaren 3ko 2/2006 Hezkuntzari
buruzko Lege Organikoa indarrean sartzean urriaren 3ko 1/1990 Hezkuntza
Sistemaren Antolamendu Orokorrari buruzko Lege Organikoan ezarritakoaren
babesean unibertsitateek antolatutako ikastaroen bidez lortutako Espezializazio
Didaktikoko Profesionalak titulua eta Irakaskuntzarako Gaitasun Ziurtagiria, bai
eta Irakasgaitasun Ziurtagiria ere. Titulu horien
baliokidetzat hartzen da, halaber, bi ikasturte osotan edo 12 hilabetetan
(tartean etenak egon arren) irakaskuntza-esperientzia eduki dela egiaztatzea,
behar bezala baimendutako irakaskuntza arautuko ikastetxe publikoetan edo
pribatuetan.
2.1.2. Lanbide Heziketako irakasle teknikoen kidegoak
Unibertsitateko diplomadunaren, arkitekto teknikoaren edo ingeniari
teknikoaren titulua izatea edo titulua emateko eskubideak ordainduak izatea edo
irakaskuntzarako dagokion mailako titulua edo beste titulu baliokideren bat
izatea edo titulua emateko eskubideak ordainduak izatea (IV. eranskinean jasota
daude titulu horiek).
Oro har eskatutako titulurik eduki ez arren, deialdia egiten duen
hezkuntza-administrazioaren mendeko ikastetxe publikoetan gutxienez bi urteko
irakaskuntza-esperientzia egiaztatzen dutenak ere onartu ahal izango dira,
dagokion lanbide-familiako lanbide-heziketaren espezialitate bateko teknikari
espezialistaren edo goi-mailako teknikariaren titulua badute.
2.1.3. Hizkuntza-eskola ofizialetako irakasleen kidegoak
Doktorearen, lizentziadunaren, ingeniariaren edo arkitektoaren titulua
izatea edo titulua emateko eskubideak ordainduak izatea edo irakaskuntzarako
dagokion mailako titulua edo beste titulu baliokideren bat izatea edo titulua
emateko eskubideak ordainduak izatea.
Titulazio horiek atzerrian lortu izanez gero, homologatuta egon beharko dute,
urtarrilaren 16ko 86/1987 eta otsailaren 20ko 285/2004 Errege Dekretuen eta
azaroaren 3ko ECI 3686/2004 Aginduaren arabera, edo, bestela, dagokion kidegoko
irakasle-lanbidean jarduteko aitortuta egon beharko dute, 89/48/EEE
Zuzentarauak eta urriaren 25eko 1665/1991 Errege
Dekretuak zehaztutakoaren babesean, aplikatu ahal diren heinean.
2.2.
Urritasuna dutenentzat
erreserbatutako txandan
parte hartzeko berariazko
baldintzak
Prozedura horretan parte
hartu ahal
izango dute
lortu nahi
duten kidegoan
sartzeko baldintza
orokorrak eta
berariazko baldintzak
bete eta,
horrez gain,
Foru Aldundietako
Gizarte Ongizate
Saileko, Lan eta
Gizarte Gaietako
Ministerioko edo, hala
egokituz gero,
gai horretan
eskuduntzak dituzten
gainerako autonomia-erkidegokoetako
organo eskudunek
gutxienez % 33ko urritasun
fisikoa aitortu
diotenek, urritasuna
irakaskuntzan aritzearekin
bateraezina ez
bada.
Erreserba horretarako
aukera parte hartzeko
eskaeran egin
beharko da, eta
berariaz adieraziko da
horretarako eskatutako
baldintza betetzen
dela. Lanpostua
lortutakoan, eskumena
duten organoen
ziurtagirien bidez
egiaztatu beharko da
adierazitako baldintza
hori betetzen
dela.
Ezinduei
erreserbaturikoen
txandan lehiatzen
diren izangaiek
ezin izango
dute espezialitate
bererako lehiatu
beste prozesuren baten
bitartez, eta
ezin izango
dute prozeduraz
aldatu gerora.
2.3.
Goragoko
talde bateko
kidegoetara sartzeko
prozesuan
parte hartzeko berariazko
baldintzak
Prozesu honetan parte
hartu ahal
izango dute B
taldean sailkatuta
dauden irakasle
funtzionarioek, deialdian
ezarritako baldintza
orokorrak betetzeaz
gain, baldintza
hauek egiaztatzen
badituzte:
a)
Bigarren Hezkuntzako
irakasleen kidegoan
sartzeko deialdi
honetako oinarrietan
agertzen diren
tituluetako bat duela.
b)
Jatorrizko kidegoan
gutxienez zortzi
urte izan dela
karrerako funtzionario.
c)
Lortu nahi
duen lanpostuari
dagokion 1.
edo 2.
hizkuntza-eskakizuna
duela.
Sarbide-prozedura
hau aukeratzen
dutenek ezingo
dute beste
prozedura batetik parte
hartu espezialitate
bererako, eta
ezingo dute
prozedura aldatu
gerora.
2.4.
Talde bereko
beste kidego
batzuetara eta
kidego horietako destino
osagarrien mailetara
sartzeko prozeduretan
parte hartzeko berariazko
baldintzak
Prozedura horretan parte
hartu ahal
izango dute A
taldeko irakasle
funtzionarioek, deialdian
ezarritako baldintza
orokorrak betetzeaz
gain, baldintza
hauek egiaztatzen
badituzte:
a)
Hizkuntza-eskola
ofizialetako irakasleen
kidegoan sartzeko
deialdi honetako
oinarrietan agertzen
diren tituluetako bat
duela.
b)
Lortu nahi
duen lanpostuari
dagokion 1.
edo 2.
hizkuntza-eskakizuna
duela.
Sarbide-prozedura
hau aukeratzen
dutenek ezingo
dute beste
prozedura batetik parte
hartu espezialitate
bererako, eta
ezingo dute
prozedura aldatu
gerora.
Oinarri
honetan aipatutako
baldintza guztiak
bete beharko
dira eskaerak
aurkezteko epea
amaitzean, eta
karrerako funtzionarioaren
kargua hartzeko
egunera arte bete
beharko dira,
gainera, hizkuntza-eskakizuna
egiaztatzeko baldintzarena
izan ezik, deialdi
honetako 6.1.2.
oinarrian aipatzen
den hizkuntza-eskakizunak
egiaztatzeko probaren emaitzak
argitaratu aurretik
eduki eta
egiaztatu behar
baitira hizkuntza-eskakizunak.
Onartua izateko eskabideak
Hautaketa-prozesuan onartua izateko eskabidea egin aurretik, deialdia bera
arretaz irakurtzea komeni da, batez ere eskabideak aurkezteko epeei buruzko
atalak, eskabideak betetzeko jarraibideei buruzko atalak, etab.
Eskabide-inprimakiak jasotzea
Hautespen-prozesu honetan parte hartu nahi dutenek, eskabide-eredu bat bete
beharko dute; hain zuzen ere, interneteko helbide hauetan agertzen dena:
http://www.irakasle.net
edo
http://www.hezkuntza.ejgv.euskadi.net.
Ondorengo bi bideetako bat erabil dezakete horretarako:
1. Eskabide-eredua
zuzenean bete aipatu internet-helbidean.
2.
Eredu
hori lurralde
historiko bakoitzaren
hurrengo tokietan
bete:
-
Alava: Delegación Territorial sita en San Prudencio,
18 – Vitoria-Gasteiz
-
Bizkaia:
Maria Diaz de Haro kalea,
3 – Bilbo
-
Gipuzkoa: Plaza Lasala,
2-1º piso – Donostia-San Sebastián
Hauxe
gomendatzen dizugu: eskabidea betetzen hasi aurretik, arretaz irakur ditzazula
eskabidea behar bezala betetzeko argibideak, adierazitako
internet-helbidean ageri direnak.
Goian
aipatutako tokietan eskuratu ahal den eskabide ereduak bere
erreferentzia-zenbaki propio eta bereizia izango du, identifikatzeko. Eskabidea,
halaber, jatorrizko alea izango da, eta ez fotokopia, eta bertan jasoko dira,
nahitaez, izangaiak nahi duen kidegoa, espezialitatea, hizkuntza-eskakizuna eta
txanda.
Elbarritasuna edo ezintasuna duten hautagaiek laukitxo egokian adieraziko dute
hori, bai eta eskatzen duten egokitzapena azalduko ere.
Tasak ordaintzea
Izangaiek zenbateko hauek ordaindu beharko dituzte, izena emateko tasa gisa,
deialdi honetan parte hartu ahal izateko:
.16,30 € Lanbide Heziketako irakasle teknikoen kidegoak.
.19,55 € Bigarren Hezkuntzako irakasleen kidegoak eta hizkuntza-eskola
ofizialetako irakasleen kidegoak.
Tasak
eskaerak aurkezteko epearen barruan ordaindu beharko dira, eta bi bideotako bat
aukeratu ahal izango da horretarako:
a)
Jarraian aipatzen diren bankuetako edozein sukurtsaletan zuzenean ordaintzea,
erakunde laguntzailearentzako frogagiria aurkeztuz:
1.
Caja Laboral-Euskadiko
Kutxa
2. BBK (Bilbao Bizkaia Kutxa)
3. Caja Vital Kutxa
4. Gipuzkoa Donostia Kutxa,
5. BBVA
6. Santander Central Hispano
7. Banco Guipuzcoano.
8. La Caixa.
9. Bankoa.
b)
ON-LINE
ordaintzea: banku elektronikoaren sistemaren bitartez, sistemak berak erakusten
dituen jarraibideen arabera, betiere interesduna modalitate horretako bezero
baldin bada adierazitako banku-erakundeetatik edozeinetan.
Ordainketa-mota
horren bitartez,
ez da alferreko
joan-etorririk
egin behar
eta ez da
ilaran itxaron
behar. Gainera,
eguneko 24 orduetan
erabil daiteke.
Azterketa egiteko eskubideak ez ordaintzeak edo epez kanpo ordaintzeak izangaia
prozesutik kanpo uztea ekarriko du.
Agiriak aurkeztea
Eskabideak eta bestelako dokumentazioa aurkezteko epea 20 egun naturalekoa
izango da, deialdi-agindua Euskal Herriko Agintaritzaren Aldizkarian argitaratu
eta hurrengo egunetik kontatzen hasita, eta honako tokietako batean
aurkeztu beharko da:
-
Alava: Delegación Territorial sita en San Prudencio,
18 – Vitoria-Gasteiz
-
Bizkaia:
Maria Diaz de Haro kalea,
3 – Bilbo
-
Gipuzkoa: Plaza Lasala,
2-1º piso – Donostia-San Sebastián
-
Azaroaren
26ko 30/1992 Legeko, Herri
Administrazioen Araubide
Juridikoaren eta
Administrazio Prozedura
Erkidearen Legeko, 38.4
artikuluan aurrez
ikusitako edozein
eratan, xedapen
horretan ezarritako
baldintzen arabera.
Eskaera
internet bidez
betetzen bada,
hartuaren adierazpena
eskuratuko da (erakunde
laguntzailearentzako alea).
Esleitutako erreferentzia-zenbakia
izango du,
eta deialdiaren 3.2.
oinarrian
aurreikusitako moduetan
tasa ordaintzeko datu
zehatzak edukiko
ditu. Bide
batez eskuratuko da
eskabidearen ordezkagiria
(administrazioarentzako alea),
eta eskabideak
aurkezteko epean
deialdiaren 3.4.1. oinarriko
a) eta b) puntuetan
aipatutako edozein
tokitan aurkez
daitezkeen merezimenduei
eta gainerako
dokumentazioari erantsiko
zaie.
Atzerrian egindako eskabideak tokian tokiko Espainiako ordezkaritza
diplomatikoetan edo kontsulatuetan aurkeztu ahal izango dira, deialdiaren
oinarriko 3.5 puntuan adierazitako epean aurkeztu ere, eta erakunde horiek
eskumena duen administraziora igorriko dituzte. Azterketa-eskubideen tasa
ordaintzeko deialdiko 3.2 puntuak xedatutakoari jarraituko zaio.
Agiriak
Ondoko agiriak aurkeztu beharko dituzte izangaiek, eskabidearekin batera:
a) Kidegoan
sartzeko eskatutako tituluaren fotokopia konpultsatua edo titulua emateko
eskubideak ordaindu direla adierazten duen ziurtagiriaren fotokopia konpultsatua.
Atzerrian lortutako tituluen kasuan, dagokion homologazioa edo
irakasle-kidegoan jarduteko behar den onespenaren kredentziala erantsi beharko
da, 89/48/EEE Zuzentaraua eta urriaren 25eko
1665/1991 Errege Dekretua aplikatuz.
Dokumentu hori aurkezten ez badu, izangaia hautaketa-prozesutik kanpo
geldituko da.
b) Deialdiaren 2.2.1.1. b) oinarrian aipatzen den prestakuntza pedagogiko
eta didaktikoa baduela ziurtatzen duen egiaztagiriaren edo tituluaren fotokopia
konpultsatua, kidegoan sartzeko eskatutakoaren berdina ez bada.
Oinarriak aipatutako prestakuntzaren baliokidetzat hartzen duen aurreko
irakaskuntza-esperientziaren egiaztapena,deialdiaren I. eranskineko I. atalean
agertzen diren agiriak aurkeztuta.
c) Goragoko
talde bateko kidegoetara eta talde bereko beste
kidego batzuetara eta kidego horietako destino osagarrien mailetara sartu nahi
dutenek kidegoan sartzeko eskatutako tituluaren fotokopia konpultsatua edo
titulua emateko eskubideak ordaindu direla adierazten duen ziurtagiria eman
beharko dute.
d) Urritasuna duten izangaiek urritasun-maila zehazteko organo tekniko
eskumendunak emandako medikuaren irizpen teknikoa aurkeztu beharko dute, fede
emanez egiaztatzen dituena aitortutako urritasun-maila eragin duten urritasun
iraunkorrak, hautaketa-organoak balioetsi ahal izan dezan eskatutako
egokitzapenak bidezkoak diren ala ez.
e) Espainiar
nazionalitaterik ez duten izangaiek deialdiaren
6.1.1.1. oinarrian adierazitakoaren arabera gaztelaniaren ezagutza-proba
egitetik salbuetsita geratu nahi badute oinarri horretan aipatutako tituluren
bat dutelako, tituluen fotokopia konpultsatua edo tituluak emateko eskubideak
ordaindu direla egiaztatzen duen agiriaren fotokopia konpultsatua aurkeztu
beharko dute.
Halaber, aurreko deialdietan proba gainditu dutela-eta salbuetsita geratu
nahi duten izangaiek proba gainditua dutela egiaztatuko duen agiria aurkeztu
beharko dute.
Bi
kasuetan, dokumentu horiek aurkeztu ezean, interesdunak ezingo dira salbuetsi,
eta, hortaz, proba egin beharko dute, deialdiaren 6.1.1. oinarrian
ezarritakoaren arabera.
Proba
hori egitetik salbuetsitzat joko dira, halaber, espainolaz besteko
nazionalitatea duten izangaiak, baldin eta, jatorria kontuan hartuta,
gaztelaniaz dakitela ondoriozta badaiteke.
f)
Zerbitzuak beste autonomia-erkidego batzuetako hezkuntza-administrazioetan
ematen dituztenek administrazio horiek emandako zerbitzu-orriak aurkeztu beharko
dutuzte, B.2) ariketa ordeztea nahi badute.
Zerbitzu-orri horretan adierazi egin beharko da zein kidego eta espezialitatetan
izendatu ziren izangaiok eta, halaber, adierazi egin beharko da zein egun
zehatzetan eman diren zerbitzuok.
g)
Deialdi honi lotutako I. eta II. eranskineko baremoak aipatzen dituen
merezimenduak baloratzeko, izangaiek merezimendu horiek egiaztatzeko agiriak
(jatorrizkoak edo fotokopia konpultsatuak) aurkeztuko dituzte. Horrenbestez,
eskabideak aurkezteko epean eta deialdi honek zehaztutako agirien bidez egokiro
egiaztatzen diren merezimenduak baino ez dira aintzat hartuko.
Alegatutako tituluaren espediente akademikoa baloratu ahal izateko,
titulua atzerrian eskuratu duten izangaiek lehenengo paragrafoan adierazitako
epean aurkeztu beharko dute titulua, baina eskabideak aurkezteko epea agortu
ondoren, beste hogei egun natural izango dituzte titulua eman zuen herrialdeko
hezkuntza-administrazioak karrera osoan lortutako kalifikazioen batez
bestekoaren egiaztapena eman dezan. Horrez gain, Espainiako kalifikazioekin
baliokideak zehazteko, atzerriko sistema akademiko horretan lor daitezkeen
kalifikazio gorenak zein diren ere adierazi beharko du.
Euskal Autonomia Erkidegoko bi hizkuntza ofizialetako bateko itzulpen ofizial
eta guzti aurkeztu beharko dira gaztelania ez den atzerriko hizkuntzaren batean
emandako dokumentazio guztiak. Titulazio akademikoei eta emandako zerbitzuen
orriei dagokienez, zinpeko interprete batek egin beharko du itzulpena; gainerako
dokumentazioaren itzulpenak, berriz, zinpeko interpreteak egina beharko du, edo
bestela, dagokion kontsulatu edo bulego diplomatikoak
baliozkotua.
Autonomia-erkidegoetako beste hizkuntzetan idatzitako dokumentuak ere
(euskaraz idatzitako dokumentuak izan ezik) Euskal Autonomia Erkidegoko bi
hizkuntza ofizialetako batera zinpeko interpreteak itzulita aurkeztu beharko
dira.
|