Donostiako Loiola auzoak Topoaren geltoki modernoa eta enblematikoa, irisgarriagoa eta seguruagoa du 2017tik. Horrez gain, Lugaritz-Easo tartearen eraikuntzarekin, Eason, Zentro-Erdialdean eta Bentaberri-Antiguan egongo diren geltoki berriekin, Loiola Donostiako erdialdetik are eta gertuago egongo da, eta ez da garraio aldaketarik egin beharko Zarautzera edo Eibarrera joateko.

Loiolako biztanleek Donostialdeko gainerako lekuekin daukaten konexioa izateaz gain, geltoki berria, 100 urte baino gehiagoz trenbideak banandu duen auzoa elkartzeko gune bilakatu da.

Geltokiaren eta bide-zubi gaineko trenbide bikoitzeko trazatuaren diseinuak amaiera eman diote zegoen ezpondari, banaketa eragiten zuen ?hesia? desagerraraziz eta Lorategi Hiri gunea auzoaren gainerakoarekin behin betiko lotuz.

Trenbide trazatuak eragiten zuen hirigintza hesia kentzeari esker, 10.000 m2 baino gehiago berreskuratu ahal izan dira erabilera publikorako. Gune berdeak, haur jolasak, bidegorria, bizikletak aparkatzeko guneak? guztia ere herritarren erabilerarako eta gozamenerako.