Hegoaldeko Trenbide Saihesbidea
Bilboko hegoaldeko trenbide-saihesbidearen proiektuak zuzenean lotuko ditu Bilboko portua eta Europa, trenbide-azpiegituren garapena bultzatuz. Euskal Autonomia Erkidegoa arduratuko da bi administrazioen arteko ekonomia-itunaren esparruan finantzatutako proiektuak idazteaz, obrak gauzatzeaz eta administrazio-kudeaketaz
Konexio berriak zuzenean lotuko du Bilboko Portua Europarekin
2017ko martxoaren 15ean, Eusko Jaurlaritzak akordioa lortu zuen Espainiako Gobernuarekin, Lankidetza Hitzarmena sinatzeko Estatuko Administrazio Orokorraren, Administrador de Infraestructuras Ferroviarias erakundearen eta Euskadiko Autonomia Erkidegoko Administrazio Nagusiaren artean, azken horri Hegoaldeko Trenbide Saihesbidearen proiektuak eta obrak egitea agintzeko.
Jarduketak, Estatuko Administrazio Orokorraren eta Euskadiko Autonomia Erkidegoaren arteko kontzertu ekonomikoaren (kupoa) barruan finantzatuko dira. Uztailaren 12an, Eusko Jaurlaritzak eta Gobernu zentralak, azpiegitura horren proiektuen garapenerako eta eraikuntzarako akordioaren sinadura ofiziala egin zuten Madrilen.
Onurak
Bilbo Portuko trenbide konexio ona
Konexio berriak Bilboko Portua eta Europa zuzenean lotuko lituzke, Atlantikoko Trenbide Igarobidea parte den Europa Barruko Sarearen bitartez. Gaur egun Portuak ez duen trenbideko lotura horrek lehiakortasuna hobetzen lagunduko du.
Merkantzien trafikoa liberatuko du
Ezkerraldeko eta meatzerriko udalerrietako bizitza kalitatea hobetuko da, martxan jartzean, Santurtzi, Portugalete, Sestao eta Barakaldo egungo sareko merkantzien trafikotik libre geratuko direlako.
Kostuen murrizketa
Ezkerraldean egiten den trenbideko 100.000 edukiontzi baino gehiagoren eta tren osoetan garraiatzen diren 800.000 tona merkantzien zirkulazioak kenduko lirateke. Gaur egun 19 zirkulazio baino gehiago egiten dira egunero, eta eskaria gero eta handiagoa da.
Intereseko bestelako informazioa
“Konektatu Europa” (Connecting Europe Facility (CEF) mekanismoarekin, Eusko Jaurlaritzak eta Klimaren, Azpiegituren eta Ingurumenaren Europako Agentzia Exekutiboak (CINEA), ATL_Freight_South_access_to_Bilbao_Port" ( 2020-ES-TM-0011-S) izeneko ekintza finantzatzeko akordioa sinatu zuten2021eko martxoaren 23an. Akordio horren bidez, Bilboko hegoaldeko trenbide-saihesbidea (1. fasea) eraikitzeko proiektuak idazteko eta lizitatzeko lanen % 50a finantzatuko da.”
Datu interesgarriak
Tarteak
I. fasea, Serantes-Olabeaga tunela: hitzarmenak 461 milioi euro aurreikusten ditu, eraikuntza proiektua idazteko eta lanak egikaritzeko.
Distantzia
Superestruktura: Hitzarmenak jasotzen duenez, Adif arduratuko da atal horretaz bi faseetan (Serantes-Olabeaga tunela eta Barakaldo-Basauri tartea), 84,7 milioi euroko aurrekontuarekin.
Exekuzio denbora
II. fasea: hitzarmenak 3,02 milioi euroko partida baino ez du jasotzen, informazio azterlanaren idazketarako.
Azken aldaketako data: