Zientzia, Teknologia eta Berrikuntzako Plana, Euskadi 2030 (ZTBP 2030) plana zuzenean lotzen da Euskal Autonomia Erkidegoak ikerketaren eta berrikuntzaren alde egiten duen apustu estrategikoarekin. Gure helmuga da Euskal Autonomia Erkidegoa berrikuntzan aurreratuen dauden Europako eskualdeen artean kokatzea 2030ean. Gure ikuspegia da bizi-maila eta enpleguaren kalitatea hobetzea. Estrategia hori erakunde publikoekin, enpresekin, unibertsitateekin, ikerketa-zentroekin, teknologia-zentroekin eta eragile sozioekonomikoekin partekatzen da.

ZTBP 2030a euskal gizarteak etorkizun hobearen alde hartu duen konpromisoa islatzen eta jasotzen du. Zientzia, teknologia eta berrikuntza sustatzea da gure apustua, Euskadi digitalago, berdeago eta inklusiboago baterako trantsizioa bizkotxeko.