39. zk., 2019ko otsailaren 25a, astelehena
- Bestelako formatuak:
- PDF (186 KB - 1 orri.)
- EPUB (192 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
VITORIA-GASTEIZKO LEHEN AUZIALDIKO 2 ZENBAKIKO ZUZENEKO LAGUNTZA EMATEKO UNITATE PROZESALA
1005
EDIKTUA, 986/2018 hitzezko judizioaren ondoriozkoa.
Vitoria-Gasteizko Lehen Auzialdiko 2 zenbakiko Epaitegia, Zuzeneko Laguntza Zibila emateko Unitate Prozesala.
Judizioa: 986/2018 hitzezko judizioa.
Demandatzailea: Julian Sanz Toral.
Abokatua.
Prokuradorea.
Demandatua: Ahmed Bentouda.
Gaia.
Nik, Yolanda Mendia Rodriguezek, Vitoria-Gasteizko Epaitegiko Justizia Administrazioaren letradua naizen honek, jakinarazten dut aipatutako hitzezko judizioan epaia eman dela 2019ko otsailaren 4an. Hauek dira idazpurua eta xedapenak:
Ikusi dira, diru-zenbateko bat erreklamatzeko, epaitegi honetan bideratu den 986/2018 hitzezko judizioaren autoak; prozedura, Julián Sánz Toralek eskatua izan da, Ahmed Bentoudaren aurka, zeina auzi-ihesean baita.
EPAITZA
Baiesten dut diru-zenbateko bat erreklamatzeko hitzezko judizioaren demanda, Julián Sánz Toralek aurkeztua Ahmed Bentoudaren aurka, zeina auzi-ihesean baita, eta, horrenbestez,
Ahmed Bentouda kondenatzen dut Julián Sánz Torali 600 euro ordaintzera.
Zenbateko horrek PZLren 576. artikuluko legezko interesa sortuko du.
Kostuak alderdi demandatuari ezartzen dizkiot beren-beregi.
Ahmed Bentouda demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).
Ebazpen horren aurka, ezin da inolako errekurtsorik aurkeztu.
Jakinarazten den ebazpenaren testu osoa eskuragarri du interesdunak, epaitegi honetako bulego judizialean.
Vitoria-Gasteiz, 2019ko otsailaren 7a.
JUSTIZIA ADMINISTRAZIOAREN LETRADUA.