Boletín Oficial del País Vasco

248. zk., 2013ko abenduaren 31, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 5 ZENBAKIKO EPAITEGIA

5621

EDIKTUA, seme-alaba adingabeentzako neurrietarako 308/13 prozeduraren ondoriozkoa.

JAKINARAZPEN-ZEDULA

Prozedura: ezkontzaz kanpoko seme-alabentzako neurriak. Bilboko Lehen Auzialdiko 5 zenbakiko Epaitegian (Bizkaia) jarraitutako seme-alabenganako neurrietarako 308/13 prozeduran epaia eman da. Rosa Gabarri Caro andreak sustatu du prozedura, Ismael Borja Amaya jaunaren aurka. Hona hemen epai horren idazpurua eta epaitza:

497/13 EPAIA

Epailea: Francisco Javier Osa Fernandez jauna.

Lekua: Bilbao (Bizkaia).

Eguna: bi mila eta hamahiruko azaroaren hamazortzia.

Alderdi demandatzailea: Rosa Gabarri Caro.

Abokatua: Maria Carmen Gonzalez Gutierrez.

Prokuradorea: Maria Dolores Castro Guzman.

Alderdi demandatua: Ismael Borja Amaya.

Abokatua:

Prokuradorea:

Judizioaren gaia: seme-alaba adingabeentzako neurriak.

EPAITZA

Ezetsi egiten dut Rosa Gabarri Caro-k aurkeztutako demanda, auzi-ihesean den Ismael Borja Amaya-ren aurkakoa. Beraz, ez dira hartuko demandan proposatutako neurriak, eta, berariaz, alderdi auzi-jartzaileari ezarriko zaizkio prozedura hau izapidetzerakoan sortutako kostuak.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen diren (PZLb, 458,2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean utzi beharko da epaitegi honek Banesto taldean (Banco Español de Crédito) duen Gordailuan eta Zainpean uzteko Kontuan (kontuaren zenbakia: 4709). Dirua sartu izanaren agirian, kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Ismael Borja Amaya demandatuari behar bezalako jakinarazpena egiteko balio dezan ematen eta sinatzen dut ediktu hau, Bilbon (Bizkaia), bi mila eta hamahiruko azaroaren hemeretzian.

IDAZKARIA.

Azterketa dokumentala