
221. zk., 2026ko azaroaren 18a, asteazkena
- Bestelako formatuak:
- PDF (94 KB - 1 orri.)
- EPUB (101 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
HEZKUNTZA SAILA
4934
EBAZPENA, 2026ko azaroaren 6koa, Langileriaren kudeaketa zuzendariarena, zeinaren bidez argitara ematen baita zozketa bidez zer letra aukeratu den 2027-2028 ikasturtean ordezkogaiak kudeatzeko prozesuan erabiliko den alfabeto-hurrenkera zehazteko, baita urtean zehar deitzen den edozein hautatze-prozesutan ere.
Hezkuntzako sailburuaren 2026ko maiatzaren 11ko aginduan dago arauturik nola hautatu eta kudeatu Autonomia Erkidegoko unibertsitatez kanpoko ikastetxe publikoetako aldi baterako irakasleak; eta, han ezarrita dagoenez, izen-abizenen hurrenkera alfabetikoa baliatuko da puntuazio-berdinketak hausteko, eta hurrenkera horren abiapuntu-letra urtero egingo den zozketa batean aukeratuko da.
Halaber, letra horrek zehaztuko du zein hurrenkeraren arabera parte hartuko duten izangaiek, hau da, zozketa horretan ateratzen den letrak zehaztuko du nor izango den lehen ordezkogaia ikasturtean zehar deitu daitekeen edozein hautatze-prozesutan.
Zozketa hori 2026ko azaroaren 6an egin zen Langileak Kudeatzeko Zuzendaritza honen egoitzan. Horregatik guztiarengatik,
EBATZI DUT:
Artikulu bakarra.– Argitara ematea berdinketa dagoenean «U» letrak zehaztuko duela nork zein hurrenkera izango duen ordezkogaien zerrendan 2027-2028 ikasturtean. Era berean, letra horrek zehaztuko du zein hurrenkeran parte hartuko duten izangaiek ikasturtean egiten den beste edozein hautaketa-prozesutan. Horrela, bada, «U» letrak zehaztuko du nor izango den lehenengoa, abizenen eta izenaren arabera.
Vitoria-Gasteiz, 2026ko azaroaren 6a.
Langileriaren kudeaketa zuzendaria,
UNAI NIETO MARIJUAN.
RSS