RSS
206. zk., 2026ko urriaren 28a, asteazkena
- Bestelako formatuak:
- PDF (171 KB - 3 orri.)
- EPUB (109 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
AGINTARIAK ETA LANGILEAK
Izendapenak, egoerak eta gorabeherak
HEZKUNTZA SAILA
4525
EBAZPENA, 2026ko urriaren 14koa, Langileriaren kudeaketa zuzendariarena, deialdian eskatutako baldintzak betetzen dituzten hautatutako pertsonek dagozkien lan-kontratuak formalizatzeko epea ezartzen duena, eta enplegua egonkortzeko salbuespenezko prozesuan hautatutako pertsonen bosgarren zerrenda osagarria argitaratzen duena, Hezkuntza Saileko lan-kontratuko hezkuntza-langileen lan-kategorietako lanpostuak modu finkoan betetzeko.
Hezkuntzako sailburuaren 2022ko abenduaren 20ko Aginduak (2022ko abenduaren 29ko EHAA), enplegua egonkortzeko salbuespenezko prozesurako oinarriak onartu zituen, Hezkuntza Sailari atxikitako lan-kontratuko langileen lan-kategorietako lanpostuak modu finkoan betetzeko.
Hezkuntzako sailburuaren 2022ko abenduaren 20ko Agindu horren bidez, hezkuntza-administrazioaren zerbitzuko lan-kontratuko langile finko izateko egonkortzeko salbuespenezko prozesu hauetarako deialdia egin zen:
– Hezkuntza Laguntzako Langileen kategorian sartzeko merezimendu-lehiaketa.
– Transkribatzaile eta material-egokitzaile kategorian sartzeko merezimendu-lehiaketa.
– Zeinu-mintzairaren interprete kategorian sartzeko merezimendu-lehiaketa.
– Fisioterapeuta kategorian sartzeko merezimendu-lehiaketa.
– Okupazio Terapeutaren kategorian sartzeko merezimendu-lehiaketa.
– Gizarte-langilearen kategorian sartzeko merezimendu-lehiaketa.
Hezkuntza Saileko Langileriaren Kudeaketa zuzendariaren 2024ko abenduaren 26ko Ebazpenak prozesu horietan hautatutako pertsonen eta esleituko diren plazen behin betiko zerrendak argitaratu zituen.
Hezkuntza Saileko Langileriaren Kudeaketa zuzendariaren 2025eko maiatzaren 19ko Ebazpenaren bidez, argitara eman zen Euskal Autonomia Erkidegoko Hezkuntza Administrazioaren zerbitzurako lan-kontratuak formalizatu behar zituzten pertsonen zerrenda, eskatutako dokumentazioa ezarritako epearen barruan aurkezteagatik (aipatutako ebazpenaren I. eranskina), bai eta lortu nahi den lanpostuko eginkizunak betetzeko gaitasun funtzionala zehazten duen azterketa medikoa arrazoi justifikatuarekin egin gabe zuten pertsonen zerrenda ere (ebazpen horren II. eranskina).
Bestalde, ebazpen horrek (Hezkuntza Saileko Langileriaren Kudeaketa zuzendariaren 2025eko abuztuaren 18ko Ebazpenaren bidez aldatua) argitara eman zuen ordezkoen zerrendan ageri den puntuazio-hurrenkeraren arabera hautatutako pertsonen zerrenda, enplegua egonkortzeko salbuespenezko prozesuan hautatutzat jota, eta zegokion epea ezarri zuen egiaztagiriak aurkezteko eta azterketa medikoa egiteko.
Aipatutako aginduaren 9.4 oinarrian aurreikusitako osasun-azterketan II. eranskin horretan zerrendatutako pertsonak ebaluatu ondoren, Langileak Kudeatzeko zuzendariaren 2025eko uztailaren 10eko Ebazpenaren bidez, argitara eman zen Euskal Autonomia Erkidegoko Hezkuntza Administrazioaren zerbitzurako lan-kontratuak formalizatu behar zituztenen lehen zerrenda osagarria, lanpostuko eginkizunak betetzeko gaitzat jo zituztelako.
Langileak Kudeatzeko zuzendariaren 2025eko irailaren 23ko, 2026ko apirilaren 23ko eta 2026ko uztailaren 24ko ebazpenen bidez, Euskal Autonomia Erkidegoko Hezkuntza Administrazioaren zerbitzurako lan-kontratuak formalizatu behar zituzten pertsonen bigarren, hirugarren eta laugarren zerrenda osagarriak argitaratu ziren, hurrenez hurren.
Eskatutako baldintzak betetzen direla egiaztatu ondoren, argitara ematen da Euskal Autonomia Erkidegoko hezkuntza-administrazioaren zerbitzurako lan-kontratuak formalizatu behar dituzten pertsonen bosgarren zerrenda osagarria, lortu nahi duten lanpostuko eginkizunak betetzeko gaitzat jo dituztelako.
Horrenbestez, hau
EBAZTEN DUT:
Lehenengoa.– Argitara ematea Hezkuntzako sailburuaren 2022ko abenduaren 20ko Aginduaren bidez deitutako Hezkuntza Saileko hezkuntzako lan-kontratudun langileen kategorietako plazak modu finkoan betetzeko enplegua egonkortzeko salbuespenezko prozesuetan hautatutako izangaien bosgarren zerrenda osagarria, deialdian eskatutako baldintzak betetzen dituztelako, eta Euskal Autonomia Erkidegoko Hezkuntza Administrazioaren zerbitzurako lan-kontratuak formalizatzeko epea ezartzea. Hautatutakoen zerrenda hori eranskinean dago.
Bigarrena.– Hautatutako pertsonek (eranskinean zerrendatuta daude) ebazpen hau argitaratzen denetik aurrera sinatu beharko dituzte dagozkien lan-kontratuak.
Ezinbesteko kasuetan izan ezik, lan-kontratua sinatzen ez duenak galdu egingo ditu Euskal Autonomia Erkidegoko Hezkuntza Administrazioko lan-kontratudun finko izateko eskubide guztiak, deialditik eratortzen direnak.
AZKEN XEDAPEN BAKARRA
Ebazpen honen aurka interesdunek gora jotzeko errekurtsoa aurkez diezaiokete Administrazio eta Zerbitzuen sailburuordeari, ebazpena Euskal Herriko Agintaritzaren Aldizkarian argitaratu eta hurrengo egunetik hilabete igaro baino lehen, Administrazio Publikoen Administrazio Prozedura Erkidearen urriaren 1eko 39/2015 Legean ezarritakoaren arabera.
Vitoria-Gasteiz, 2026ko urriaren 14a.
Langileriaren kudeaketa zuzendaria,
UNAI NIETO MARIJUAN.
ERANSKINA
Kategoria: Hezkuntza-laguntzako espezialista.
Txanda: orokorra.