RSS
200. zk., 2026ko urriaren 20a, asteartea
- Bestelako formatuak:
- PDF (132 KB - 4 orri.)
- EPUB (104 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
AGINTARIAK ETA LANGILEAK
Oposizioak eta lehiaketak
EKONOMIA, LAN ETA ENPLEGU SAILA
4384
AGINDUA, 2026ko urriaren 2koa, Jaurlaritzako bigarren lehendakariorde eta Ekonomia, Lan eta Enpleguko sailburuarena, zeinaren bidez iragartzen baita Ekonomia, Lan eta Enplegu Saileko Gizarte Ekonomiaren Zuzendaritzan «goi-kargudunaren idazkaria» lanpostua izendapen askeko sistemaren bidez betetzeko deialdi publikoa.
«Goi-kargudunaren idazkaria» lanpostua hutsik geratu denez (kodea: 520010; dotazioa: 31) Ekonomia, Lan eta Enplegu Saileko Gizarte Ekonomiaren Zuzendaritzan, Euskal Enplegu Publikoaren abenduaren 1eko 11/2022 Legearen 102.2 artikuluan xedatutakoari jarraituz eta Enplegu Publikoko Zuzendaritzak aldeko txostena eman ondoren, sail honek erabaki du eranskinean azaltzen den lanpostua izendapen askeko sistema erabiliz betetzeko deialdi publikoa iragartzea. Hona hemen deialdiaren
OINARRIAK
Lehenengoa.– Parte hartu ahal izateko baldintzak.
Deialdi honetan, Euskal Autonomia Erkidegoko Administrazio orokorreko eta haren organismo autonomoetako karrerako funtzionarioek parte hartu ahal izango dute, bai eta EAEko Administrazio orokorrarekin lotuta dauden zuzenbide pribatuko ente publikoetako karrerako funtzionarioek ere, lanpostu-zerrendan ezartzen diren baldintzak betetzen badituzte (eranskinean zehaztuta daude).
Langile horiek edozein administrazio-egoeratan egonda har dezakete parte deialdi honetan, honako egoera hauetan izan ezik:
a) Eginkizun-gabetze irmoa ezarrita daukaten funtzionarioek ezingo dute parte hartu, egoera horrek dirauen bitartean.
b) Norberaren kontuetarako edo familia elkartzeko borondatezko eszedentzian dauden langileek ezingo dute parte hartu, ez badute bete eszedentzian egon beharreko gutxieneko denbora (2 urte).
Bigarrena.– Eskabideak.
Agindu hau Euskal Herriko Agintaritzaren Aldizkarian argitaratu eta hurrengo egunetik 15 egun balioduneko epean aurkeztu beharko dira parte hartzeko eskabideak.
EAEko Administrazio orokorrean eta haren organismo publikoetan jardunean dauden karrerako funtzionarioek EIZU enplegatuaren atariaren bidez egin ditzakete eskabideak. «Jakina» bidez eta Internet bidez sar daiteke atari horretara, helbide honetatik: https://www.euskadi.eus/eusko-jaurlaritza/funtzio-publikoa/hasiera/
Gainerako izangaiek erregistro elektronikoaren bidez bidali behar dituzte eskabideak, helbide honetara: Ekonomia, Lan eta Enplegu Saileko Zerbitzu Zuzendaritzara.
Hirugarrena.– Betekizunak eta merezimenduak.
Agindu honen eranskinean ezartzen dira «goi-kargudunaren idazkaria» lanpostua (kodea: 520010; dotazioa: 31) betetzeko lanpostu-zerrendan eskatzen diren betekizunak.
Parte hartzeko eskabideari curriculum vitaea erantsi beharko zaio, eta, hor, datu pertsonalak eta bere taldea, azpitaldea edo kidegoa zehazteaz gain, beste hauek ere eman behar dira:
a) Tituluak.
b) Administrazio publikoan eta sektore publikoan zein, hala badagokio, enpresa pribatuan betetako lanpostuak, bete nahi duen lanpostuaren antzeko funtzioak eta zereginak dituztenak.
c) Egiaztatutako hizkuntza-eskakizuna.
d) Jasotako edo emandako prestakuntza-ikastaroak.
e) Hizkuntzak.
f) Eskatutako lanpostuari esleitutako funtzioen harira jakinaraztea egokitzat jotzen den bestelako merezimendu eta konpetentzia guztiak.
Eskabidearekin batera, deialdian eskatzen diren betekizunen eta alegatutako merezimenduen egiaztagiriak aurkeztu beharko dituzte izangaiek, baldin eta EAEko Administrazio orokorraren Langileen Erregistroan ez badaude.
Izangaia deialdiko lanpostuaren funtzioetara ongi egokitzen dela bermatzeko, deialdia egin duen organoari aukera ematen zaio izangaiak alegatu dituen merezimenduak egiaztatzeko egoki jotzen dituen bitartekoak erabil ditzan; elkarrizketa pertsonala edo proba bat egin dezake horretarako, edo Giza Baliabideen Zerbitzuko organo teknikoen txostenak eskatu.
Deialdi hau Euskal Herriko Agintaritzaren Aldizkarian argitaratzen den datan bete behar dira eskatutako betekizunak, eta esleitutako lanpostuaz jabetu arte eutsi behar zaie. Parte hartzeko baldintzak betetzen jarraitzen ez duten parte-hartzaileak ezin izango dira jabetu esleitutako lanpostuaz.
Laugarrena.– Ebazpena.
Bigarren lehendakariorde eta Ekonomia, Lan eta Enpleguko sailburuaren agindu baten bidez ebatziko da deialdi hau, gehienez ere hiru hilabeteko epean, eskabideak aurkezteko epea amaitu eta hurrengo egunetik aurrera. Agindu hori EHAAn argitaratu beharko da.
Lanpostua lortzen duen pertsonak esleipen-aginduan ezarritako datan jabetu beharko du lanpostuaz, eta, hala badagokio, aurreko lanpostuaren titulartasuna galduko du.
Ebazpen hori arrazoitzeko, aditzera emango da izangaiak deialdian eskatzen diren baldintzak eta zehaztapenak bete dituela, izendapena egiteko eskumena dagoela eta lanpostuari buruz monografian ezarritako eginkizunak eta zereginak betetzeko egokia dela. Azken horretarako, gainerako izangaienekin alderatuko dira merezimenduak (eta, hala badagokio, elkarrizketaren edo probaren emaitza), beste izangairik badago behintzat.
Deialdia hutsik geratu dela deklara daiteke, baldin eta izangaietako batek ere ez baditu betetzen lanpostuaren baldintzak edo izangaietako bat ere ezin bada egokitzat jo deialdiko lanpostua betetzeko behar beste merezimendu eta konpetentzia ez dituelako.
Bosgarrena.– Errekurtsoak.
Agindu honek amaiera ematen dio administrazio bideari, eta, beronen aurka, aukerako berraztertzeko errekurtsoa aurkez dakioke ebazpena eman duen organoari, hilabeteko epean, ebazpena Euskal herriko Agintaritzaren Aldizkarian argitaratu eta hurrengo egunetik aurrera. Bestela, administrazioarekiko auzi-errekurtsoa aurkez daiteke dagokion Administrazioarekiko Auzien Epaitegian, bi hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera.
Vitoria-Gasteiz, 2026ko urriaren 2a.
Jaurlaritzako bigarren lehendakariorde eta Ekonomia, Lan eta Enpleguko sailburua,
MIGUEL TORRES LORENZO.
ERANSKINA
Lanpostuaren datuak:
– Deitutako lanpostua: goi-kargudunaren idazkaria.
– Kodea: 520010.
– Dotazioa: 31.
– Kidegoa eta eskala:
EGC101 Administrarien Kidegoa – Administrarien Esk.
EGC201 Administrari Laguntzaileen Kidegoa – Administrari Laguntzaileen Esk.
– Lanpostu-mailako osagarria: 18.
– Berariazko osagarria: VI-A.
– Kokapena: Gizarte Ekonomia Zuzendaritza, Eusko Jaurlaritzaren egoitza zentrala, Lakua.
Ekonomia, Lan eta Enplegu Saila.
– Herria: Vitoria-Gasteiz.
– Hizkuntza-eskakizuna: 2.
– Derrigortasun-data: 2002-10-30.
– Laneko baldintzak: ohikoa da goi-kargudunekin harremanetan izatea. Eskuarki, isilpeko izaerako informazioa erabiltzen du. Lan-jardunaldiak handitzeko prestasuna izan behar du.