Sede electrónica

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

189. zk., 2026ko urriaren 2a, ostirala

Laburpenera joan

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Beste iragarki ofizial batzuk

URAREN EUSKAL AGENTZIA
4092

IRAGARKIA, «Oria ibaiak Tolosa udalerrian dituen uholdeetatik babesteko proiektua» jendaurrean jartzeko dena.

Uraren Euskal Agentziako zuzendari nagusiaren 2026ko irailaren 12ko Ebazpenaren bidez, hasierako onarpena eman zitzaion «Oria ibaiak Tolosa udalerrian dituen uholdeetatik babesteko proiektua»-ri.

Proiektu honen xedea da uholde-arriskua murriztea Tolosako udalerrian, Nafarroa Hiribideko zubi berria ordeztuz, ertzeko baranda horma iragazgaitz batez ordezkatuz ezkerraldean, Nafarroa Hiribideko zubi berriaren behealdetik Zerkausiko Merkaturako sarbidea ematen duen oinezkoentzako pasabideraino, eta uholdeen aurkako hesi mugikorrak jartzea Zerkausiko merkatuaren eremuan eta Arramele zubitik behera ezkerraldean dagoen ibairako sarbidean. Obrak ingurumena lehengoratzeko jarduketekin osatuko dira.

Administrazio Publikoen Administrazio Prozedura Erkidearen urriaren 1eko 39/2015 Legearen 83. artikuluaren arabera, jendaurrean jartzen da proiektua, hogei (20) egun balioduneko epean, iragarki hau argitaratu eta hurrengo egunetik aurrera, egoki iritzitako alegazioak aurkezteko.

Obra-proiektua interesdunen eskura egongo da Uraren Euskal Agentziaren webgunean (www.uragentzia.euskadi.eus) Obra Hidraulikoaren atalean.

Vitoria-Gasteiz, 2026ko irailaren 15a.

Uraren Euskal Agentziako zuzendari nagusia,

ASIER LOPEZ ETXEBARRIA.


Azterketa dokumentala