RSS
98. zk., 2026ko maiatzaren 27a, asteazkena
- Bestelako formatuak:
- PDF (136 KB - 3 orri.)
- EPUB (111 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
EUSKAL HERRIKO UNIBERTSITATEA
2277
EBAZPENA, 2026ko martxoaren 26koa, Universidad del País Vasco / Euskal Herriko Unibertsitateko gerentearena, agindua ematen duena argitaratzeko Batzorde Parekidearen 2026ko martxoaren 13ko Akordioa, Universidad del País Vasco / Euskal Herriko Unibertsitateko AZPko lan kontratudun langileen III. Hitzarmen Kolektiboko 15. eta 16. artikuluetako seigarren atala ez aplikatzeko.
2025eko apirilaren 1etik aplikatzekoa da abenduaren 23ko 11/2024 Errege Lege Dekretuak, erretiro pentsioaren eta lanaren bateragarritasuna hobetzekoak, erretiro partzialak arautzeko txertatzen duen erregulazio berria, lege dekretu horretan aldatzen direlarik Gizarte Segurantzaren Lege Orokorraren testu bateginaren 215. artikulua (urriaren 30eko 8/2015 Legegintzako Errege Dekretuak onartutakoa) eta Langileen Estatutuen Legearen testu bateginaren, urriaren 23ko 2/2015 Legegintzako Errege Dekretuak onartutakoaren, 12. artikulua.
Erretiro partzial aurreratuaren erregulazio berria ikusita, erretiro horien ondorioz sinatzen diren txanda kontratuak mugagabeak eta arduraldi osokoak izango dira, eta erretiroa gauzatu ondorengo bi urteetan indarrean egon beharko dute gutxienez.
Funtzio Publikoko idazkariaren 2025eko abenduaren 23ko Ebazpenaren bidez, abenduaren 28ko Errege Lege Dekretuaren laugarren xedapen gehigarrian adierazitako birjartze tasa espezifikoa ezartzeko baimena eman zitzaion Universidad del País Vasco / Euskal Herriko Unibertsitateari.
Ebazpen horren bigarren puntuaren arabera, hautaketa prozesuak 2026ko martxoaren 31 baino lehen hasi beharko dira. Hartara, kudeaketa errazteko neurriak hartu ahal izango dira, baina, betiere, enplegu publikora iristeko bidean berdintasun, merezimendu eta gaitasun printzipio konstituzionalak errespetatuta, eta lan arloko legerian xedatutakoak enplegu publikoko deialdietan parte hartzeko aukera murriztu gabe.
Hautaketa prozesu hori berezi da, deialdia eraldaketa digitalerako eta funtzio publikoko ministerioaren baimenarekin egingo baita, eta oinarri baitauka 2025eko erretiro partzialetarako kontratatu beharreko txanda kontratuetarako birjartze tasa espezifikoa.
Universidad del País Vasco / Euskal Herriko Unibertsitateko AZPko lan kontratudun langileen III. Hitzarmen Kolektiboko 15. eta 16. artikuluetako seigarren atalean zehaztutako aplikatuz gero, baina, prozesu hori ezin izango litzateke egin aipatutako ministerioak zehaztutako baldintzetan, eta horrek langileek erretiro partzialerako eskubidea ezin bideratzea ekarriko luke.
Akordio hori UPV/EHUko Gobernu Kontseiluak berretsi zuen 2026ko martxoaren 26ko bileran. Hori guztia kontuan hartuta, gerenteak
EBATZI DU:
Lehenengoa.– Argitaratzea UPV/EHUko lan kontratudun AZPkoen III. Hitzarmen Kolektiboko Batzorde Parekidearen Akordioa, horren bidez honako hau adostu delarik: hautaketa prozesuaren deialdi honetarako soilik, 2025ean erretiro partzialagatiko txanda kontratuak egiteko birjartze tasa espezifikoaren babespean, Universidad del País Vasco / Euskal Herriko Unibertsitateko administrazio eta zerbitzuetako lan kontratudun langileen III. Hitzarmen Kolektiboaren 15. eta 16. artikuluen seigarren apartatuan xedatutakoa indargabetzea (promozioa eta lanpostu hutsak betetzeko deialdiak, lanpostuak lan eskaintza publikoan sartu aurretik).
Bigarrena.– Ebazpen honen aurka interesdunek aukerako berraztertze errekurtsoa jarri ahal izango diote Gobernu Kontseiluari hilabeteko epean, edo, bestela, administrazioarekiko auzi errekurtsoa jarri ahal izango dute zuzenean EAEko Auzitegi Nagusian bi hilabeteko epean. Kasu bietan, erabakia Euskal Herriko Agintaritzaren Aldizkarian argitaratzen den egunaren biharamunetik zenbatzen hasiko dira epeak.
Leioa, 2026ko martxoaren 26a.
UPV/EHUko gerentea,
JAVIER VARONA GUARÁS.
TEKAZEL LAN-KONTRATUKO LANGILEEN BATZORDE PARITARIOAREN 2026KO MARTXOAREN 13KO AKORDIOA, EUSKAL HERRIKO UNIBERTSITATEKO ADMINISTRAZIOKO ETA ZERBITZUETAKO LAN-KONTRATUKO LANGILEEN III. HITZARMEN KOLEKTIBOAREN 15. ETA 16. ARTIKULUETAKO SEIGARREN ATALEAN XEDATUTAKOA EZ APLIKATZEA ADOSTEN DUENA
2025eko apirilaren 1etik aplikatzekoa da abenduaren 23ko11/2024 Errege Lege Dekretuak, erretiro pentsioaren eta lanaren bateragarritasuna hobetzekoak, erretiro partzialak arautzeko txertatzen duen erregulazio berria, lege dekretu horretan aldatzen direlarik Gizarte Segurantzaren Lege Orokorraren testu bateginaren 215. artikulua (urriaren 30eko 8/2015 Legegintzako Errege Dekretuak onartutakoa) eta Langileen Estatutuen Legearen testu bateginaren, urriaren 23ko 2/2015 Legegintzako Errege Dekretuak onartutakoaren, 12. artikulua.
Erretiro partzial aurreratuaren erregulazio berria ikusita, erretiro horien ondorioz sinatzen diren txanda kontratuak mugagabeak eta arduraldi osokoak izango dira, eta erretiroa gauzatu ondorengo bi urteetan indarrean egon beharko dute gutxienez.
Funtzio Publikoko idazkariaren 2025eko abenduaren 23ko Ebazpenaren bidez, abenduaren 28ko Errege Lege Dekretuaren laugarren xedapen gehigarrian adierazitako birjartze tasa espezifikoa ezartzeko baimena eman zitzaion Universidad del País Vasco / Euskal Herriko Unibertsitateari.
Ebazpen horren bigarren puntuaren arabera, hautaketa prozesuak 2026ko martxoaren 31 baino lehen hasi beharko dira. Hartara, kudeaketa errazteko neurriak hartu ahal izango dira, baina, betiere, enplegu publikora iristeko bidean berdintasun, merezimendu eta gaitasun printzipio konstituzionalak errespetatuta, eta lan arloko legerian xedatutakoak enplegu publikoko deialdietan parte hartzeko aukera murriztu gabe.
Hautaketa prozesu hori berezi da, deialdia eraldaketa digitalerako eta funtzio publikoko ministerioaren baimenarekin egingo baita, eta oinarri baitauka 2025eko erretiro partzialetarako kontratatu beharreko txanda kontratuetarako birjartze tasa espezifikoa.
Universidad del País Vasco / Euskal Herriko Unibertsitateko AZPko lan kontratudun langileen III. Hitzarmen Kolektiboko 15. eta 16. artikuluetako seigarren atalean zehaztutako aplikatuz gero, baina, prozesu hori ezin izango litzateke egin aipatutako ministerioak zehaztutako baldintzetan, eta horrek langileek erretiro partzialerako eskubidea ezin bideratzea ekarriko luke.
Hau guztia dela eta, hautaketa prozesuaren deialdi honetarako soilik, 2025ean erretiro partzialagatiko txanda kontratuak egiteko birjartze tasa espezifikoaren babespean, adostu Euskal Herriko Unibertsitateko administrazio eta zerbitzuetako lan kontratudun langileen III. Hitzarmen Kolektiboaren 15. eta 16. artikuluen seigarren apartatuan xedatutakoa indargabetzea (promozioa eta lanpostu hutsak betetzeko deialdiak, lanpostuak lan eskaintza publikoan sartu aurretik).
Leioa, 2026ko martxoaren 13a.