Boletín Oficial del País Vasco

98. zk., 2026ko maiatzaren 27a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILEAK

Izendapenak, egoerak eta gorabeherak

HEZKUNTZA SAILA

2258

AGINDUA, 2026ko maiatzaren 15ekoa, Hezkuntzako sailburuarena, zeinaren bidez baimena ematen zaie, alde batetik, Hezkuntzako irakasleen kidegoko beren titulartasuneko lanpostuak trukatzea, eta, bestetik, Maisu-maistren kidegoko beren titulartasuneko lanpostuak trukatzea.

Deiene Rodriguez Izaguirre karrerako funtzionarioa da Bigarren Hezkuntzako irakasleen kidegoko Biologia eta Geologia espezialitatean, IES Azkoitia BHI ikastetxean. Ioritz Gonzalez Lertxundi karrerako funtzionarioa da Bigarren Hezkuntzako irakasleen kidegoko Biologia eta Geologia espezialitatean, IES Ondarroa BHI ikastetxean.

Ugaitz Catalán Eizagirre karrerako funtzionarioa da Maisu-maistren kidegoko Musika espezialitatean, CEIP Azkoitiko ikastola Xabier Munibe HLHI ikastetxean. Jorge Ortega Fernandez karrerako funtzionarioa da Maisu-maistren kidegoko Musika espezialitatean, CEIP Landako Eskola HLHI ikastetxean.

Indarrean dagoen araudi aplikagarria hurrengoa da: 11/2022ko Legea, abenduaren 1ekoa, Euskal Enplegu Publikoari buruzkoa; 2/1993 Legea, otsailaren 19koa, Euskal Autonomia Erkidegoko unibertsitateaz kanpoko irakaskuntzako irakasleen kidegoena; 252/2025 Dekretua, abenduaren 30ekoa, Euskal Autonomia Erkidegoko unibertsitatez kanpoko irakasle funtzionarioen lan-baldintzak arautzen dituen Akordioa onartzen duena;1364/2010 Errege Dekretua, urriaren 29koa, estatu mailako lanpostu trukatzeak arautzen dituena irakasle kidegoaren barneko funtzionarioen artean; 39/2015 Legea, urriaren 1ekoa, Administrazio Publikoen Administrazio Prozedura Erkidearena, eta 71/2021 Dekretua, otsailaren 23koa, Hezkuntza Sailaren egitura organikoa eta funtzionala ezartzen duena.

Urriaren 29ko 1364/2010 Errege Dekretuaren azken xedapenetako bigarrenaren arabera, trukeen araubideari buruzko bere seigarren xedapen gehigarrian xedatutakoa ez da oinarrizkoa, baina kasu honetan aplikagarria da Euskal Enplegu Publikoari buruzko abenduaren 1eko 11/2022 Legean berariazko erregulaziorik ez dagoelako. 252/2025 Dekretuak, abenduaren 30ekoak, Euskal Autonomia Erkidegoko unibertsitatez kanpoko irakasle funtzionarioen lan-baldintzak arautzen dituen Akordioa onartzen duenak (aurreko errege dekretua aipatuta) ezartzen du, 10. artikuluan, Euskal Autonomia Erkidego barruko destino trukaketen kasuan berariazko araubide aplikagarria.

Kasu bietan eskatzaileek indarrean dauden lege-betekizunak betetzen dituztela aztertu ondoren eta Langileak Kudeatzeko Zuzendaritzak eskatuta, Hezkuntza Sailaren egitura organikoa eta funtzionala ezartzen dituen azaroaren 19ko 381/2024 Dekretuaren 4. artikuluaren arabera, Gipuzkoako eta Bizkaiko Ikuskaritzako Lurralde Burutzek aldeko txostenak eman dituzte eskatutako trukeak baimentzeari buruz.

Kasu honetan, egiaztatuta dago eskatzaileek indarrean dauden lege-betekizun guztiak betetzen dituztela baimena eman ahal izateko behin betiko destino gisa jardunean dauden plazak trukatzeko.

Ondorioz, eta Hezkuntza Sailaren egitura organikoa eta funtzionala ezartzen duen azaroaren 19ko 381/2024 Dekretuan xedatutakoa kontuan hartuta, honako hau

XEDATZEN DUT:

Lehenengoa.– Baimena ematea Deiene Rodriguez Izaguirrek eta Ioritz Gonzalez Lertxundik lanpostuak truka ditzaten, beraiek eskatuta. Hain zuzen ere, honako lanpostu hauek: hurrenez hurren, IES Azkoitia BHI eta IES Ondarroa BHI ikastetxeetan, Biologia eta Geologia espezialitatean, behin betiko lanpostu dituzten Bigarren Hezkuntzako irakasleen kidegoko lanpostuak.

Bigarrena.– Baimena ematea Ugaitz Catalán Eizagirrek eta Jorge Ortega Fernandezek lanpostuak truka ditzaten, beraiek eskatuta. Hain zuzen ere, honako lanpostu hauek: hurrenez hurren, CEIP Azkoitiko ikastola Xabier Munibe HLHI eta CEIP Landako Eskola HLHI ikastetxeetan, Musika espezialitatean, behin betiko lanpostu dituzten Maisu-maistren kidegoko lanpostuak.

Hirugarrena.– Baimendutako trukeek 2026ko irailaren 1etik aurrera izango dituzte ondorio ekonomiko eta administratiboak.

Agindu honen aurka, aukerako berraztertzeko errekurtsoa aurkeztu ahal izango zaio Hezkuntzako sailburuari, hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera; bestela, administrazioarekiko auzi-errekurtsoa jarri ahal izango da administrazioarekiko auzien epaitegian, bi hilabeteko epean, agindu hau Euskal Herriko Agintaritzaren Aldizkarian argitaratu eta hurrengo egunetik aurrera.

Vitoria-Gasteiz, 2026ko maiatzaren 15a.

Hezkuntzako sailburua,

MARÍA BEGOÑA PEDROSA LOBATO.

Azterketa dokumentala