Boletín Oficial del País Vasco

54. zk., 2026ko martxoaren 20a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILEAK

Izendapenak, egoerak eta gorabeherak

HEZKUNTZA SAILA

1225

EBAZPENA, 2026ko martxoaren 5ekoa, Langileriaren Kudeaketa zuzendariarena, Hezkuntza Sailari atxikitako sukaldeko eta garbiketako lan-kategorietako lanpostuak modu finkoan betetzeko enplegua egonkortzeko salbuespenezko prozesuan hautatutako pertsonen laugarren zerrenda osagarria argitaratzen duena, deialdian eskatutako baldintzak betetzen dituztelako, eta dagozkien lan-kontratuak formalizatzeko epea ezartzen duena.

Hezkuntzako sailburuaren 2022ko abenduaren 20ko Aginduak (2022ko abenduaren 29ko EHAA), enplegua egonkortzeko salbuespenezko prozesurako oinarriak onartu zituen, Hezkuntza Sailari atxikitako sukaldeko eta garbiketako lan-kategorietako lanpostuak modu finkoan betetzeko.

Hezkuntzako sailburuaren 2022ko abenduaren 20ko Agindu horren bidez, hezkuntza-administrazioaren zerbitzuko lan-kontratuko langile finko izateko egonkortzeko salbuespenezko prozesu hauetarako deialdia egin zen:

– Sukaldaritzako kategorian sartzeko merezimendu-lehiaketa.

– Garbiketako langileen kategorian sartzeko merezimendu-lehiaketa.

Hezkuntza Saileko Langileriaren Kudeaketako zuzendariaren 2025eko martxoaren 12ko Ebazpenak prozesu horietan hautatutako pertsonen eta esleituko diren plazen behin betiko zerrenda argitaratu zuen eta, era berean, hogei egun balioduneko epea ezarri zuen Hezkuntza sailburuaren 2022ko abenduaren 20ko Aginduaren 2. oinarrian adierazitako parte hartzeko baldintza orokorrak eta espezifikoak betetzen direla egiaztatzen duten agiriak aurkezteko.

Behin dokumentazioa aurkezteko epea amaituta eta hura aztertuta, oinarri orokorren 12. apartatuan xedatutakoaren arabera, Hezkuntza Saileko Langileriaren Kudeaketako zuzendariaren 2025eko ekainaren 30eko Ebazpenak argitara eman zuen eskatutako dokumentazioa ezarritako epearen barruan aurkeztu zutenez (aipatutako ebazpenaren I. eranskina) Euskal Autonomia Erkidegoko hezkuntza-administrazioaren zerbitzurako lan-kontratuak formalizatu behar zituzten pertsonen zerrenda, bai eta lortu nahi duten lanpostuko eginkizunak betetzeko gaitasun funtzionala egiaztatzeko azterketa medikoa, arrazoi justifikatuarekin, egin gabe zuten pertsonen zerrenda ere (ebazpen horren II. eranskina).

Ondoren, 2025eko irailaren 9ko Ebazpenaren bidez, Hezkuntza Sailari atxikitako sukaldeko eta garbiketako lan-kategorietako lanpostuak modu finkoan betetzeko enplegua egonkortzeko salbuespenezko prozesuan hautatutako pertsonen lehen zerrenda osagarria argitaratu zen, mediku-azterketa gainditu zutelako, eta, beraz, deialdian eskatutako baldintzak betetzen zituztelako eta, era berean, Euskal Autonomia Erkidegoko hezkuntza-administrazioaren zerbitzurako lan-kontratuak formalizatzeko epea ezarri zen.

2025eko urriaren 17ko Ebazpenaren bidez, Hezkuntza Sailari atxikitako sukaldeko eta garbiketako lan-kategorietako lanpostuak modu finkoan betetzeko enplegua egonkortzeko salbuespenezko prozesuan hautatutako pertsonen bigarren zerrenda osagarria argitaratu zen, mediku-azterketa gainditu zutelako eta, beraz, deialdian eskatutako baldintzak betetzen zituztelako eta, era berean, Euskal Autonomia Erkidegoko hezkuntza-administrazioaren zerbitzurako lan-kontratuak formalizatzeko epea ezarri zen.

2025eko azaroaren 21eko Ebazpenaren bidez, Hezkuntza Sailari atxikitako sukaldeko eta garbiketako lan-kategorietako lanpostuak modu finkoan betetzeko enplegua egonkortzeko salbuespenezko prozesuan hautatutako pertsonen hirugarren zerrenda osagarria argitaratu zen, mediku-azterketa gainditu zutelako eta, beraz, deialdian eskatutako baldintzak betetzen zituztelako eta, era berean, Euskal Autonomia Erkidegoko hezkuntza-administrazioaren zerbitzurako lan-kontratuak formalizatzeko epea ezarri zen.

Aurreikusitako osasun-azterketan beste pertsona batzuk (aipatutako II. eranskinean ere sartuta daudenak) ebaluatu ondoren, orain argitara eman behar da Euskal Autonomia Erkidegoko hezkuntza-administrazioaren zerbitzurako lan-kontratuak formalizatu behar dituzten pertsonen laugarren zerrenda osagarria, lortu nahi duten lanpostuko eginkizunak betetzeko gaitzat jo dituztelako.

Halaber, hutsak aurkitu ziren lehen aipatutako 2025eko ekainaren 30eko Ebazpenaren IV. eranskinean (eskubide guztiak galdu zituzten hautatuen zerrenda) eta V. eranskinean (ordezko gisa agertzen ziren hautatuen zerrenda, betekizunak egiaztatzera deitu zirenak), eta 2025eko azaroaren 24ko Ebazpenaren bidez aldatu zen.

V. eranskinean zerrendatutako pertsonek dokumentazioa aurkezteko epea amaituta, oinarri orokorren 12. atalean xedatutakoaren arabera, argitara eman behar da Euskal Autonomia Erkidegoko hezkuntza-administrazioaren zerbitzurako lan-kontratuak formalizatu behar dituzten pertsonen zerrenda, laugarren zerrenda osagarrian sartuta, eskatutako dokumentazioa ezarritako epearen barruan aurkeztu dutelako eta lortu nahi duten lanpostuko eginkizunak betetzeko gaitasun funtzionala egiaztatzeko azterketa medikoa gainditu dutelako.

Era berean, argitaratu behar da V. eranskinean aipatutako eta uko egin duten edo eskubideak galdu dituzten pertsonak, eta puntuazio-hurrenkeraren arabera hautatutzat jotako pertsonak ordezko gisa agertuko direnak.

Horrenbestez, hau

EBAZTEN DUT:

Lehenengoa.– Argitara ematea Hezkuntzako sailburuaren 2022ko abenduaren 20ko Aginduaren bidez deitutako Hezkuntza Sailari atxikitako sukaldeko eta garbiketako lan-kategorietako lanpostuak modu finkoan betetzeko enplegua egonkortzeko salbuespenezko prozesuetan hautatutako izangaien laugarren zerrenda osagarria, deialdian eskatutako baldintzak betetzen dituztelako, eta Euskal Autonomia Erkidegoko hezkuntza administrazioaren zerbitzuko lan-kontratuak formalizatzeko epea ezartzea. Pertsonen zerrenda hori I. eranskinean dago.

Bigarrena.– Hautatutako pertsonek (I. eranskinean zerrendatuta daude) ebazpen hau argitaratzen denetik aurrera sinatu beharko dituzte dagozkien lan-kontratuak.

Ezinbesteko kasuetan izan ezik, lan-kontratua sinatzen ez duenak galdu egingo ditu Euskal Autonomia Erkidegoko hezkuntza administrazioko lan-kontratudun finko izateko eskubide guztiak, deialditik eratortzen direnak.

Hirugarrena.– Arrazoi justifikatuengatik aipatutako Aginduaren 11.4 oinarrian aurreikusitako azterketa medikoan ebaluatu ezin izan diren pertsona hautatuen kasuan, Euskal Autonomia Erkidegoko Hezkuntza Administrazioaren zerbitzurako lan-kontratuen formalizazioa atzeratzea, eta kontratu horiek formalizatzeko baldintza izango da azterketa mediko horretan gai izatea. Ebazpen honen II. eranskinean daude zerrendatuta pertsona horiek.

Laugarrena.– III. eranskinean argitaratzea hautaketa-prozeduratik eratorritako eskubideei uko egin dieten edo eskubide horiek galdu dituzten hautatuen zerrenda.

Bosgarrena.– Ordezkoen zerrendan ageri den puntuazio-hurrenkeraren arabera hautatutako pertsonen zerrenda osagarria argitaratzea, eta Hezkuntza Sailari atxikitako sukaldeko eta garbiketako lan-kategorietako plazak modu finkoan betetzeko enplegua egonkortzeko salbuespenezko prozesuan hautatutzat jotzea, esleitutako lanpostua adierazita. Ebazpen honen IV. eranskinean daude zerrendatuta.

Seigarrena.– Hamar egun naturaleko epea irekitzea, ebazpen hau Euskal Herriko Agintaritzaren Aldizkarian argitaratu eta hurrengo egunetik aurrera, ebazpen honen IV. eranskinean ageri diren izangai hautatuek parte hartzeko baldintza orokorrak eta espezifikoak betetzen dituztela egiaztatzen duten dokumentuak aurkez ditzaten. Baldintza horiek Hezkuntzako sailburuaren 2022ko abenduaren 20ko Aginduaren 2 oinarrian daude adierazita.

Dokumentazioa hemen aurkeztuko da: Hezigunea (https://hezigunea.euskadi.eus) («Erabiltzailea» eta «Pasahitza» sartuz) – «Langileen eremua» – «Izapideak langileen eremuarekin» – «Tramitagune- Administrazio-espedienteak» – «Ireki espediente berria» – «Gainerako izapideak».– Gaia dioen lekuan, hauxe jarri behar da: «EPE 2022. Sukaldea eta Garbiketa. Dokumentazioa entregatzea».

Ebazpen honen V. eranskinean, zinpeko adierazpenaren eredua argitaratzen da, bai eta «Hautatuek agiriak entregatzeko» eredua ere. Eredu hori ere bete, eta adierazitako helbidean aurkeztu beharko da.

Zazpigarrena.– Aipatutako epearen barruan, ezinbesteko kasuetan izan ezik, agiriak aurkezten ez dituztenek, edo agiri horiek aztertuta ikusten bada deialdiaren 2. oinarrian eskatutako baldintzaren bat ez dutela betetzen, edo dagozkien zereginak betetzeko eskatzen den gaitasun fisiko edo psikikoa ez dutela, ezin izango dute lan kontratuko langile finko bihurtu, eta beren jardun guztiak baliogabetuta geratuko dira, horrek ezertan galarazi gabe eskaera faltsutzeagatik erantzukizuna eskatzea.

AZKEN XEDAPEN BAKARRA

Ebazpen honen aurka interesdunek gora jotzeko errekurtsoa aurkez diezaiokete Administrazio eta Zerbitzuen sailburuordeari, ebazpena Euskal Herriko Agintaritzaren Aldizkarian argitaratu eta hurrengo egunetik hilabete igaro baino lehen, Administrazio Publikoen Administrazio Prozedura Erkidearen urriaren 1eko 39/2015 Legean ezarritakoaren arabera.

Vitoria-Gasteiz, 2026ko martxoaren 5a.

Langileriaren kudeaketa zuzendaria,

UNAI NIETO MARIJUAN.

I. ERANSKINA

Kategoria: sukaldea.

Txanda: librea.

(Ikusi .PDF Fitxategia)

Kategoria: garbiketako langileak.

Txanda: librea.

(Ikusi .PDF Fitxategia)

Kategoria: garbiketako langileak.

Txanda: desgaitasuna.

(Ikusi .PDF Fitxategia)

II. ERANSKINA

KategorIa: sukaldea.

Txanda: librea.

(Ikusi .PDF Fitxategia)

III. ERANSKINA

Kategoria: sukaldea.

Txanda: librea.

(Ikusi .PDF Fitxategia)

Kategoria: Garbiketako langileak.

Txanda: Librea.

(Ikusi .PDF Fitxategia)

IV. ERANSKINA

Kategoria: sukaldea.

Txanda: librea.

(Ikusi .PDF Fitxategia)

Kategoria: garbiketako langileak.

Txanda: librea.

(Ikusi .PDF Fitxategia)

Azterketa dokumentala