RSS
10. zk., 2026ko urtarrilaren 16a, ostirala
- Bestelako formatuak:
- PDF (163 KB - 4 orri.)
- EPUB (227 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Beste iragarki ofizial batzuk
INDUSTRIA, TRANTSIZIO ENERGETIKO ETA JASANGARRITASUNAREN SAILA
206
IRAGARKIA, 2025eko abenduaren 30ekoa, Deskarbonizazioko zuzendariena, zeinaren bidez jendaurrean jartzen baitira aurretiazko administrazio-baimenaren eta ingurumen-inpaktuaren adierazpenaren eskaerak Arabako Lurralde Historikoko zenbait eguzki-planta fotovoltaikotarako («Solaria Zierbena Solar 1», «Solaria Zierbena Solar 5», «Solaria Zierbena Solar 6», «Solaria Zierbena Solar 7», «Solaria Zierbena Solar 8», «Solaria Zierbena Solar 9», «Solaria Zierbena Solar 10», «Solaria Zierbena Solar 11», «Solaria Zierbena Solar 12», «Solaria Zierbena Solar 13», «Solaria Zierbena Solar 14», «Solaria Zierbena Solar 17», «Solaria Zierbena Solar 18», «Solaria Zierbena Solar 21», «Solaria Zierbena Solar 22», «Solaria Zierbena Solar 23», «Solaria Zierbena Solar 24», «Solaria Zierbena Solar 25» eta «Solaria Zierbena Solar 29») eta haiekin lotutako Arabako eta Bizkaiko lurralde historikoetako ebakuazio-azpiegituretarako.
Energia elektrikoa ekoizteko, garraiatzeko eta banatzeko instalazioen administrazio-baimenaren prozedurak arautzen dituen martxoaren 31ko 48/2020 Dekretuaren 10. artikuluan eta Sektore Elektrikoari buruzko abenduaren 26ko 24/2013 Legearen 53.1 artikuluan aurreikusitako ondoreetarako, bat etorrita Ingurumen Ebaluazioari buruzko abenduaren 9ko 21/2013 Legearekin eta Euskadiko Ingurumen Administrazioaren abenduaren 9ko 10/2021 Legearekin, jendaurrean jarri dira bai banakako 19 proiektuak, bai proiektu horietarako eta haiei lotutako ebakuazio-azpiegitura komunerako era bateratuan egindako ingurumen-inpaktuaren azterketa.
• Eskatzailea: Solaria Eguzki Sorkuntza SM (IFKa: B72752959).
• Xedea: energia elektrikoa sortzea eguzki-energia fotovoltaikoaren teknologia berriztagarriaren bidez (b1.1).
• Eskaeraren xedea: aurretiazko administrazio-baimena eta ingurumen-inpaktuaren adierazpena.
• Energia garraio-sarera ebakuatzeko tokia: «Zierbena» 400 kV-eko azpiestazioa, Red Eléctrica de España SArena. Sustatzaileak iragarki honetan azaltzen diren planta guztietako sarbide eta konexioetarako baimenak dauzka.
19 proiektuek ebakuazio-azpiegiturak partekatzen dituzte sustatzaile beraren «Solaria Zierbena Solar 2» (01GEY 202300033 espedientea) proiektuarekin, «Solaria Zierbena Solar 3» (01GEY 202300034 espedientea) proiektuarekin eta «Solaria Zierbena Solar 4» (01GEY 202300035 espedientea) proiektuarekin, sortutako energia Red Eléctrica de España SAren «Zierbena» 400 kV-eko azpiestaziora ebakuatzeko, bai eta Estatuko Administrazio Orokorrak izapidetutako sustatzaile beraren beste proiektu fotovoltaiko batzuekin ere.
Jendaurrean jarritako 19 proiektuen gaineko espedienteak 4 taldetan batu dira, haien kokapenaren eta partekatutako ebakuazio-azpiegiturarekin duten konexioaren arabera.
– «Gaubea – Kuartango» taldea (Gaubea, Kuartango, Erriberagoitia eta Iruña Oka udal-mugarteak, Arabako Lurralde Historikoan).
Horietako bakoitzarekin lotutako instalazio eta espediente hauek biltzen ditu:
(Ikusi .PDF Fitxategia)
– «Lantaron» taldea (Gaubea, Lantarón, Erriberagoitia, Erriberabeitia eta Armiñón udal-mugarteak, Arabako Lurralde Historikoan).
Horietako bakoitzarekin lotutako instalazio eta espediente hauek biltzen ditu:
(Ikusi .PDF Fitxategia)
– «Erriberabeitia» taldea (Erriberagoitia, Iruña Oka, Armiñón, Erriberabeitia, Berantevilla, eta Zanbrana udal-mugarteak, Arabako Lurralde Historikoan).
Horietako bakoitzarekin lotutako instalazio eta espediente hauek biltzen ditu:
(Ikusi .PDF Fitxategia)
– «Ipar-Gasteiz» taldea (Zigoitia, Zuia, Vitoria-Gasteiz eta Arratzua-Ubarrundia udal-mugarteak, Arabako Lurralde Historikoan).
Horietako bakoitzarekin lotutako instalazio eta espediente hauek biltzen ditu:
(Ikusi .PDF Fitxategia)
– Ebakuazio-azpiegitura komuna (Erriberabeitia, Armiñon, Erriberagoitia, Iruña Oka, Vitoria-Gasteiz, Zuia, Urkabustaiz, Amurrio, Aiara eta Okondo udal-mugarteetan, Arabako Lurralde Historikoan, eta Gordexola, Güeñes, Galdames eta Abanto y Ciérvena-Abanto Zierbena udal-mugarteetan, Bizkaiko Lurralde Historikoan).
Sustatzaileak proiektu alternatibo berri bat aurkeztu du, garraio-sareko SET Zierbena 400 kV-eko lotunean emandako sarbide- eta konexio-baimena duten proiektu fotovoltaikoek partekatzen duten ebakuazio-linearena, 01GEY 202500010 espedientean egindako jendaurreko informazioaren eta kontsulten izapideetan (2025eko ekainaren 17ko EHAA, 113. zk.; 2025eko uztailaren 2ko ALHAO, 74. zk.; eta 2025eko ekainaren 25eko BAO, 120. zk.) bildutako informazioan oinarrituta:
«SE Ribera-SE Somillo 220 kV-eko, SE Somillo-SE Arganzon 220 kV-eko, SE Arganzon-SE Santuste 220 kV-eko, SE Santuste-SE Luzuero 400 kV-eko aireko eta lurpeko linea, SE Ribera-SE Luzuero eta SE Somillo-A Lotura tarteak».
«Ribera», «Luzuero» eta «Arganzon» azpiestazioak ez dira jendaurrean jartzeko izapide honen xede.
Proiektu fotovoltaiko hauen aldez aurreko administrazio-baimena Industria, Trantsizio Energetiko eta Jasangarritasunaren Sailaren Arabako Lurralde Ordezkaritzarena da, eta jendaurrean erakusteko izapidea bete behar du. Proiektu guztien ingurumen-inpaktuaren azterketarekin batera jarriko da jendaurrean, Ingurumen Ebaluazioari buruzko abenduaren 9ko 21/2013 Legeak 36. artikuluan ezarritakoarekin bat etorriz. Ebakuazio-azpiegitura komunaren aldez aurreko administrazio-baimena Deskarbonizazio Zuzendaritzaren eskumena da, bi lurralde historikori eragiten baitie.
Jendaurrean jartzen da, interesdunek eta herritarrek proiektuei buruzko dokumentazioa aztertzeko aukera izan dezaten Industria, Trantsizio Energetiko eta Jasangarritasunaren Sailaren Arabako Lurralde Ordezkaritzan (Samaniego kalea 2, Vitoria-Gasteiz), Industria, Trantsizio Energetiko eta Jasangarritasunaren Sailaren Bizkaiko Lurralde Ordezkaritzan (Concha Jeneralaren kalea 23, Bilbo) eta Interneteko www.euskadi.eus web-orrialdean, Energia eta Meategiak/Energia ataleko Proiektuei buruzko Informazio Publikoa azpiatalean (https://www.euskadi.eus/eusko-jaurlaritza/energia-meategiak/hasiera/).
Iragarki hau argitaratu eta hurrengo egunetik aurrera, 30 egun balioduneko epea egongo da egoki iritzitako alegazioak aurkeztu ahal izateko. Industria, Trantsizio Energetiko eta Jasangarritasunaren Sailaren Arabako eta Bizkaiko lurralde-ordezkaritzei aurkeztu beharko zaizkie alegazioak, dela idatziz, erregistro orokorrean, dela EAEko Administrazio Publikoaren erregistro elektroniko orokorrean (https://www.euskadi.eus/erregistro-elektroniko-orokorra/web01-sede/eu/). Bestela, Administrazio Publikoen Administrazio Prozedura Erkidearen urriaren 1eko 39/2015 Legearen 16. artikuluan aurreikusitako moduren batean ere aurkeztu ahal izango dira.
Ohartarazten da pertsona juridikoak, nortasun juridikorik gabeko entitateak eta urriaren 1eko 39/2015 Legearen 14. artikuluan identifikatutako beste subjektu batzuk behartuta daudela administrazio publikoekin bitarteko elektronikoen bidezko harremana izatera, administrazio-prozedura baten edozein izapide egiteko. Hori dela eta, jendaurrean jartzeko izapide honetan alegazioren bat jarri nahi izanez gero, horietako edozeinek nahitaez aurkeztu beharko du bitarteko elektronikoen bidez.
Vitoria-Gasteiz, 2025eko abenduaren 30a.
Deskarbonizazio zuzendaria,
GUILLERMO ALLENDE ARANGUIZ.