Sede electrónica

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

92. zk., 2015eko maiatzaren 20a, asteazkena


Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

EKONOMIAREN GARAPEN ETA LEHIAKORTASUN SAILA
2190

EBAZPENA, 2015eko maiatzaren 5ekoa, Industriako sailburuordearena, zeinaren bidez onura publikoaren deklarazioa ematen baitzaio «Gernika-G. Industrial Cto. 4» izeneko 13,2 kV-ko aireko linea elektrikoari, Bizkaiko Ajangiz eta Gernika-Lumo udalerrietan, zuhaitzik gabeko zerrenda handitzeko xedeaz.

Erref.: L-8143 ASA/BIZ.

Esp.: AT-H-2014-60.

AURREKARIAK:

1.– 2014ko azaroaren 27an, Iberdrola Distribución Eléctrica S.A.U. enpresak (San Adrian etorbidea 48, Bilbao) eskatu zuen gorago zehaztutako lineari onura publikoaren deklarazioa ematea; linea horren zortasuna handitzeak eraginpean hartzen dituen ondasunak eta eskubideak presaz okupatzeko; izan ere, zuhaitzik gabeko zerrenda handitu egin behar da. Enpresa horrek dokumentazio egokia aurkeztu zuen, 2011ko martxoaren 8ko Ebazpena betetzeko.

2.– Eusko Jaurlaritzaren abenduaren 3ko 282/2002 Dekretuaren 10. artikuluan eta abenduaren 1eko 1955/2000 Errege Dekretuaren 144. artikuluan xedatutako ondorioetarako, argitara eman zen Iberdrola Distribución Eléctrica S.A.U. sozietatearen eskabidea jendaurrean jartzeko iragarkia, 2015eko urtarrilaren 29ko BAOn, 2015eko urtarrilaren 20ko EHAAn, eta 2015ko urtarrilaren 31ko Deia egunkarian. Iragarkiarekin batera, enpresa horrek desjabetu beharrekotzat jotzen zituen ondasunen eta eskubideen zerrenda argitaratu zen.

3.– 2015eko urtarrilaren 22an, ofizio bat igorri zitzaien Ajangiz eta Gernika-Lumo udalei, udaletxeetako iragarki-oholetan erakuts zezaten proposatutako jarduketari buruzko iragarkia, eta udal horiei eskatu zitzaien, halaber, txosten baten bitartez adierazteko egokitzat jotzen zuten ala ez instalazioa onura publikokotzat hartzea.

4.– Horretarako xedatutako jendaurreko erakustaldian, udal horiek ez dute aurkeztu ez baldintzaturik, ez alegazio partikularrik.

OINARRI JURIDIKOAK:

1.– Espedientean, arauzko izapideak bete dira; zehazki, honako xedapen hauetakoak: 24/2013 Legea, abenduaren 26koa, Sektore Elektrikoari buruzkoa; 1955/2000 Errege Dekretua, abenduaren 1ekoa, Argindarra garraiatu, banatu, merkaturatu eta zuzkitzeko jarduerak eta instalazioak baimentzeko prozedurak arautzen dituena; Nahitaezko Desjabetzeari buruzko 1957ko apirilaren 26ko lege-araudia; 282/2002 Dekretua, abenduaren 3koa, Eusko Jaurlaritzarena; Goi-tentsioko airetiko linea elektrikoak zuhaiztietatik igarotzeko berariazko preskripzioak ezartzen dituen Energia eta Meategien zuzendariaren 2011ko martxoaren 8ko Ebazpena.

2.– Ebazpena Industriako sailburuordeak ematen du, Ekonomiaren Garapen eta Lehiakortasun Sailaren egitura organikoa eta funtzionala ezartzen duen apirilaren 9ko 190/2013 Dekretuaren lehenengo xedapen gehigarriari jarraikiz (2013-04-24ko EHAA), honako hau

EBAZTEN DU:

Onura publikokoaren deklarazioa ematea «Gernika-G Industrial Cto 4» izeneko 13,2 kV-ko airetiko linearen instalazioari (zortasunik gabeko zerrenda handitzeari dagokionez), honako tarte hauetan:

(Ikus .PDF)

Deklarazio horrek berekin dakar –abenduaren 26ko 24/2013 Legearen 55. artikuluan xedatutakoaren arabera– eraginpeko ondasunak okupatu edo eskubideez jabetu beharra, eta horien okupazioa lehenbailehen egin beharra. Deklarazioak, halaber, Nahitaezko Desjabetzeari buruzko 1954ko abenduaren 16ko Legearen 52. artikuluan presaz okupatzeko deklarazioari dagokionez ezartzen diren ondorioak dakartza, 53. artikuluan zehaztutako erregistro-ondorioekin.

Ebazpen honek ez dio amaiera ematen administrazio-bideari, eta, beraren aurka, gora jotzeko errekurtsoa aurkez dakioke Industriako sailburuordeari, hilabeteko epean, ebazpen hau jakinarazi eta biharamunetik aurrera, 4/1999 Legean xedatutakoa betetzeko (lege horren bidez, azaroaren 26ko 30/1992 Legea aldatu zen, Herri Administrazioen Araubide Juridikoaren eta Administrazio Prozedura Erkidearena).

Vitoria-Gasteiz, 2015eko maiatzaren 5a.

Industriako sailburuordea,

JAVIER ZARRAONANDIA ZULOAGA.


Azterketa dokumentala