Kultura eta Hizkuntza Politika Saila

Redi, Francesco

Italiar sendagilea, naturalista eta olerkaria (Arezzo, 1626 - Pisa, 1697). Pisako unibertsitateko irakasle izan zen. Helmintologia zientifikoaren sortzaile izan zen. Harrak haragi ustelduan berez sortu ordez, euliek errundako arrautzetan jaiotzen direla frogatu zuen. Sugegorrien pozoia aztertu zuen. Bere ikerketen berri eman zuen Osservazioni intorno agli animali viventi che si trovano negli animali viventi (1684) lanean. Aipagarria da, bestalde, Osservazioni intorno alla generazione degli insetti (1668) lana. Poeta gisa Bacco in Toscana (1685), eta Opera omnia (1687) idatzi zituen, besteak beste.