|
IRISTEKO ETA SARTZEKO PROZEDURAK
Deialdian eskaintzen diren plazak kidego, txanda, espezialitate eta
hizkuntza-eskakizunaren arabera antolatu dira. Sartzeko edo iristeko prozedurei
dagokienez (txandei dagokienez), honela banatzen dira:
Sarbide libreko prozedura
Baldintza orokorrak (nazionalitatea, adina, hizkuntza-gaitasuna, etab.…)
betetzen dituen edonor aurkez daiteke, aurreko betebeharrez gain dagokion
kidegora iristeko titulazioa baldin badu. Ikus onartua izateko
betebeharrezkoak.
Ezinduentzako erreserba-prozedura
Prozedura honetan, Hizkuntza Eskola Ofizialetako Irakasleen Kidegoko lanpostu
bat gorde da, Esukara espezialitatekoa (HE2), ezinduen txandarako.
Txanda honetan parte hartu ahal izateko, kidego bakoitzeko sarbide libreko
baldintza orokorrak eta berariazko baldintza betetzeaz gain, irakaskuntzan
aritzearekin bateraezina ez den %33ko edo gehiagoko ezgaitasuna beharko da, foru
aldundietako Gizarte Ongizate sailetako, Lan eta Gizarte Gaietako Ministerioko
edo, hala egokituz gero, gai honetan eskuduntzak dituzten gainerako autonomia
erkidegoetako organo eskudunek aitortuta.
Erreserba horretarako aukera parte hartzeko eskaeran egin beharko da, eta
berariaz adieraziko da horretarako eskatu baldintza betetzen dela. Lanpostua
lortutakoan, eskumena duten organoen ziurtagirien bidez, adierazitako baldintza
hori betetzen dela egiaztatu beharko da.
Erreserba horren bidez aurkezten diren izangaiak ezin izango dira espezialitate
berera aurkeztu sarbide irekiaren sistemaren bidez.
|
