Kepa Errasti: "Quiero hacer reír al espectador y darle también qué pensar"
- Fecha4 de Enero
- Temática Artes escénicas
Euskal Herrian ez dira aktore asko antzerkian, telebistan zein zinemako karteldegian une honetan ikuskizunak dituztenak. ‘Sisiforen paperak’ eta ‘Fadoak entzuten zituen gizona’ antzerkian, ‘Erlauntza’ zineman eta ‘Barre librea’ telebistan.
Karmelo Beramendi Tolosa, ‘Elea’ egunkariaren zuzendaria, da Kepa Errasti ‘Sisiforen paperak’ antzezlanean. Ez du berehalakoan ahaztuko Gasteizen euskarazko bertsioaren estreinaldian jaso zuten berotasuna. «Batetik, Martxelo [Otamendi] eta bertan ziren eta, bestetik, publikoaren aldetik oso erantzun sutsu edo emozionala jaso genuen; oso berezia izan zen».
Historia hurbila izateak laguntzen du horretan. «Jendeak oso presente dauka eta segituan konektatzen du itxi zuten garai harekin, emozionalki baduelako lotura, istorioak berak hunkigarria egiten duena».
‘Egunkaria auzia’-n libreki inspiratutako lana da, baina harago doa. «Auzia da obrari aurrera eginarazten diona, baina egunkari baten egunerokotasuna, bertan aurki ditzakezun langile mota desberdinak, euskarazko egunkari batek aurrera egiteko dituen zailtasunak... ikus daitezke; kazetaritzari buruzko antzerki lana da». Kazetaritza ikasketak egin arren, apenas ezagutu du erredakziorik. Izan ere, segituan ekin zion bide artistikoari. «Justu nire ikasketetako azkenengo urtean itxi zuten ‘Egunkaria’; fakultatean harrapatu ninduen bete-betean».