Euskal Autonomia Erkidegoko Administrazio Orokorraren Mahai Sektoriala organo parekidea eta negoziazio-organoa da, Enplegatu Publikoaren Oinarrizko Estatutuaren Legearen testu bategina onartzen duen urriaren 30eko 5/2015 Legegintzako Errege Dekretuaren 34. artikuluan ezarritakoaren babesean sortua, eta funtzionario publikoen negoziazio kolektiboaren ondorioetarako, autonomia-erkidegoen eremuan negoziazio-mahai orokor bat eratzea aurreikusten du.

Aipatutako arau-testuak ezartzen duenez, Funtzionarioen Negoziazio Mahai Orokorraren mende eta haren erabakiz, mahai sektorialak eratu ahal izango dira, eragindako administrazio-erakundeen lan-baldintza espezifikoak edo funtzionario publikoen sektore jakin batzuen berezitasunak eta horien kopurua kontuan hartuta.

Atal honetan, Euskal Autonomia Erkidegoko Administrazio Orokorraren Mahai Sektorialaren akta onartuak eta behar bezala legitimatuak aurki daitezke, bai ohiko bilkuretan, bai bilkura berezietan.

Erakunde sindikalak:

Hauek dira Euskal Autonomia Erkidegoko Administrazio Orokorraren Negoziazio Mahai Sektoriala osatzen duten erakunde sindikalak, hurrenkera alfabetikoan zerrendatuta: CCOO, ELA, LAB eta UGT.