Batxilergoa Bigarren Hezkuntzako azken etapa da, bi urteko iraupenarekin. Horretarako, beharrezkoa da Derrigorrezko Bigarren Hezkuntzako Graduatu Titulua (DBH) izatea. Etapa hori arrakastaz amaitzean, batxiler-titulua lortzen da, unibertsitatera edo goi-mailako heziketa-zikloetara sartzeko aukera ematen duena.

Helburuak:

Batxilergoaren helburua da:

• Ikasleen heldutasun intelektuala eta pertsonala erraztuko duen prestakuntza orokorra ematea, pertsona arduratsu eta kritiko gisa jarduteko beharrezkoak diren ezagutzak eta trebetasunak emanez.
• Ezagutza-oinarri sendoa eskaintzea, ikasleek etorkizunean egin nahi dituzten goi-mailako ikasketetarako edo ikasketa profesionaletarako abiapuntu izan dadin.
• Ikasleen interesak, gaitasunak eta itxaropenak prestakuntza-ibilbide egokienera bideratzea.

Batxilergoko modalitateak

Batxilergoa lau modalitatetan antolatzen da, ikasle bakoitzaren interesen eta etorkizuneko aukeren arabera ikasketak bideratzeko:

• Natur eta Osasun Zientzien Batxilergoa.
• Giza eta Gizarte Zientzien Batxilergoa.
• Batxilergo teknologikoa.
• Arte Batxilergoa.

Gaien egitura/prestakuntza-ibilbidea:

Batxilergoko ikasgaiak hiru multzotan antolatzen dira:

• Ikasgai komunak: ikasle guztiek ikasitakoak, aukeratutako modalitatea edozein dela ere.
• Modalitateko ikasgaiak: modalitate bakoitzerako espezifikoak, ondorengo ikasketetara bideratuak.
• Aukerako ikasgaiak: prestakuntza ikasle bakoitzaren interesen arabera osatzeko aukera ematen dute.

Batxilergoa ematen duten ikastetxeen zerrenda kontsulta dezakezu esteka honetan: Zentroen bilatzailea - ikasgunea

NAZIOARTEKO BATXILERGOA (Diplomaren programa):

Nazioarteko Batxilergoko Diplomaren Programa (IB) bi urteko prestakuntza-ibilbidea da, eta Batxilergo ofizialarekin batera ematen da Euskadin, baimendutako ikastetxe publiko jakin batzuetan.
Programa hori gainditzen duten ikasleek titulazio bikoitza lortzen dute: batxiler-titulu ofiziala eta IBren diploma. Titulazio bikoitz horrek, nazioartean aitortua, munduko unibertsitate ospetsuenetara sartzea errazten du.

Baimendutako ikastetxe publikoak — 2026-2027 ikasturtea
• Miguel de Unamuno BHI — Araba
• Botikazar BHI — Bizkaia
• Urritxe BHI — Bizkaia

• Ebazpena . Ikastetxe eta Plangintzaren zuzendariarena, Hezkuntza Sailaren titulartasun publikoko lau ikastetxe hautatzeko deialdia egiten duena, 2026-2027 ikasturterako Nazioarteko Batxilergoko Diplomaren Programa ezarri eta garatzeko (EHHA, 2024-11-08)
• Ebazpena . Ikastetxe eta Plangintzaren zuzendariarena, zeinaren bidez baimena ematen baita Nazioarteko Batxilergoko Programa titulartasun publikoko Eusko Jaurlaritzako Hezkuntza Saileko lau ikastetxetan ezartzeko 2026/2027 ikasturterako.

Arautegia

Ikastetxearen berezko ikasgaiak