Bikain – Euskararen Kalitate-Ziurtagiriak hiru egiaztapen-maila ditu:

1. Oinarrizko mailako ziurtagiria
2. Erdi-mailako ziurtagiria.
3. Goi-mailako ziurtagiria.

Helburu nagusiak:

• Esparru sozioekonomiko pribatuan euskararen erabileraren, presentziaren eta kudeaketaren normalizazio-maila egiaztatzea eta aitortzea.
• Sektore pribatuan euskararen erabilera areagotzea.
• Erakundeen ezaugarri eta egoeretara egokitutako ebaluazio-prozesuak eskaintzea.
• Erakunde pribatuei euskararen erabileran eta kudeaketan urratsak emateko laguntza ematea.
• Kanpoko adituen ebaluazioaren bitartez entitateei beren indarguneak sendotzeko, zer hobetuak begiz jotzeko, eta aurrera egiteko oinarrizko orientabideak ematea.
• Praktika onak partekatzea, erakunde eta ebaluatzaileen artean.
• Erakunde hauetako askotan erabiltzen diren kudeaketa-sistema aurreratuetan hizkuntza-kudeaketa txertatzea.
• Honelako prozesuak abian dituzten erakundeei egindako lanaren eta ahaleginaren aitortza egitea eta berme instituzionala eskaintzea.

Euskal Autonomia Erkidegoan jarduera duten esparru sozioekonomikoko erakunde pribatuek, baldin eta:

• Gutxieneko autonomia badute ebaluatuak izateko.
• Gutxienez bi langile badituzte.
• Lantoki fisikoa badute.

Prozesu osoa modu elektronikoan egiten da:

• Eskaera: www.euskadi.eus/zerbitzuak/1230302
• Izapideak eta jakinarazpenak: www.euskadi.eus/nirekarpeta

Edozein momentutan egin daiteke eskaera, eta horren arabera, urtean egiten diren bi ebaluazioaldietako batean parte hartu ahal izango du entitate eskatzaileak.

Eskaera onartzen denetik ebaluazio-txostena eta ziurtagiria jaso arte: 6 hilabete.

Ebaluazio baten ondoren gutxienez 12 hilabete igaro behar dira berriz eskatzeko.

• 2025eko kronograma

• 97/2023 DEKRETUA, ekainaren 27koa, erakunde publiko eta pribatuen jardueran eta kudeaketan euskarak duen garapen-maila ebaluatzeko, egiaztatzeko eta aitortzeko sistema arautzen duena.

• EBAZPENA, Hizkuntza Politikarako sailburuordearena, EAEko arlo sozioekonomiko pribatuan Bikain - Euskararen Kalitate-ziurtagiriak lortzeko prozesuak garatzen dituena.

1. Prozesuaren hasieran egingo den informazio-bilerara joatea.
2. Erakundeko plantillako pertsona bat solaskide izendatzea, Idazkaritza Teknikoarekiko harremana bidera dezan prozesu osoan.
3. Erakundeko langile batek, gutxienez, Bikain prestakuntza-saioetan parte hartzea bere entitateak ebaluazioa jasotzen duten prozesuan bertan edo aurrekoan. Kopurua aukeratutako ebaluazio-prozesuaren eta erakundearen tamainaren araberakoa izango da.
4. Prestakuntza jasotzen duten langileek beste erakunde baten ebaluazioan parte hartzea ebaluazioa jasotzen duten prozesuan bertan.