itzuli>

Jarduera fisikoa egiteak lagunduko dizu:

• hauengatiko heriotza-arrisku gutxiago izaten:
  • Kardiopatia koronarioa
  • Hipertentsioa
  • Istripu zerebrobaskularrak
  • 2 motako diabetesa
  • Koloneko eta bularreko minbizia
• depresioa saihesten;
• aldaka edo bizkarrezurra hausteko arrisku gutxiago izaten;
• bihotz-, arnasketa- eta muskulu-sistemetako funtzionamendu hobea izaten;
• pisuari errazago eusten, eta gorputz-masa eta -osaketa hobea izaten.

18-64 urte bitarteko helduentzako gomendioak:

• Astean, gutxienez, igaro behar zenuke:
  • 150 minutu (2 ordu eta 30 minutu) jarduera fisiko neurritsua egiten
  • edo 75 minutu (ordu 1 eta 30 minutu) jarduera fisiko bizia egiten
  • edo bi horien arteko nahasketa bat.
• Jarduera, gutxienez, 10 minutuko saioetan egin behar da.
• Astean bitan edo gehiagotan, muskulu-talde nagusiak sendotzeko jarduerak ere egin beharko zenituzke.

Jarduera arin bat egiten hastea komeni da, eta, denborarekin, pixkanaka, iraupena, maiztasuna eta intentsitatea areagotzea. Ikusi noraino irits zintezkeen, eta ikasi gelditzen behar duzunean. Ariketak ez du sekula minik eragin behar!

Desgaitasunen bat baduzu, gomendio hauek egokitu egin beharko dituzu, ariketa egiteko duzun gaitasunaren, zure mugen eta zure osasunerako ekar diezazukeen berariazko arriskuaren arabera. Zure osasun-zentroko osasun-langileei galde diezaiekezu zer egin.

Haurdun bazaude edo erdiberria bazara edo bihotzeko arazoren bat baduzu, galdetu zure osasun-zentroko osasun-langileei zer komeni zaizun, zure adin-taldeari dagokion jarduera fisikorako gomendatutako mailara iritsi aurretik.