itzuli>

Etapa honetako jarduera fisikoa izaten da jolastea, kirol edo zaletasunen bat egitea eta familian, eskolan edo jarduera komunitarioetan modu aktiboan mugitzea.

Jarduera fisikoa egiteak zure seme edo alabari lagunduko dio:

• osasun oneko lokomozio-aparatua garatzen (hezurrak, muskuluak eta artikulazioak);
• osasun oneko sistema kardiobaskularra garatzen (bihotza eta birikak);
• sistema neuromuskularra kontrolatu dezan ikasten (mugimenduen koordinazioa eta kontrola);
• osasunerako ona izango duen gorputz-pisuari eusten;
• autokonfiantza, gizarte-integrazioa eta -interakzioa indartzen;
• eskolan errendimendu hobea izaten.

0-5 urte bitarteko haurrentzako gomendioak:

• Zure seme edo alabaren jarduera fisikoa jaiotzatik bertatik estimulatu dezakezu, bereziki, jolas gainbegiratuen bidez, ingurune seguruetan, lurrean edo uretako jarduera egokien bidez.
• Oinez ibiltzeko gauza diren urte 1etik 5 urtera bitarteko haurrek aktibo egon behar lukete egunean, gutxienez, 3 orduz (ez du zertan jarraian izan behar), intentsitate desberdinetako jarduerak txandakatuz.