Ingurumena

Ingurumen-hezkuntza

Industria, Trantsizio Energetiko eta Jasangarritasun Saila

Ibaialde

  • IBAIALDE 2026 – EGUTEGI OROKORRA (PDF, 8 MB) (leiho berri batean irekitzen da). 

  • LAGINKETA (PDF, 4 MB) (leiho berri batean irekitzen da): ibai baten egoera ekologikoa ikertu. • Laginketa KIT-a eskatzeko otsailaren 9tik aurrera, izakinak agortu arte.

  • IBAIALDE FAMILIA IKERTZAILEAK (PDF, 8 MB) (leiho berri batean irekitzen da): Ibai baten laginketa-abentura dibertigarri bat familian bizi. Materiala eskatzeko: otsailaren 9tik aurrera, materialak agortu arte. FORMAKUNTZA IRTEERA: ezagutu gertutik programa eta ikerketarako materialaren erabilera. Bide batez, ingurune natural bat bisitatzeko aukera izango dugu. Izena emateko: otsailaren 9tik aurrera.

  • ERREKA MARI (PDF, 1 MB) (leiho berri batean irekitzen da): Ibaia maitatzeko txotxongilo ikuskizuna. Saioak 2025eko martxotik ekainera bitartean eskainiko dira. Eskaera egiteko: otsailaren 16tik martxoaren 1era. 

  • IBAIALDE TXIKI (PDF, 3 MB) (leiho berri batean irekitzen da): HH eta LHrako materiala, 3 txanda ezberdinetan maileguan eskaintzen dena ikasgelan lantzeko. Eskaera egiteko: otsailaren 16tik martxoaren 1era.

  • ERAKUSKETA (PDF, 7 MB) (leiho berri batean irekitzen da): ibaia eta ura lantzen dituzten panelak . Bi astez zentroan izateko aukera dago, 2025eko martxotik 2026ko otsailera eskuragarri. Eskaera egiteko: martxoaren 2tik al 15era.

IBAIALDE kanpainak ingurunearen eta pertsonen arteko lotura eta harreman zuzena ezarri nahi du, ibai-ekosistema modu aktiboan eta esperimentalean aztertuz.

Horrek esan nahi du parte hartzen duten pertsonak edo taldeak ibaira hurbildu behar direla, ikusten dutena arretaz ikertuz eta informazio sorta bat biltzen duten galdetegi erraz batzuk osatuz. Bertan, ibaiari buruzko datu orokorrak jasotzen dira, baita ibaiaren ezaugarri fisiko eta biologikoei, uraren kalitateari, zaborren presentziari eta gizakiak eragindako inpaktuari buruzkoak ere.

Bestalde, edozein parte-hartzailek bisitatutako lekuan dagoen problematikari buruzko iritzia emateko ahalegina egiten da (halakorik balego). Era berean, ingurune naturala hobetzeko ideiak proposatzera eta/edo neurri zuzentzaileak eskatzera animatzen da.

IBAIALDE kanpaina ibai baten ingurumen-egoera ezagutzeko interesa duen pertsona edo talde orori zuzenduta dago.

Parte-hartzaileak bakarkakoak edo talde antolatuak izan daitezke, hala nola ikastetxeak, aisialdiko taldeak, elkarte ekologistak, kirol-kolektiboak, etab.

Era berean, lehenbiziko hezkuntza-etapetarako jarduera espezifikoak daude, hala nola Erreka Mari txotxongiloak edo Haur Hezkuntzako eta Lehen Hezkuntzako lehen ziklorako zuzenduta dauden IBAIALDE TXIKI materialak.

IBAIALDE kanpaina udaberrian egiten da (otsailetik ekainera), baina interesa duten pertsonek edo taldeek urteko edozein datetan egin ditzakete kontsultak.

Azken aldaketako data: