Ohiko galderak: INGURUNET - Espedienteak, aurkezpena, sinadura eta jakinarazpenak
INGURUNETen datuak betetzeak eta gordetzeak ez du aurkezpena amaitzen. Ondoren, egoitza elektronikoan jarraitu behar duzu, eskatutako dokumentazioa erantsi, eskaera sinatu eta bidali.
Eskaera aurkeztuta dago erregistro elektronikoaren egiaztagiria deskarga dezakezunean. Gorde egiaztagiri hori, aurkezpenaren data eta ordua eta erregistro-zenbakia egiaztatzen baititu.
- Ohiko akatsa:
- INGURUNETen datuak betetzen amaitzean eskaera aurkeztuta dagoela pentsatzea. Egoitza elektronikoan sinadura eta bidalketa osatu arte, Administrazioak ez du eskaera jasotzen.
Egiaztatu Nire karpetan eskaera zure espedienteen artean agertzen den eta erregistro-egiaztagiria eskuragarri dagoen.
Eskaera sinatzeko badago, zirriborro gisa mantentzen bada edo erregistro-egiaztagiririk ez badago, aurkezpena ez da osatu. Sartu berriro izapidetzea hasteko erabili zenuen profil berarekin eta egiaztatu izapidearekin jarrai dezakezun.
- Ohiko kasua:
- Pertsona batek INGURUNETeko formularioak bete eta egoitza elektronikora iristen da, baina saioa ixten du eskaera sinatu eta bidali aurretik. Baliteke datuak gordeta egotea, baina eskaera oraindik ez dago aurkeztuta.
- Informazio gehiago:
Espedientearen ingurumen-datuak INGURUNETen kontsulta ditzakezu, eta administrazio-izapidetzea Nire karpetan.
INGURUNETen, sartu dagokion entitatean eta zentroan, eta hautatu espedientearen kodea. Nire karpetan espedientea, egindako jarduketak, eskuragarri dagoen dokumentazioa eta erantsitako jakinarazpenak edo komunikazioak kontsulta ditzakezu.
Ziurtatu eskaera aurkezteko erabili zenuen profil berarekin sartzen zarela: interesdun gisa edo dagokion entitatearen ordezkari gisa.
- Informazio gehiago:
Egiaztatu:
- Identifikazio elektronikorako baliabide egokia erabiltzen ari zarela.
- Eskaera aurkezteko erabilitako profila hautatu duzula.
- Entitate egokiaren izenean ari zarela.
- Espedienteari dagokion zentroa hautatu duzula.
- Eskaera sinatu eta bidali dela eta erregistro-egiaztagiria duzula.
Ordezkari gisa ari bazara, espedientea dagokion ordezkaritza-profiletik kontsultatu behar duzu, ez zure profil pertsonaletik.
- Ohiko akatsa:
- Profil pertsonalarekin sartzea, eskaera entitate baten ordezkari gisa aurkeztu denean. Kasu horretan, baliteke espedientea ez agertzea, nahiz eta sartzen den pertsona bera izan.
Eskaera aurkeztu ondoren, espedienteko datuak ezin dira zuzenean aldatu, zirriborro bat balira bezala.
Kontsultatu espedientea Nire karpetan, dokumentazioa eransteko aukera dagoen egiaztatzeko. INGURUNETeko formularioetan sartutako datuak zuzendu behar badituzu, adierazi argi zer informazio zuzendu behar den eta zein espedienteri dagokion.
Ez hasi beste eskaera bat aurrekoa ordezteko, berariaz hala adierazten ez bazaizu; bestela, espediente bikoiztuak sor daitezke.
- Ohiko akatsa:
- Aurkeztutako eskaera bateko datu bat zuzentzeko beste eskaera bat sortzea. Jarduketa zuzena lehendik dagoen espedientean zuzenketa jakinaraztea edo eranstea da, prozedurak horretarako aukera ematen duenean.
Eskaera eskatzailearen edo haren ordezkari gisa jardun dezakeen pertsonaren baliozko ziurtagiri batekin sinatu behar da.
Sinatu aurretik, egiaztatu:
- Eskatzaile gisa agertzen den identitatea.
- Zein entitateren izenean ari zaren.
- Sartzean hautatutako profila.
- Sinatzeko unean hautatutako ziurtagiria.
- Beharrezko ordezkaritza indarrean dagoela.
Sinaduraren identitatea ez badator bat eskatzailearekin edo haren ordezkariarekin, ez jarraitu bidalketarekin profil eta ziurtagiri egokiak hautatu arte.
- Ohiko akatsa:
- Eskaera entitate baten ordezkari gisa betetzea eta, ondoren, beste profil batetik edo eskatzaileari nahiz haren ordezkariari ez dagokion ziurtagiri batekin sinatzea.
Posta elektronikoa edo SMSa abisu bat da. Jakinarazpenaren edukira sartzeko, Nire karpetan sartu, dagokion profila hautatu eta jakinarazpenen atala kontsultatu behar duzu.
Nire karpetan egiteke dauden jakinarazpenak nahiz jasotako edo baztertutako jakinarazpenak kontsulta ditzakezu. Entitate baten ordezkari gisa ari bazara, egiaztatu entitate horren profila hautatu duzula.
- Ohiko akatsa:
- Jakinarazpenaren dokumentua posta elektronikoaren eranskin gisa bilatzea. Edukia Nire karpetan kontsultatu behar da; posta elektronikoak edo SMSak jakinarazpen bat eskuragarri dagoela baino ez du adierazten.
- Informazio gehiago:
Egiaztatu Nire karpetan identitate egokiarekin sartu zarela eta jakinarazpena jaso behar duen profila hautatu duzula.
Pertsona bera profil pertsonalarekin edo hainbat entitateren ordezkari gisa sar daiteke. Jakinarazpena hartzailea den pertsonaren edo entitatearen profilean baino ez da agertuko.
Berrikusi jasotako edo baztertutako jakinarazpenak ere, balitekeelako jakinarazpena jada egiteke daudenen artean ez egotea.
- Ohiko kasua:
- Abisua enpresa bati zuzenduta dago, baina pertsona Nire karpetan bere profil pertsonalarekin sartzen da. Jakinarazpena aurkitzeko, enpresa hartzailearen ordezkaritza-profila hautatu behar du.
- Informazio gehiago:
Azken aldaketako data: