Enpleguaren Euskal Foroari dagozkio Enpleguari buruzko abenduaren 21eko 15/2023 Legearen 84. artikuluan aurreikusitako eginkizunak, arauan agindutako xedera mugatuko direnak, edo esleitzen zaizkion beste edozein, lege xedapenez edo erregelamenduz.

Enpleguaren Euskal Foroaren funtzionamenduaren ondorioetarako, eginkizunak bi multzo hauetan sailkatzen dira: informazioa eta proposamenak.

Dagokion informazio-lana da derrigorrezko txostenak egitea, gai hauetako administrazio-prozeduretan (saio bereziak egin daitezke gai bakoitza jorratzeko):

1. Enpleguaren Euskal Estrategia.
2. Euskadiko hiru urteko enplegu-plana.
3. Enplegurako eta garapenerako toki-planak eta, hala badagokio, enplegurako lurralde planak.
4. Enpleguaren arloko xedapen orokorrak.

Proposamenak egiteko eginkizunetan, ondoren aipatzen diren eremuetan proposamenak edo gomendioak egiten dira, legean ezarritako edukia eta ezaugarriak dituztela:

1. Lan-merkatuaren egoerari eta Europan eta estatuan zehazten eta aplikatzen diren enplegu-politika publikoei buruzko informazioa aztertzea.
2. Enpleguaren arloko proposamenak eta gomendioak egitea Enplegu Politika Publikoen Euskal Kontseiluari, Eusko Jaurlaritzari, foru-aldundiei eta udalerriei.