Kutsaduraren prebentzioa, ingurumenaren ikuskaritza eta kontrola

2006ko abenduaren 15ean, Arkema Química SA enpresak (Hernaniko fabrika) Eusko Jaurlaritzako orduko Lurralde Antolamendu eta Ingurumen Sailari ingurumeneko baimen bateratua ematea eskatu zion, Kutsaduraren Prebentzio eta Kontrol Integratuari buruzko uztailaren 1eko 16/2006 Legeak xedatutakoaren arabera, Hernaniko (Gipuzkoa) udalerrian emultsio-binil polikloruroaren fabrikazio-jarduerarako. Ondorengo dokumentu teknikoak erantsi ziren eskaerari:

Oinarrizko proiektua (2006ko abendua).

Laburpen ez-teknikoa (2006ko abendua).

Erreferentzia-baimena eskatzeko orduan, Arkema Química SA enpresak (Hernaniko fabrika), besteak beste, jarduera-baimena zuen, 1992ko ekainaren 22koa. Aipatutako baimena binil polikloruroa, parafina klorodunak eta HCl fabrikatzeko eman zen. Era berean, enpresa sustatzaileak honako baimen hauek zituen: hondakin arriskutsuen kudeatzaile eta ekoizle izateko baimenak, 1999ko uztailaren 30ekoak biak, Añarbeko Urak sozietatearen kolektorera isurketak egiteko baimena, 2001eko uztailaren 3koa; eta hondakinen eta uren arloan indarrean dagoen araudiak ondoren ezarritako zabaltzeak eta berrikuntzak egin dira

Beranduago, 2007ko abuztuaren 9an, xede dugun proiektuaren eta Hernaniko hirigintza-plangintzaren arteko bateragarritasunari buruzko udal txostena bidali zen.

2007ko urtarrilaren 23an, Ingurumenaren Kalitatearen Zuzendaritzak prozeduran esku-hartzea duten hainbat organori txostenak eskatu zizkion, ingurumen organoaren bidez proiektuaren gaineko eraginaren azterlana jendaurrean jartzeko izapidetzea adosteari dagokionez. Zehazki Hernaniko Udalari, Eusko Jaurlaritzako Osasun Sailari eta Añarbeko Urak sozietateari kontsultatu zien.

2007ko otsailaren 23an, ingurumen organoak agiri osagarriak eskatu zizkion sustatzaileari; espedientea 2007ko irailaren 20an osatu zen.

Aurkeztutako agiriak nahikoa zirela egiaztatu ondoren, Ingurumen sailburuordeak 2007ko irailaren 27an emandako ebazpenaren bidez, jendaurrean jarri zen 30 egun balioduneko epean, Arkema Química SA enpresak (Hernaniko fabrika) sustatutako proiektua egoki iritzitako alegazioak aurkezteko. Euskal Herriko Agintaritzaren Aldizkarian eta Gipuzkoako Aldizkari Ofizialean argitaratu zen, bietan 2007ko urriaren 18an. Era berean, Euskal Autonomia Erkidegoko bi egunkaritan argitaratu zen 2007ko urriaren 28an, eta proiektuak hartuko duen eremuaren ondoko auzokide bakoitzari jakinarazpena bidali zitzaion.

Jendaurrean jartzeko izapidea amaitu ondoren, hainbat alegazio aurkeztu direla egiaztatu da, eta modu laburtuan I. eranskinean jaso dira.

Uztailaren 1eko 16/2002 Legearen 17. eta 18. artikuluetan xedatutakoa betez, 2007ko azaroaren 30ean Ingurumenaren Kalitatearen Zuzendaritzak txostenak eskatu zizkien Hernaniko Udalari, Añarbeko Urak Mankomunitateari eta Gipuzkoako Osasun Publikoaren Zuzendariordetzari, espedientean ageri den emaitza jasoz.

2008ko urtarrilaren 18an eta otsailaren 8an, Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 20. artikuluan xedatutakoa betez, espediente osoa Arkema Química SA enpresaren esku utzi zen, Ingurumen eta Lurralde Antolamendu Sailak egindako ebazpen proposamena gehituz.

2008ko otsailaren 27an, sustatzailearen komunikazio bat jaso zen, eta ingurumeneko baimen bateratuaren ebazpen-proposamenari buruzko gogoeta batzuk egiten ziren bertan.

Uztailaren 1eko 16/2002 Legearen 1. artikuluan xedatutakoaren arabera, lege horren xedea da atmosferaren, uraren eta lurzoruaren kutsadura saihestea edo, hori ezinezkoa denean, kutsadura hori gutxitu eta kontrolatzea; eta hori lortzeko, ingurumen osoaren babes-maila altua helburutzat harturik, kutsadura prebenitu eta kontrolatzeko sistema integratu bat ezartzea.

Kutsaduraren Prebentzio eta Kontrol Integratuari buruzko uztailaren 1eko 16/2002 Legea garatu eta burutzeko Erregelamendua onartzen duen apirilaren 20ko 509/2007 Errege Dekretuaren 3. artikuluan xedatutakoarekin bat eginez, baimen honetan sartzen dira ekoizpen-elementu eta -lerro guztiak; 16/2002 Legearen 1. eranskinean aipatzen ez diren arren, lege hori aplikatu beharreko esparruko jardueren instalazioetan gauzatzen dira eta jarduera horrekin zerikusia dute.

16/2002 Legearen 9. artikuluak ezartzen duena betez, ingurumeneko baimen bateratua behar dute 1. eranskinean aipatzen diren jardueraren bat garatzen duten instalazioak eraiki, muntatu, ustiatu, lekuz aldatu nahiz funtsezko beste aldaketaren bat egiteko. 11. artikuluaren arabera, baimen honen oinarrizko helburua baldintzak ezartzea da, araua, berau aplika daitekeen instalazio guztietan betetzen dela bermatzeko; horretarako, baimena emateko parte hartuko duten Herri Administrazio desberdinen artean koordinatuta izango den prozedura bat erabili nahi da, izapideak erraztu eta partikularrek ordaindu beharreko kargak gutxitzearren. Era berean, indarrean dagoen araudiaren araberako ingurumeneko administrazio-baimen guztiak egintza administratibo bakar batean bildu nahi dira. Arkema Química SA (Hernaniko fabrika) enpresaren kasuan, baimen hauek guztiak behar ditu: hondakin arriskutsuak ekoitzi eta kudeatzeko baimena eta hondakin ez-arriskutsuak ekoizteko baimena, kolektorera isurtzeko baimena, eta ingurumen-izaerako beste zehaztapenen artean, atmosferaren kutsadurari dagozkion baimenak eta lurzoruaren kutsadura prebenitu eta zuzentzeari dagozkionak. Gainera, espedientean beste administrazio eta erakunde eskudun batzuek ere parte hartu dute, aginduzko txostenak igorriz.

16/2002 Legearen 29. artikuluan xedatutakoaren arabera, ingurumeneko baimen bateratua emateko prozedurak jarduera sailkatuetarako udal-lizentziaren prozedura ordezkatzen du, jarduera gogaikarri, osasungaitz, kaltegarri eta arriskutsuei buruzko azaroaren 30eko 2414/1961 Dekretuan aurreikusten zena; ez du ordezkatzen, ordea, udal-agintaritzak emango duen behin betiko ebazpena. Ondorio horietarako, ingurumeneko baimen bateratua udal-agintarientzat loteslea izango da, baldin eta lizentzia ukatzeko bada edota neurri zuzentzaileak ezartzeko bada; baita aipatu arauaren 22. artikuluan jasotako ingurumen-alderdiei buruzko aipamena egiten bada ere. 29. artikulu horretan aipatzen denez, goiko guztiak ez ditu kaltetuko autonomia erkidego bakoitzean jarduera sailkatuei aplikatzekoak diren gainerako arauak. Transkribatutako aginduak aplikatuz, Arkema Química SA enpresari (Hernaniko enpresa) dagokion ingurumeneko baimen bateratuaren prozedurak barne hartu ditu Euskal Autonomia Erkidegoko Ingurumena Babesteko otsailaren 27ko 3/1998 Lege Orokorrean aurreikusitako izapideak; horiez gain, espedientean sartu dira Hernaniko Udalaren eta Eusko Jaurlaritzako Osasun Sailaren txostenak.

Azkenik, instalazioak gehienez isur ditzakeen gai kutsagarrien balioak eta ingurumena, oro har, ahalik eta gehien babesteko ustiapenerako ezarriko zaizkion beste baldintza batzuk zehazte aldera, Ebazpen hau egiterakoan kontuan izan da teknika onenen erabilera. Hain zuzen ere, kontuan hartu dira Europako Batzordearen «Reference Document on Best Available Techniques in the Production of Polymers» BREF agiriaren edukia, 2007ko abuztukoa, eta Ingurumen Ministerioak argitaratutako DCE, XVM eta PVC sektoreko Espainiako Teknika Erabilgarri Onenen Gida.

Espedienteko txostenak aztertu ondoren, ebazpen proposamena sinatu eta Arkema Química SA enpresak sustatutako proiektuak bete beharreko baldintzak ezarri ziren.

Goian adierazitako izapideak amaitu dira, eta Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 20. artikuluan jasotzen den entzunaldi-izapidea bete da. Zentzu horretan, kontuan hartu behar da organo honi atxikitako zerbitzu teknikoek sustatzaileak izapidetze honetan egindako oharrak aztertu dituztela, eta guztiak kontuan hartu direla Ebazpen hau lantzeko orduan.

Organo hau da ingurumeneko baimen bateratu hau emateko eskuduna, aipatutako legearen 13. artikuluan eta Ingurumen eta Lurralde Antolamendu Sailaren egitura organikoa ezartzen duen urriaren 25eko 340/2005 Dekretuaren 9. artikuluan ezarritakoari jarraituz.

Ondorengo araudia ikusi da: Ingurumen eta Lurralde Antolamendu Sailak 2008ko apirilaren 7an emandako ebazpen-proposamena; otsailaren 27ko 3/1998 Lege Orokorra, Euskal Herriko Ingurumena Babesteari buruzkoa; 16/2002 Legea, uztailaren 1ekoa, Kutsaduraren Prebentzio eta Kontrol Integratuari buruzkoa; Ingurumenaren gaineko Eraginaren Ebaluazioari buruzko ekainaren 28ko 1302/1986 Legegintzako Errege Dekretua, maiatzaren 8ko 6/2001 Legeak aldatu zuena; irailaren 30eko 1131/1988 Errege Dekretua, Legea burutzeko araudia onartzen duena; urriaren 25eko 340/2005 Dekretua, Ingurumen eta Lurralde Antolamendu Sailaren egitura organikoa ezartzen duena; 30/1992 Legea, Herri Administrazioen Araubide Juridikoa eta Administrazio Prozedura Erkideari buruzkoa, eta aplika daitekeen gainerako araudia,

Lehenengoa. Helbide soziala Madrilgo udalerriko Avda. Burgos 12, 7.a duen eta IFK: A-28381473 zenbakia duen Arkema Química SA enpresari (Hernaniko fabrika) Ingurumeneko Baimen Bateratua ematea, Hernaniko udalerrian emultsio-binil polikloruroa fabrikatzeko jarduera garatzeko, eta Ebazpen honen bigarren atalean zehaztutako baldintzak jarraituko dit.

Jarduera Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 1. eranskinean jasota dago. Hain zuzen ere, 4.1.h kategorian, «Oinarrizko gai plastikoen fabrikazioa, hala nola polimeroak, zuntz sintetikoak, zelulosa-oinarriko zuntzak».

Azterketaren xede den instalazioa Hernaniko udalerriko (Gipuzkoa) hego-mendebaldean dago, Epele auzoko industrialdean. 36.916 m²-ko azalera betetzen du eta horietatik 5.681 m² azalera eraikia dira.

Instalazioaren emultsio-PVCa ekoizteko ahalmen izendatua 40 kT/urtean da.

Instalazioan erabiltzen diren lehengai eta gai osagarri nagusiak hauek dira: binil kloruro monomeroa (CVM), persulfatoak, peroxidoak, emultsionatzaileak, gantz-azidoak, amonio-hidroxidoa, DAP, azido klorhidrikoa, hidroxido sodikoa (% 33), alumina-poliklorosulfatoa eta amoniako anhidroa.

Arkema Química SA enpresaren instalazioan (Hernani) antzeko bi ekoizpen-lerro bereiz daitezke. Lehenengo fase batean kargen araberako eragiketak (batch) egiten dira, polimerizazio-etaparen barruan, eta hainbat etapa garatzen dira ondoren jarraian: latexa biltegiratzea, PVCzko latexaren stripping-a, lehortzea eta egokitzapena.

Instalazioan atmosferara isurketak egiten dituzten 6 foku sistematiko daude, guztiak B taldekoak: 1. lehorgailua, 2. lehorgailua, PVC ontziratzea, 1. galdara, hondar-opilen lehorgailua eta hozte-multzoa. Atmosferara egiten diren isurketak murrizteko tratamendu-sistemak erabiltzen dira: mahuka-iragazkiak, adibidez.

Instalazioan garatzen duen industria-jarduerarako energia elektrikoa kontsumitzen da, 458 kwh/t PVC, eta energia termikoa kontsumitzen da lurruna, ur beroa eta ur hotza erabiltzean. Gainera, 1,987 Mwh/t PVC gas natural kontsumitzen da. Bestalde, gasolio-tanga bat erabiltzen da orgatila jasotzaileak elikatzeko eta sareko hornikuntzarik ez dagoenean erabiltzeko multzo elektrogenoaren hiru unitateetarako, eta urtean 5.850 litro kontsumitzen dira.

Instalazioetan kontsumitutako ura Hernaniko udal saretik (3.000 m3/urtean) eta Urumea ibaitik hartzen da zuzenean (207.958m3/urtean). Galdaretan eta polimerizazio-prozesuan erabilitako urari desmineralizazio-tratamendua egiten zaio; garbiketarako erabilitako urari, berriz, ez zaio aurretratamendurik egiten. Bestalde, hozteko eta suteen kontra erabilitako urak lehen dekantagailu batean gordetzen dira eta, ondoren, Legionella-ren kontrako tratamendu bat egiten zaie.

Aparkaleku ingurutik datozen euri-urak bakarrik isurtzen dira Urumea ibaira (ez dute poluitzailerik).

Arkema Química SA enpresak (Hernaniko fabrika) hondakin-urak tratatzeko instalazio bat du. Instalazio horretan polimerizazio-urei, galdarako urei eta kubetetan gordetako euri-urei tratamendu fisiko-kimikoa egiten zaie, binil kloruroa desagerrarazteko eta solidoen tratamendua egiteko. Tratamendu horretatik ateratako lohiak, PVCko hondar-opilak, iragazi eta lehortu egiten dira. Lortutako produktua (RSL) merkaturatu egiten da fabrikatutako gainerako produktuekin.

Arazte-prozesuan tratatu diren urak eta bulego eta komunetako ur sanitarioak, Añarbeko Urak sozietate publikoaren saneamenduko sistema integralera isurtzen dira, isurketa-puntu bakar batera.

Instalazioan «Best Available Techniques in the Production of Polymers» BREF nagusiaren TEO garrantzitsuenak jarraitzen dira prozesu guztietan. (Ingurumena kudeatzeko tresnak, isurtzeak mugatzeko sistemak, berriro erabil daitezkeen hondakinak berrerabiltzea, eta abar). Horrez gain, instalazioan TEO orokorrak jarraitzen dira, hala nola ingurumena kudeatzeko sistema bat, instalazioen diseinua eta mantentzea eta PVC fabrikatzen duten enpresen gainean aplika daitezkeen TEOak, besteak beste: substantziak behar den bezala eta baldintza egokietan biltegiratzea, erreaktorea despresurisatzea binil kloruroa berreskuratzeko unitaterako gasgabetzea eginez, erreaktorean geratzen den likidoa hustu eta tanga itxietan sartzea, erreaktorea urarekin irakuztea eta garbitzea, ura stripping-sisteman hustea (2. linean), binil kloruro monomeroa berreskuratzea, isurketak minimizatzea eta ezusteko isurketen prebentzioa eta isurketen tratamendua.

Bigarrena. Arkema Química SA enpresak (Hernaniko fabrika) Hernaniko udalerrian sustatutako binil polikloruroa fabrikatzeko jarduera ustiatzeko, ondorengo baldintzak eta eskakizunak ezartzea.

1. Administrazioarekiko harremanez arduratuko den goi-mailako tituludunaren gainean Ingurumen Sailburuordetzari eman dizkion datuetan aldaketarik balego, Arkema Química SA enpresak (Hernaniko fabrika) aldaketa horien berri emango du.

2. Neurri babesle eta zuzentzaileak, sustatzaileak Ingurumen Sailburuordetza honetan aurkeztu dituen agirietan aurreikusita bezala burutuko dira, indarrean dagoen araudiaren arabera eta ondorengo ataletan ezarritakoari jarraituz:

   1. Instalazioaren jardunerako baldintza orokorrak.

   1.1. Airearen kalitatea babesteko baldintzak.

   1.1.1. Baldintza orokorrak.

   Arkema Química SA instalazioa (Hernaniko fabrika) ustiatzean atmosferara egingo diren isurtzeek ez dituzte Ebazpen honetan ezarritako isurtzeko muga-balioak gaindituko.

   Prozesuan zehar atmosferara isurtzen den gai kutsatzaile oro bildu eta ihesbide egokienean zehar kanpora bideratuko da, behar denean, gai kutsatzaileen ezaugarrien arabera diseinatutako gasak arazteko sistema batetik igaro ondoren.

   Neurriak hartuko dira ustekabean gai kutsatzailerik ez botatzeko, eta botatzen direnak giza osasunerako nahiz gizartearen segurtasunerako arriskutsuak izan ez daitezen. Gas-efluenteak tratatzeko instalazioak behar bezala ustiatu eta mantenduko dira, efluenteen tenperatura- eta konposizio-aldakuntzei modu eraginkorrean aurre egiteko. Era berean, ahalik eta gehien murriztuko dira instalazio horiek gaizki dabiltzan edo geldirik dauden aldiak.

   1.1.2. Fokuak identifikatzea. Katalogazioa.

   Arkema Química SA instalazioak (Hernaniko fabrika) ondorengo fokuak ditu, atmosfera babestearen arloan indarrean dagoen araudiaren arabera katalogatuta:

   Foku zk. Foku-kodea Isurtze-fokuaren izena Garaiera (m) Diametroa (m) Katalo gazioa UTM koordenatuak

   Taldea X Y

   1 20/6137/1 1. lehorgailua 26 0,79 B 585606 4789749

   2 20/6137/2 2. lehorgailua 26 0,985 B 585601 4789721

   3 20/6137/3 PVCa zakuratzea 3 0,3 B 585595 4789586

   4 20/6137/4 1. Galdara 10 0,75 B 585500 4789749

   5 20/6137/5 Hondar-opilen lehorgailua 13,75 0,28 B 585554 4789783

   6 20/6137/6 Hozte-multzoa 5 0,37 B 585524 4789769

   Adierazitako guztiaz gain, isurtze barreiatuak egiten dira fabrikan, erreaktoreak irekitzean, mantentze-ekipoetako bat irekitzean eta gasometroen babes hidraulikoek eragindako galeretan, eta ihes-isuriak gertatzen dira brida, ponpa, eta abarretan estankotasuna galtzeagatik.

   1.1.3. Isurtzeko muga-balioak.

   Instalazioa ustiatzean atmosferara egingo diren isurtzeek ez dituzte isurtzeko muga-balio hauek gaindituko:

   Fokua(k) Substantziak Isurtzeko muga-balioak

   1 Partikula solidoak 150 mg/Nm3

   Karbono monoxidoa (CO) 500 ppm

   Nitrogeno dioxidoa (NOx) 300 ppm

   Binil kloruro monomeroa (CVM) 20 mg/Nm3

   Azido klorhidrikoa (HCl) 460 mg/Nm3

   2 Partikula solidoak 150 mg/Nm3

   Karbono monoxidoa (CO) 500 ppm

   Nitrogeno oxidoa (NOx) 300 ppm

   Binil kloruro monomeroa (CVM) 20 mg/Nm3

   Azido klorhidrikoa (HCl) 460 mg/Nm3

   3 Partikula solidoak 150 mg/Nm3

   4 Karbono monoxidoa (CO) 500 ppm

   Nitrogeno oxidoa (NOx) 300 ppm

   5 Partikula solidoak 150 mg/Nm3

   Karbono monoxidoa (CO) 500 ppm

   Nitrogeno oxidoa (NOx) 300 ppm

   Binil kloruro monomeroa (CVM) 20 mg/Nm3

   Azido klorhidrikoa (HCl) 460 mg/Nm3

   6 Karbono monoxidoa (CO) 500 ppm

   Nitrogeno oxidoa (NOx) 300 ppm

   Isurtzeko muga-balioak baldintza hauei buruzkoak dira: 273 K-ko tenperatura, 101,3 kPa-ko presioa eta gas lehorra.

   Neurtutako parametroek ez dituzte isurtzeko muga-balioak gaindituko arauz egingo diren aldizkako ikuskaritzetan (ordubeteko hiru neurketa gutxienez), zortzi ordutan zehar neurtuta. Neurketa-tolerantzia gisa, kasu guztien % 25ean gainditu ahal izango da muga-balioa, % 40 gainditzen ez duen zenbatekoa baldin bada. Tolerantzia hori gaindituz gero, neurketa-aldia astebetez luzatuko da, eta aldi honetako tolerantzia global gisa, kasuen % 6an gehienez onar daitezkeen mailak gainditzea onartuko da, % 25 gainditzen ez duen zenbatekoa denean. Tolerantzia horiek izanda ere, gai kutsatzaileak isurtzen dituen fokuaren eraginpeko zonaldean ezin izango dira inoiz higienikoki onar daitezkeen balioak gainditu.

   1.1.4. Gasak biltzeko eta husteko sistemak.

   Fokuetako gas-hondarrak kanporatzeko tximiniek ez dute B.1.1.2 atalean jasota dagoen goreneko kota baino baxuagoa izango. Tximinietan behar beste neurri hartuko dira, Industria Ministerioak industriak atmosferan eragiten duen kutsadurari aurrea hartu eta hori zuzentzeari buruz 1976ko urriaren 18an emandako Agindua bete dezaten; besteak beste, laginak hartzeko puntuetara iristeko sarbide seguru eta errazak izango dituzte.

   Zehazki, laginak hartzeko aurreikusitako zuloen kokapenari eta ezaugarriei dagokienez, gas-fluxuak laginketa-puntutik neurketa-puntura bitartean, bere norabidean zehar nahiz aurkakoan, edozein perturbazio izan dezakeen gunera bitarteko distantziek (L1 eta L2 parametroak) 1976ko urriaren 18ko Aginduaren III. eranskinean xedatutakoa beteko dute. L1 8D eta L2 2D distantziak betetzen ez diren fokuetarako inoiz ez dira L1 < 2D eta L2 < 0,5D balioak onartuko. Kasu horietan, neurketen txostenean laginketa-planoaren baliotasuna justifikatzea eskatuko da.

   Halaber, neurketa eta irakurketa ofizialak aldez aurretik abisatu gabe egiteko beharrezko gutxienekoak izango dituzte (argindarra eta beste batzuk).

   Isurtze barreiatuak minimizatzeko helburuarekin, jarioak antzemateko ekipoak erabiliko dira, ingurumenaren kudeaketa egokia egingo da eta instalazioa modu egokian diseinatuko da.

   1.2. Saneamendu-sarera isurtzeko baldintzak.

   1.2.1. Isurketen sailkapena, jatorria, ingurune hartzailea eta kokapena.

   Isurketa-

   puntua Hondakin-ur mota Isurketaren jatorria Ingurune hartzailea UTM koordenatuak

   1 Ur beltzak eta ur sanitarioak Bulegoen eraikineko komunak eta enpresaren instalazioko komunak Urumea ibaiaren kolektorea (Añarbeko Urak) X=585526,8

   Y=4789805,8

   Industria-urak Instalazio, desmineralizazio-planta eta hozte-zirkuituaren purgatzearen garbiketa

   Biltegiratze-inguruetako kubetetan jasotako euri-urak

   1.2.2. Gehienez isur daitezkeen emari eta bolumenak.

   1. isurketa: industria-urak, ur beltzak eta ur sanitarioak.

      Orduko puntako emaria 13,93 m3/h

      Eguneko gehienezko bolumena 334,15 m3/egun

      Urteko gehienezko bolumena 121.964 m3/urte

      1.2.3. Isurtzeko muga-balioak.

      Añarbeko Urak Mankomunitatearen «Saneamendu-sarera isurketak egiteko araudian» adierazitako mugak eta baldintzak bete behar dira, eta salbuespena dira ondoren adierazitako muga gehigarriak:

      Binil kloruro monomeroa (CVM): 8 g/t.

      Ingurune urtarrean mota horretako konposatuak sor ditzaketen organohalogenatuak eta substantziak: 3 mg/l.

      1.2.4. Araztu eta husteko instalazioak.

      Arazketa-instalazioek edo hondakin-urak zuzentzeko neurriek honako jarduera hauek barne hartuko dituzte funtsean:

      Homogeneizazio-putzua, tratamenduko instalazioaren aurretik.

      Stripping-tratamendua binil kloruroa desagerrarazteko.

      Koagulazio-dekantazio tratamendua solido esekientzat.

      Legionella-ren kontrako tratamendua.

      Galdaretarako desmineralizazio-tratamendua eta desmineralizazio-prozesuak.

      Hartutako neurri zuzentzaileak nahikoak ez direla ikusiz gero, Arkema Química SA enpresak (Hernaniko fabrika) behar beste aldaketa egingo ditu arazketako instalazioetan isurketak baimenean ezarritako baldintzak bete ditzan. Aldaketak Administrazioari jakinaraziko dizkio lehenik; behar izanez gero, baimena aldatzeko ere eskatuko du.

      Aurkeztutako agirien arabera, isurketak kontrolatzeko kutxeta bat jarriko da baimendutako isurketarako; kutxeta horrek isurketen lagin esanguratsuak lortzeko beharrezkoak diren ezaugarri guztiak izango ditu. Horrez gain, laginak hartzeko kutxeta bat erabiliko da euri-uren isurtzeekin lotutako parametroak neurtzeko (emaria, tenperatura, pH-a, OEK, SE). Baimendutako balioak gainditzen badira, hondakin-urak homogeneizazio-putzura berbideratuko dira eta tratamenduko instalaziora ondoren. Kutxetak ikuskatu ahal izateko sarbide zuzena ahalbidetzen duten lekuan kokatuko dira, hala badagokio.

      1.3. Instalazioan sortutako hondakinak egoki kudeatzen direla bermatzeko baldintzak.

      Instalazioetan sortzen diren hondakin guztiak hondakinei buruzko apirilaren 21eko 10/1998 Legean eta aplika dakiekeen berariazko gainerako araudian xedatutakoari jarraituz kudeatuko dira; hondakinak karakterizatu egin beharko dira euren izaera zehaztu eta helburu egokiena erabakitzeko.

      Espresuki debekatuta dago sortzen diren tipologia desberdineko hondakinak elkarrekin edo beste hondakin nahiz efluente batzuekin nahastea; hondakinak jatorritik bertatik bereiziko dira eta horiek bildu eta biltegiratzeko bide egokiak jarriko dira, nahasketa saihesteko.

      Hondakinen kudeaketari buruzko printzipio hierarkikoei jarraituz, hondakin oro baliotu egin behar da eta horretarako autokudeaketa behar da edo balioztagune baimendu batera eraman behar dira. Hondakinak ezabatu ahal izango dira, baldin eta horiek baliotzea teknika, ekonomia edota ingurumen aldetik bideragarria ez dela behar bezala egiaztatzen bada. Birsortzea eta berrerabiltzea lehenetsiko dira baliotzeko beste modu material edo energetikoren aurretik.

      Era berean, hondakinak tratatzeko Euskal Autonomia Erkidegoan instalazio baimenduak badaude, instalazio horietara bidaliko dira, autosufizientzia eta gertutasun printzipioei jarraituz.

      Baimendutako zabortegian ezabatzea aurreikusita dagoen hondakinen karakterizazioa, 2002ko abenduaren 19ko Kontseiluaren 2003/33/EE Erabakiarekin bat etorriz gauzatuko da. Erabaki horren bidez, hondakinak zabortegian hartzeko irizpideak eta prozedurak ezartzen dira. Bestela, erabaki hori garatzeko Euskal Autonomia Erkidegoan onartutako jarraibideekin bat etorriz gauzatuko da.

      Hondakinak biltzeko eremuek lurzoru estankoa izan beharko dute. Egoera fisiko likidoan edo oretsuan dauden edo oso bustita daudelako isurketak edo lixibiatuak sor ditzaketen hondakinen kasuan, horiek biltzeko kubeta edo sistema egokiak jarriko dira, ezbeharrez gerta daitezkeen isurketak kanpora irten ez daitezen. Hondakina hautsa bada, euri-urarekin kontakturik izan dezan edo haizeak arrasta dezan saihestuko da; behar izanez gero, estali egingo da.

      Hondakinek desagertu, galdu edo ihes egingo balute, berehala jakinaraziko da gertatutakoa Ingurumen Sailburuordetzan eta Hernaniko Udalean.

      1.3.1. Hondakin arriskutsuak.

      Sustatzaileak adierazitako hondakin arriskutsuak honako hauek dira:

   1. Prozesua: «laborategia».

   1. hondakina: «Disolbatzaile alifatiko ez-halogenatuak».

      Identifikazioa: A-28381473/2000006137/1/1.

      Hondakinaren kodea: Q07/D13/L05/C41/H3B//A501//B05517.

      EHZ: 070104.

      Urtean sortutako kantitatea: 353 kg.

      Laborategian disolbatzaileak erabiltzean sortzen da. Sortzen den postuan bertan gordetzen da hondakinarentzat identifikatutako bidoian, hondakin arriskutsuen biltegian, behar den bezala idenfikatuta eta data jarrita, kudeatzaile baimenduak eraman arte.

   2. hondakina: «Dimetil azetamida».

      Identifikazioa: A-28381473/2000006137/1/2.

      Hondakinaren kodea: Q07//D13//L05//C41//H04/06//A501/B05517.

      EHZ: 070104.

      Urtean sortutako kantitatea: 64 kg.

      Kromatografia kontrolatzeko analisian sortzen da eta PVCdun dimetailazetamida da. Sortzen den postuan bertan gordetzen da beirazko flaskoetan, eta flaskoa beteta dagoenean hondakin arriskutsuen biltegian gordetzen dira, kudeatzaile baimenduak eraman arte.

   3. hondakina: «Laborategiko ontzi hutsak».

      Identifikazioa: A-28381473/2000006137/1/3.

      Hondakinaren kodea: Q05//R13//S36//C23/24/41//

      H05/06//A501//B05517.

      EHZ: 150110.

      Urtean sortutako kantitatea: 91 kg.

      Azidoak eta oinarri ez-organikoak eta disolbatzaile organikoak (alkoholak eta zetona) erabiltzean sortzen da eta ontzi hutsak dira. Sortzen diren postuan bertan jasotzen dira bidoi batean, nabe itxi batean, kudeatzaile baimenduak eraman arte.

   4. hondakina: «Kontrol-entseguetako plastisolak».

      Identifikazioa: A-28381473/2000006137/1/4.

      Hondakinaren kodea: Q08//R13//P06//C42//H06//

      A501//B5517.

      EHZ: 070107.

      Urtean sortutako kantitatea: 2.305 kg.

      Kalitatea kontrolatzeko entseguen ondorioz sortzen da. Hondakina bidoi metalikoetan gordetzen da, hermetikoki itxita, lurzoru estankoa duen nabe baten barruan, kudeatzaile baimenduari emateko ondoren.

   5. hondakina: «Laborategiko hondakinak».

      Identifikazioa: A-28381473/2000006137/1/5

      Hondakinaren kodea: Q07/D13/L05/C41/43/H38/

      A501/B05517.

      EHZ: 160506.

      Urtean sortutako kantitatea: 79 kg.

      Azetona, ziklohexanona eta metanola duten disolbatzaileak erabiltzean sortzen da, laborategiko prozesuan. Hondakinarentzat identifikatutako bidoi metalikoetan gordetzen da, kudeatzaile baimenduari emateko.

   6. hondakina: «Cr+6 eta Ag dituen disoluzioa».

      Identifikazioa: A28381473/2000006137/1/6.

      Hondakinaren kodea: Q7//D13//L27//C3/10//H6/8//A501//B5517.

      EHZ: 070708.

      Urtean sortutako kantitatea: 30 litro.

      Laborategiko prozesuan sortzen da, kloruroen analisian; kromoa eta zilarra dituen disoluzio bat da.

      Sortzen den postuan bertan jasotzen da, hondakinarentzat identifikatutako beirazko botilan; beteta dagoenean, hondakinarentzat identifikatutako ontzi batean biltegiratzen da hondakin arriskutsuen postuan.

   7. hondakina: «Cr+6 eta Hg dituen disoluzioa».

      Identifikazioa: A28381473/2000006137/1/7.

      Hondakinaren kodea: Q7//D13//L27//C3/16//H6/8//A501//B5517.

      EHZ: 070708.

      Urtean sortutako kantitatea: 15 litro.

      Laborategiko prozesuan sortzen da, uren eta OEKen kontrol-analisian; kromoa eta merkurioa dituen disoluzio bat da.

      Sortzen den postuan bertan jasotzen da, hondakinarentzat identifikatutako beirazko botilan; beteta dagoenean, hondakinarentzat identifikatutako ontzi batean gordetzen da hondakin arriskutsuen postuan.

   8. hondakina: «Toluenoa, trisulfatoa, azetona eta iodoa dituen disoluzioa.»

      Identifikazioa: A28381473/2000006137/1/8.

      Hondakinaren kodea: Q7//D13//L5//C41/43//H3b//A501//B5517.

      EHZ: 070704.

      Urtean sortutako kantitatea: 90 litro.

      Laborategiko prozesuan sortzen da, kontrol-analisietan; toluenoa, trisulfatoa, azetona eta iodoa ditu.

      Sortzen den postuan bertan jasotzen da, hondakinarentzat identifikatutako bidoi batean; beteta dagoenean, hondakinarentzat identifikatutako lekuan gordetzen da hondakin arriskutsuen postuan.

   2. Prozesua: «zerbitzu orokorrak».

   1. hondakina: «Berun-azidozko bateriak».

      Identifikazioa: A-28381473/2000006137/2/1.

      Hondakinaren kodea: Q06//R04//S37//C18/23//H08//A501//B00019.

      EHZ: 160601.

      Urtean sortutako kantitatea: 110 kg (2004. urtea).

      Beruna eta disoluzio azidoa duten bateriak birjartzean sortzen da. Bidoietan gordetzen da, kudeatzaile baimenduak eraman arte.

   2. hondakina: «Olioz bustitako zatarrak».

      Identifikazioa: A-28381473/2000006137/2/2.

      Hondakinaren kodea: Q05//D13//S40//C51//H05//

      A501//B00019.

      EHZ: 150202.

      Urtean sortutako kantitatea: 134 kg.

      Lantegi mekanikoan garatzen diren jardueretan sortzen dira, nahiz eta instalazioko gainerako sekzio guztietan sortu daitezkeen halaber. Sortzen diren postuan bertan bidoietan jaso eta nabe itxi batean gordetzen dira, kanpoko kudeatzaile baimenduari eman arte.

   3. hondakina: «Hodi fluoreszenteak».

      Identifikazioa: A-28381473/2000006137/2/3.

      Hondakinaren kodea: Q06//R13//S40//C16//H14//

      A501//B00019.

      EHZ: 200121

      Urtean sortutako kantitatea: 186 kg.

      Instalazioaren argiztapen orokorrean erabiltzen dira. Merkurioa duten hodi fluoreszenteak birjartzean sortzen dira. Sortzen diren postuan bertan bidoi batean gordetzen dira, nabe itxi batean, behar den bezala identifikatuta eta data jarrita, kudeatzaile baimenduari eman arte.

   4. hondakina: «Hutsik dauden bidoi metalikoak».

      Identifikazioa: A-28381473/2000006137/2/4.

      Hondakinaren kodea: Q05//R04//S36//C41/51//H05//A501//B00019.

      EHZ: 150110.

      Urtean sortutako kantitatea: 1.213 kg.

      Gehien bat laborategian erabiltzen diren substantzia arriskutsuren bat biltegiratzean sortzen dira. Nabe batean gordetzen dira kudeatzaile baimenduak eraman arte.

   5. hondakina: «Disolbatzaile organiko ez-halogenatua (white Spirit)».

      Identifikazioa: A-28381473/2000006137 /2/5.

      Hondakinaren kodea: Q07//R13//L05//C41//H03B/05//A501//B0019.

      EHZ: 140603.

      Urtean sortutako kantitatea: 140 kg.

      Mantentze-lantegietan sortzen da eta kudeatzaileak sortzen den lekuan bertan jasotzen du zuzenean.

   6. hondakina: «Ioi-trukatzearen erretxinak (trukatze anionikoa-kationikoa)».

      Identifikazioa: A-28381473/2000006137 /2/6.

      Hondakinaren kodea: Q07//D15//S32//C23-24//H14//A501//B0019.

      EHZ: 110116.

      Urtean sortutako kantitatea: 100 kg.

      Uren arazketan sortzen da. Hondakina bidoi metalikoetan gordetzen da, hermetikoki itxita, lurzoru estankoa duen nabe baten barruan, kudeatzaile baimenduari emateko ondoren.

   7. hondakina: «Aerosol teknikoa».

      Identifikazioa: A-28381473/2000006137 /2/7.

      Hondakinaren kodea: Q14//R13//S36//C41-51//H03A/05//A501//B0019.

      EHZ: 160504.

      Urtean sortutako kantitatea: 45 kg.

      Makinen mantentze-lanen ondorioz sortzen da. Hondakina bidoi metalikoetan gordetzen da, lurzoru estankoa duen nabe baten barruan, kudeatzaile baimenduari emateko ondoren.

   8. hondakina: «Olio-iragazkiak».

      Identifikazioa: A-28381473/2000006137/2/8.

      Hondakinaren kodea: Q09//R13//S35//C51//H05//

      A501//B0019.

      EHZ: 160107.

      Urtean sortutako kantitatea: 73 kg.

      Makinen mantentze-lanen ondorioz sortzen da. Hondakina bidoi metalikoetan gordetzen da, lurzoru estankoa duen nabe baten barruan, kudeatzaile baimenduari emateko ondoren.

   9. hondakina: «Pila alkalinoak».

      Identifikazioa: A-28381473/2000006137/2/9.

      Hondakinaren kodea: Q06//R13//S37//C22//H14//

      A501//B0019.

      EHZ: 200133.

      Urtean sortutako kantitatea: 10 kg.

      Zerbitzu osagarrien eta bulegoen mantentze-lanen ondorioz sortzen da. Lurzoru estankoa duen nabearen barruan gordetzen da bidoietan, behar den bezala identifikatuta eta data jarrita, kudeatzaile baimenduari eman arte.

   10. hondakina: «Botoi-pilak».

       Identifikazioa: A-28381473/2000006137/2/10.

       Hondakinaren kodea: Q06//R13//S37//C16//H06//

       A501//B0019.

       EHZ: 160603.

       Urtean sortutako kantitatea: 0,25 kg.

       Merkurioa duten pilak birjartzean sortzen dira. Lurzoru estankoa duen nabearen barruan gordetzen dira bidoietan, behar den bezala identifikatuta eta data jarrita, kudeatzaile baimenduari eman arte.

   11. hondakina: «Ni-Cd-zko bateriak».

       Identifikazioa: A-28381473/2000006137/2/11.

       Hondakinaren kodea: Q06//R13//S37//C5-11//H14//A501//B0019.

       EHZ: 160603.

       Urtean sortutako kantitatea: 1 kg.

       Zerbitzu osagarrien mantentze-lanen ondorioz sortzen da. Lurzoru estankoa duen nabearen barruan gordetzen da bidoietan, behar den bezala identifikatuta eta data jarrita, kudeatzaile baimenduari eman arte.

   12. hondakina: «Material elektronikoa eta informatikoa.

       Identifikazioa: A-28381473/2000006137/2/12.

       Hondakinaren kodea: Q06//R13//S35//C6-7-18//H14//A501//B0019.

       EHZ: 160213.

       Urtean sortutako kantitatea: noizean behin.

       Zerbitzu osagarrien eta bulegoen mantentze-lanen ondorioz sortzen da. Lurzoru estankoa duen nabearen barruan gordetzen da, behar den bezala identifikatuta eta data jarrita, kudeatzaile baimenduari eman arte.

   13. hondakina: «Olio erabiliak».

       Identifikazioa: A28381473/2000006137/2/13.

       Hondakinaren kodea: Q7//R13//L8//C51//H5/6//A501//B001.

       LER: 130208.

       Urtean ekoitzitako kantitatea: 2000 kilogramo.

       Makinek egiten duten olio-kontsumoaren hondakin gisa sortzen da Zerbitzu Orokorren prozesuko mantentze-lanen azpiprozesuan.

       Sortzen den postuan edo postuetan bertan jasotzen da, hondakinarentzat identifikatutako bidoi batean; beteta dagoenean, hondakinarentzat identifikatutako lekuan gordetzen da nabe itxiaren barruan.

   14. hondakina: «Garbiketan erabilitako xurgatzailea (sepiolita)».

       Identifikazioa: A28381473/2000006137/2/14.

       Hondakinaren kodea: Q5//D13//S40//C51//H5//A501//B0019.

       EHZ: 150202.

       rtean sortutako kantitatea: 800 litro.

       Zerbitzu Orokorren barruan, makina eta instalazioak garbitzeko azpiprozesuan izan daitezkeen jarioak jasotzean sortzen da; isuritako produktua bustita dagoen material xurgatzailea izaten da.

       Sortzen den postuan edo postuetan bertan jasotzen da, hondakinarentzat identifikatutako bidoi batean; beteta dagoenean, hondakinarentzat identifikatutako lekuan gordetzen da nabe itxiaren barruan.

   15. hondakina: «N-metil Pirrolidona».

       Identifikazioa: A28381473/2000006137/2/15.

       Hondakinaren kodea: Q5//D13//L13//C41//H6//A501//B0019.

       EHZ: 070208.

       Urtean sortutako kantitatea: 40 litro.

       Zerbitzu Orokorren prozesuaren barruan, makinak eta instalazioak garbitzeko azpiprozesuan sortzen da; garbiketan erabiltzen den N-metil 2-pirrolidona plastifikatzailea du.

       Sortzen den postuan edo postuetan bertan jasotzen da, hondakinarentzat identifikatutako bidoi batean; beteta dagoenean, hondakinarentzat identifikatutako lekuan gordetzen da nabe itxiaren barruan.

   16. hondakina: «Garbiketa-gasolioa».

       Identifikazioa: A28381473/2000006137/2/16.

       Hondakinaren kodea: Q5//D13//L34//C51//H3b//

       A501//B0019.

       EHZ: 130701.

       Urtean sortutako kantitatea: 100 litro.

       Zerbitzu Orokorren prozesuaren barruan, makinak eta instalazioak garbitzeko azpiprozesuan sortzen da; garbiketan erabiltzeagatik kutsatuta dagoen gasolioa da.

       Sortzen den postuan edo postuetan bertan jasotzen da, hondakinarentzat identifikatutako bidoi batean; beteta dagoenean, hondakinarentzat identifikatutako lekuan gordetzen da nabe itxiaren barruan.

   17. hondakina: «Substantzia sailkatuek bustitako plastikozko eta paperezko zakuak».

       Identifikazioa: A-28381473/2000006137/2/17.

       Hondakinaren kodea: Q05//D15//S36//C23-24-28//

       H05//A501//B0019.

       EHZ: 15020.2

       Urtean sortutako kantitatea: 2.000 kg.

       Laborategian zein plantako gainerako instalazioetan sor daitezke; funtsean prozesuan erabilitako gehigarriak dituzte. Substantzia arriskutsu, oxidatzaile, korrosibo eta narritagarriek kutsatuta daude. Lurzoru estankoa duen nabearen barruan gordetzen dira kaxetan, behar den bezala identifikatuta eta data jarrita, kudeatzaile baimenduari eman arte.

   3. Prozesua: «hondakin uren tratamendua».

   1. hondakina: «PCVdun uren araztegiko hondar-opilak».

      Identifikazioa: A-28381473/2000006137/3/1.

      Hondakinaren kodea: Q09//R5//S30//C42//H14//A501//B09311.

      EHZ: 190813.

      Urtean sortutako kantitatea: 732.654 kg.

      Hondakin-uren arazketa-tratamenduko prentsa-iragazkian sortzen dira. Araztegiko lohiak dira: binil kloruro monomeroaren batez besteko edukia 800+-100 ppm da eta gehienezko edukia 1200 ppm. PVCzko hondar-opilak lehortzeko instalazioan prozesatzen da hondakina eta bertatik lortzen da R.S.L. izenarekin ezagutzen den materiala. Azpiproduktua.

      1. Instalazioan bertan kudeatu daiteke bertan sortzen den «PCVdun uren araztegiko hondar-opilak» izeneko hondakina. Hondakin-uren tratamenduan sortzen da eta «PVCzko hondar-opilak lehortzeko instalaziora» eramaten da. Aipatutako instalazioa «errota-lehorgailu Ultra birakari» batean datza. Bertan ehotzen eta lehortzen da produktua, aire bero zirkulatzaileko karga batekin; instalazioak ekarritako aire-emari maximoarekin funtzionatzen du eta aire beroaren kontsigna-tenperatura mantentzeko sarrera-produktuaren kantitatea erregulatzen da; erregulazio hori lehortze-tenperaturaren mende egiten da, hau da, lehortu behar den produktuak duen hezetasun-mailaren mende. Tratamendu hori amaitzean, «R.S.L.» izenarekin ezagutzen den produktu lehorra sortzen da. Tratamendua eginda dagoenean, «R.S.L. azpiproduktua» hondakin ez-arriskutsu gisa kudeatu ahal izango da baina, lehenik eta behin, produktuaren baliotzea egin beharko da.

      2. «PVCdun uren araztegiko hondar-opilak» izeneko hondakina lehortzeko labea elikatzeko emariak ez du inoiz gaindituko 150 kg hondar-opil heze/h balioa eta opilak eduki dezakeen binil kloruro monomeroaren gehienezko edukia 400 ppm da (lagin lehorrak).

      3. Modu berean, autokudeaketa-tratamenduaren eraginkortasuna ziurtatzeko helburuarekin, baliotu edo desagerrarazi beharreko «R.S.L. azpiproduktuaren» partikula bakoitzari dagokion monomero askearen edukia zehaztuko da. Analisi horren emaitzak Ingurumen Organo honetara bidaliko dira; halaber, aurreikusitako erabilera zehaztuko da.

      4. Hondakin arriskutsuak biltzeko sistemak bereiziak izango dira, duten tipologia dela-eta, isuriren bat gertatuz gero, nahasi, arriskutsuago bihurtu edo kudeaketa zaildu dezaketen kasuetan.

      5. Hondakin arriskutsuak jasotzen dituzten ontziek, hondakin toxiko eta arriskutsuei buruzko maiatzaren 14ko 20/1986 Oinarrizko Legea betearazteko erregelamendua onartzen duen uztailaren 20ko 833/1988 Errege Dekretuak 13. artikuluan ezarritako segurtasun-arauak kontuan izan beharko dituzte, eta itxita egongo dira kudeatzaileak jaso arte, isuri edo lurrundu ez daitezen.

      6. Aurreko atalean aipatzen diren ontziek etiketatuta egon beharko dute, eta etiketak argia, irakurtzeko modukoa eta ezabaezina izan beharko du; etiketa 1988ko uztailaren 20ko 833/1988 Errege Dekretuak 14. artikuluan horretarako adierazitako jarraibideen araberakoa izango da.

      7. Hondakin arriskutsuak gordetzeko denbora ezingo da 6 hilabetetik gorakoa izan.

      8. Hondakinak kudeatzaile baimenduaren instalazioetara eraman aurretik, nahitaezko baldintza izango da agiri baten bidez egiaztatzea kudeatzaile baimendu horrek hondakinak onartu dituela. Agiri horretan hondakinak onartzeko baldintzak ezarriko dira, eta egiaztatu egingo da tratatu beharreko hondakinaren ezaugarriak administrazio-baimenarekin bat datozela. Agiri hori Ingurumen Sailburuordetzara bidaliko da hondakina lehenengoz erretiratu aurretik eta, behar izanez gero, hondakin-kudeatzaile berri batengana eraman aurretik. Beharrezkoa izanez gero, karakterizazio xehatua egingo da, proposatutako tratamenduaren egokitasuna egiaztatzeko.

      9. Hondakin arriskutsuak eraman aurretik eta, hala badagokio, araudian ezarritako aurretiazko jakinarazpena egin ondoren, kontrolerako eta jarraipenerako agiria bete beharko da. Agiri horren zati bat garraiolariari emango zaio, zamarekin batera jatorritik helmugaraino eraman dezan. Arkema Química SA enpresak (Hernaniko enpresa) artxibategian gorde beharko ditu onarpen-agiriak eta kontrolerako zein jarraipenerako agiriak, edo horien agiri ofizial baliokideak, bost urtean gutxienez.

      10. Egiaztatu egin beharko da hondakin arriskutsuak baimendutako kudeatzailearen instalazioetara eramateko erabiliko den garraiobideak horrelako gaiak garraiatzeko indarrean dagoen legerian ezarritako baldintzak betetzen dituela.

      11. Arkema Química SA enpresak (Hernaniko fabrika) ekainaren 2ko 679/2006 Errege Dekretuari, Industrian erabilitako olioaren kudeaketa arautzen duenari jarraituz kudeatu beharko du sortutako industria-olio erabilia.

      12. Ekainaren 2ko 679/2006 Errege Dekretuan aurreikusitako baimendutako kudeaketa bateraturako sistema bat ezartzen ez den bitartean, irailaren 29ko 259/1998 Dekretuan, Euskal Autonomia Erkidegoan erabilitako olioaren kudeaketa arautzen duenean, begiesten diren aurreikuspenak bete beharko ditu Arkema Química SA enpresak (Hernaniko fabrika).

      13. Tresna elektriko eta elektronikoen hondakinak, horien artean hodi fluoreszenteak, tresna elektriko zein elektronikoei eta horien hondakinen kudeaketari buruzko otsailaren 25eko 208/2005 Errege Dekretuan ezarritakoaren arabera kudeatuko dira.

      14. Europako Parlamentuaren eta Kontseiluaren 2000ko ekainaren 29ko 2037/2000 EE Arautegian ozono-geruza agortzen duten substantzia batzuk zehazten eta arautzen dira. Arkema Química SA enpresak (Hernaniko fabrika) era horretako substantziarik badu, substantzia horiek bildu eta suntsitu egingo dira aldeek erabakitako bide teknikoak erabiliz edota ingurumen ikuspuntutik onar daitekeen suntsiketarako beste edozein bide erabiliz; hondakin horiek birziklatu edo birsortu egingo dira bestela, aparailuak aztertu eta mantentzeko lanen aurretik nahiz desmuntatu eta suntsitu baino lehen.

      16. Arkema Química SA enpresak (Hernaniko fabrika) urtero adierazi beharko dio Ingurumen Sailburuordetzari, ekitaldi bakoitzean sortu dituen hondakin arriskutsu guztien jatorria, kopurua, helburua eta aldi baterako biltegiratuta dauden hondakinen zerrenda.

      17. Erregistro bat edukiko du, hondakin arriskutsuei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, biltzeko maiztasuna eta garraiatzeko modua, uztailaren 20ko 833/1988 Errege Dekretuaren 17. artikuluan ezarritakoa betez, eta uztailaren 20ko 952/1997 Errege Dekretuaren bidezko aldaketan ezarritakoa betez. Sei hilean behin, Ingurumen Sailburuordetzari kontrolerako erregistro horren kopia bidaliko dio.

      18. Puntuaren erregistroan, «PVCdun uren araztegiko hondar-opilak» izeneko hondakin arriskutsu kutsatuen dosifikatze-eragiketak eta tratamendua adierazteaz gain, honako datu hauek adieraziko dira gutxienez:

          Kudeatutako hondakinen kantitateak, izaera, konposizioa eta identifikazio-kodea.

          Dosifikazio-maiztasuna eta -maila.

          Tratamendu-eragiketak eta kontrolerako parametroak.

          Tratamenduaren ondoren lortutako hondakinen kantitateak, izaera, konposizioa eta identifikazio-kodea.

          Horiei emandako kudeaketa, helmuga identifikatzeko datak eta datuak.

          Hilero, Ingurumen Sailburuordetzari bidaliko zaio kontrolerako erregistro horren kopia.

      19. Hondakin arriskutsuen kudeaketako funtsezko oinarriak bete daitezen, hau da, hondakin horiek ahal den gutxiena sortzeko, Arkema Química SA enpresak (Hernaniko fabrika) neurri babesleak erabiliz hondakin arriskutsuen sorrera gutxitzeko plana egin eta aurkeztu beharko du Ingurumen Sailburuordetza honetan, gutxienez lau urtean behin.

      20. Aurreko h) eta i) (kudeatzaileak EAEn daudenean), p) eta q) ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.

      21. Amiantoa duten hondakinak detektatuz gero, Arkema Química SA enpresak (Hernaniko fabrika) amiantoak ingurumenean sortzen duen kutsadura saihestu eta gutxitzeko 108/1991 Errege Dekretuaren 3. artikuluan ezarritako eskakizunak bete beharko ditu. Era berean, amiantoa duten hondakinak kudeatzeko egingo diren manipulazioak 396/2006 Errege Dekretuan ezarritako aginduen arabera burutuko dira; dekretu horren bidez ezarri ziren amiantoarekin lan egiterakoan segurtasun eta osasun arloan bete behar diren gutxieneko baldintzak.

          1.3.2. Hondakin ez-arriskutsuak.

          Sustatzaileak adierazitako hondakin ez-arriskutsuak hauek dira:

          Hondakinaren izena EHZ kodea Zein prozesuri lotuta Kudeatzeko modua Zenbatetsitako ekoizpena (kg/urtea)

          Ontzi eta paketatzeen hondakinak, ekortzeak eta II. motako nahastea 200199 Plantako orokorra Ezabatzea 28

          Txatarra 200140 Plantako orokorra Baliotua 36

          HHS 200301 Plantako orokorra Ezabatzea 4,5

          Zura 191207 Plantako orokorra Berreskuratzea 8,6

          Papera 200101 Plantako orokorra Birziklatzea 14

          Plastikoa 200139 Plantako orokorra Birziklatzea 2,6

          D.1.3. atalean bereiztearen eta hondakinen kudeaketari buruzko printzipio hierarkikoen inguruan xedatutakoari jarraituz, «nahasketak» izeneko hondakinak ezingo du baliotu daitekeen hondakin-frakziorik izan. Horri dagokionez, egungo egoeran Euskal Autonomia Erkideagoan baliotu daitezkeen hondakin-frakzioak hauek dira: papera eta kartoia, zura, plastikoak, metal ferrikoak eta metal ez-ferrikoak.

      1. Erabilitako ontziak eta ontzi-hondakinak gaika behar bezala bereizi eta eragile ekonomiko bati emango zaizkio (hornitzaileari), erabilitako ontzien kasuan berriro erabili ahal izateko; ontzi-hondakinak, berriz, berreskuratzaile, birziklatzaile edo balioztagune baimendu bati.

      2. Hondakin horiek ezabatzeko direnean ezin dira urtebete baino gehiagoz biltegiratuta eduki. Hondakinen azken helburua baliotzea denean, 2 urtez gorde ahal izango dira.

      3. Oro har, hondakinak hustu aurretik, baimendutako kudeatzaile batek onartzen dituelako agiria izan beharko dute, onarpen horretarako baldintzak zehaztuta. Agiri horren kopia bidali beharko da Ingurumen Sailburuordetzara, proposatutako kudeaketa egokia dela eta Ebazpen honetan ezarritako oinarrizko printzipioak betetzen direla egiaztatzeko. Arkema Química SA enpresak (Hernaniko fabrika) artxibategian erregistratu eta gorde beharko ditu onarpen-agiriak edo horien agiri ofizial baliokideak, horiek nahitaezkoak direnean, bost urtean gutxienez.

      4. Halaber, hondakin geldo eta geldotuen kudeaketari buruzko azaroaren 2ko 423/1994 Dekretuarekin bat etorriz, hondakin ez-arriskutsuak zabortegi baimendu batera eraman aurretik, jarraipenerako eta kontrolerako dagokion agiria bete beharko da. Agiri horiek bost urtez gorde beharko dira.

      5. Erregistro bat egingo da, hondakin arriskutsuei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, biltzeko maiztasuna eta garraiatzeko modua. Urtero, Ingurumen Sailburuordetzari bidaliko zaio kontrolerako erregistro horren kopia.

      6. Aurreko d) eta e) (kudeatzaileak EAEn daudenean) eta f) ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.

         1.4. Lurzorua babesteko baldintzak.

         Urtarrilaren 14ko 9/2005 Errege Dekretuan eta otsailaren 4ko 1/2005 Legean ezarritako aginduak betez lurzoruaren egoerari buruz aurkeztutako aurretiazko txostenean jasota dauden gomendioen arabera, Arkema Química SA enpresak (Hernaniko fabrika) lurzorua babesteko beharrezko neurriak hartu beharko ditu.

         1.5. Zaratari buruzko baldintzak.

         Jarraian adierazitako zarata-mailak ez gainditzeko neurriak hartu eta instalatuko dira:

      1. Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere 40 dB (A) baino handiagoa izan Leq 60 segundo etengabeko balioan neurtuta, 08:00ak eta 22:00ak bitartean, leiho eta ateak itxita, ezta 45 dB (A) ere gehienezko balioetan.

      2. Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere 30 dB (A) baino handiagoa izan Leq 60 segundo etengabeko balioan neurtuta, 22:00ak eta 08:00ak bitartean, leiho eta ateak itxita, ezta 35 dB (A) ere gehienezko balioetan.

      3. Era berean, zarata ezin da 60 dB (A) baino handiagoa izan, Leq 60 segundo etengabeko balioan neurtuta, industria-eremuaren kanpoko itxituran.

      4. Zamalanetan eta materiala kamioietan garraiatzean egiten den zaratak ez du handituko sentsibilitate akustiko handieneko guneetako zarata-maila.

         1.6. Paisaiarekin zerikusia duten baldintzak.

      1. Paisaia babesteko neurriei dagokienez, honako neurri hauek hartuko dira:

      2. Instalazioen eta berdeguneen inguruan landaredia jarriko da.

      3. Andelak margotuko dira.

      4. Fatxadetako itxierak eta instalazioaren egitura aldatu eta kolore leunetan margotuko dira.

3. Ingurumena Zaintzeko Programa.

   Ingurumena Zaintzeko Programa sustatzaileak aurkeztutako agirietan aurreikusitakoaren eta ondoko atal hauetan ezarritakoaren arabera gauzatu beharko da:

   1. Atmosferara botatzen diren poluitzaileak kontrolatzea.

1. Arkema Química SA enpresak (Hernaniko fabrika) botatzen dituen kutsatzaileak kontrolatu beharko ditu, ondorengoaren arabera.

   Fokua Foku-kodea Fokuaren izena Neurtu beharreko parametroak Kontrolen maiztasuna

   1 eta 2 20/6137/1

   20/6137/2 1. eta 2. lehorgailuak Partikula solidoak 3 urte (KEB)

   autokontrola urtero

   Opakutasuna

   Nitrogeno oxidoa (NOx)

   Karbono monoxidoa (CO)

   Sufre dioxidoa (SO2)

   Azido klorhidrikoa (HCl)

   CVM

   3 20/6137/3 PVCa zakuratzea CVM hondar-opil hezeetan 3 urte (KEB)

   autokontrola urtero

   Elikadura-emaria

   CVM

   Partikula solidoak

   4 20/6137/4 1. Galdara Opakutasuna 5 urte (KEB)

   Nitrogeno oxidoa (NOx)

   Karbono monoxidoa (CO)

   5 20/6137/5 Hondar-opilen lehorgailua Partikula solidoak 3 urte (KEB)

   autokontrola urtero

   Opakutasuna

   Nitrogeno oxidoa (NOx)

   Karbono monoxidoa (CO)

   Sufre dioxidoa (SO2)

   Azido klorhidrikoa (HCl)

   CVM

   CVM hondar-opil hezeetan

   Elikadura-emaria

   6 20/6137/6 Hozte-multzotik gas naturalera Nitrogeno oxidoa (NOx) 5 urte (KEB)

   Karbono monoxidoa (CO)

2. Aurreko atalean aipatutako neurketa guztiak kontrol-erakunde baimendu (KEB) batek egin beharko ditu (zortzi ordutan hartutako hiru neurketa, gutxienez ordubetekoa bakoitza), eta aldizkako neurketa horiei buruzko txostenak Ingurumen Sailburuordetza honek prestatutako «KEBen gutxieneko txostenean» ezarritakora egokitu beharko du. Nolanahi ere, isurtzeen kontrolek eta neurketa-baldintzek Ingurumen Sailburuordetzaren jarraibide teknikoetan eskatutako baldintza guztiak bete beharko dituzte.

3. Arestian eskatutako parametro guztien neurketen BKE txostenak bidaliko dira. Neurketa berriak egin beharko dira, baldin eta parametroen neurketarik ez badago edo egindako neurketak Ebazpen honetan kontrol-maiztasuna ezarri aurretik egindakoak badira. Atmosferara egiten diren isurtzeen ondorengo kontrolak, egindako azken neurketan adierazitako maiztasunarekin egingo dira.

4. «PVCdun uren araztegiko hondar-opilak» hondakinaren tratamenduaren barruan, «PVCzko hondar-opilak lehortzeko» autokudeaketa-prozesuan erabilitako lehorgailu birakarian egiten diren isurketak eta beraren funtzionamendua kontrolatu beharko dira. Kanpoko laborategi batek egingo ditu kontrolak urtean behin; eta kontrol horien emaitzak Ingurumen Sailburuordetzan aurkeztuko dira. Kontrolei buruzko txostenetan honako informazio hau zehaztuko da: lehorgailu birakaria elikatzean «PVCdun uren araztegiko hondar-opilak» hondakinaren ezaugarriak, laginak hartzen diren unean (hondakinak duen binil kloruro monomeroaren konposizioa), eta funtzionamendu-parametroak (hondakinaren elikadura-emaria labean eta emari hori kontrolatzeko parametroa; elikadurako torloju amaigabearen b/min).

   1.1. Lortutako emaitzen erregistroa.

   Erregistro bat egin beharko da euskarri informatikoan edo, horrelakorik ezean, paperean. Dokumentazio gaurkotua erabilita gauzatuko da erregistroa, eta industriak atmosferan sortzen duen kutsadura saihestu eta zuzentzeari buruzko 1976ko urriaren 18ko Aginduak 33. artikuluan ezarritako edukia jaso beharko du.

   Erregistro horretan adieraziko dira egindako neurketen emaitzak, mantentze-lanak, garbiketa, aldizkako ikuskatzeak, matxuraren ondorioz gertatutako etenaldiak, egiaztapenak, edozein motako gorabeherak, eta abar. Dokumentazio horrek eguneratuta egon beharko du, eta ingurumen-ikuskatzaileek eskatuko balute, eskuragarri izango dute.

   2. Atmosferako inmisioak kontrolatzea.

   Hiru hilean behin inmisio-neurrien kanpaina bat egingo da, instalazio inguruko airean binil kloruro monomeroa konposatuaren eragina neurtzeko, eta kontrol horien emaitzak txosten batean jaso eta Ingurumen Sailburuordetzara bidaliko da.

   3. Isuritako uraren kalitatea kontrolatzea.

1. Sustatzaileak aurkeztu dituen agirien arabera, ondorengo analisiak egingo dira:

   Isurketa-puntua Kontrolatu beharreko fluxua Kontrol-kutxetako UTM koordenatuak Neurtu beharreko parametroak Kontrolen maiztasuna Kontrol mota

   1 Ur beltzak eta ur sanitarioak X: 585526,8

   Y: 4789805,8 OEK Hilerokoa Kanpokoa

   Industria-urak pH-a

   Euri-urak Solido esekiak

   Tenperatura

   CVM Urtekoa Kanpokoa

2. Kanpoan egiten den kontrol bakoitza, laginak hartzea nola ondorengo analisia, «Erakunde Laguntzaile» batek (Jabari Publiko Hidraulikoaren 255. artikulua), edo bestela, kolektorera konektatzeko baimena ematen duen Erakundeak egin eta egiaztatuko du, eta goiko puntuetan aipatutako parametroak hartuko dira kontuan. Sustatzaileak isurketa-puntu bakoitzeko lagin hartu berri baten analisia aurkeztu beharko du gutxienez; lagina 24 orduko ur-emariarekiko proportzionala izango da, edo bestela, lagin puntual esanguratsua.

   Isurketen kontrolen emaitzak Ingurumen Sailburuordetzara bidaliko dira laginak hartzen direnetik hilabete bateko (1) epean.

3. Laginketak kutsatzaile gehien sortzen den aldietan egingo dira beti.

4. Kontrol bakoitza baimenean jarritako baldintza guztiak betetzen dituela ulertuko da, D.1.2.3 ataleko parametro guztientzat ezarritako mugak betetzen badituzte.

   4. Zarataren kontrola.

   Jarduera garatzen den lursaileko kanpoko baldintza akustikoak hiru urtean behin kontrolatuko dira, batez ere zarata etxe barruetara sartzeko arriskurik handiena dagoen aldeetan. Kontroleko lehen urtean izandako emaitzen arabera erabakiko da aurrerantzean neurketak urtero egin ala ez.

   Sustatzaileak neurketen proposamen zehatz bat landu beharko du eta neurketa-metodo zehatzak adierazi bertan. Proposamen hori Ebazpen honetako E.7 atalean aipatzen den Ingurumena Zaintzeko Programako testu bateginarekin batera aurkeztuko da.

   5. Jardueraren adierazleak kontrolatzea.

   Sustatzaileak jardueraren gaineko ondorengo parametro adierazleen jarraipena egingo du urtero, ingurumenean duten eragina aztertzeko:

   Ingurumenaren gaia Enpresari eskatutako abiapuntuko datuak Unitatea Adierazlea Unitatea Maiztasuna

   Ekoizpena Ekoitzitako pvc kantitatea T Ekoitzitako pvc kantitatea T Urtero

   Materialen kontsumoa Monomero kantitatea (mcv) T Monomero kantitatea / tona produktu T (litroak, likidotarako) /t Urtero

   Energia-kontsumoa (energia-iturri mota bakoitzerako) Kwh Energia-kontsumoa (energia-iturri mota bakoitzerako) Kwh/t produktua Urtero

   Isurtze atmosferikoak Monomero-isurtzeak (gehienezkoa, gutxienekoa, batez bestekoa, laginketa-kopurua)/ parametro honen prozesu nagusiari lotutako foku kontrolatu bakoitzeko

   (parametro hau neurtu ezin den bitartean, berau kalkulatzeko isurtze barreiatuak hartuko ditu kontuan enpresak. Mg/nm3 Monomero-isurtzeak (mcv) Mg/nm3 Urtero

   Monomero-isurtzeak (mcv) G Monomero-isurtzeak (mcv)/pvc ekoizpena G/t Urtero

   Hauts-isurketak (gutxienekoa, gehienezkoa, batez bestekoa, lagin kopurua) / kontrolatutako foku bakoitzeko Mg/nm3 Hauts-isurketak (gutxienekoa, gehienezkoa, batez bestekoa, lagin kopurua) / kontrolatutako foku bakoitzeko Mg/nm3 Urtero

   Hauts-isurketen guztizkoa G Hauts-isurketen guztizkoa G. Urtero

   Hauts-isurketen guztizkoak/pvc ekoizpena G/t Urtero

   Ur kontsumoa Ur-kontsumoa m3 Ur-kontsumoa m3 Urtero

   Uretara egindako isurketak Industria-isuriak/helmuga m3 Industria-isuriak/helmuga m3 Urtero

   Euri-uren isuria/helmuga m3 Euri-uren isuria/helmuga m3 Urtero

   Isuritako gai arriskutsuak (kontzentrazioa) Isuritako gai arriskutsuak (kontzentrazioa) Urtero

   Monomero-isurketa (mcv) Mg/l Kontzentrazio-monomeroa (mcv) Mg/l Urtero

   Oek kontzentrazioa Mg/l Oek kontzentrazioa Mg/l Urtero

   Solidoen kontzentrazioa Mg/l Solidoen kontzentrazioa Mg/l Urtero

   Hondakinak

   Sortutako hondakin arriskutsuak Guzt. Sortutako hondakin arriskutsuak Guzt. Urtero

   Autokudeatutako hondakin arriskutsuak Guzt. Autokudeatutako hondakin arriskutsuak Guzt. Urtero

   Hondakin arriskutsu baliotuak T Hondakin arriskutsu baliotuak / sortutako hondakin arriskutsuak (araztegiko lohiak) % Urtero

   Mcvdun hondakin arriskutsuak > 1000 ppm T Mcvdun hondakin arriskutsuak/polimeroen ekoizpena guztira T/t Urtero

   Sortutako hondakin ez-arriskutsuak T Sortutako hondakin ez-arriskutsuak Guzt. Urtero

   Hondakin ez-arriskutsu baliotuak T Hondakin ez-arriskutsu baliotuak / sortutako hondakin ez-arriskutsuak % Urtero

   Lurzoruaren kutsadura Ustekabeko isurketekin lotutako gorabehera kopurua (ingurune hartzailea zehaztu: airea, ura, lurzorua) Kopurua/urte Ustekabeko isurketekin lotutako gorabehera kopurua Kopurua/urte Urtero

   Iks Ezarri eta egiaztatutako kudeaketa-sistemak (zehaztu) Bai/ez

   Zein/ urtea Ekoscan/ urtea

   Eta/edo

   Iso14001/ urtea

   Eta/edo

   Emas/ urtea Bai/ez

   Zein/ urtea Urtero

   6. Emaitzak kontrolatu eta bidaltzea.

   Ingurumena zaintzeko programa osatzen duten analisi eta txostenen emaitzak behar bezala erregistratuko dira, eta Ingurumen Sailburuordetzara bidaliko dira. Bidalketa urtero egingo da, martxoaren 30a baino lehen beti, eta ingurumena zaintzeko programako emaitzekin batera, txosten bat aurkeztuko da. Txosten horretan adieraziko dira neurri babesle eta zuzentzaileen funtzionamendua, baita prozesuak eta ingurunearen kalitatea kontrolatzeko sistemak ere. Emaitzen analisia ere adieraziko da, eta bereziki aipatuko dira aldi horretan gertatu diren gorabehera garrantzitsuenak, horien ustezko arrazoiak eta konponbideak, eta baita laginketen xehetasunak ere, aurretik zehaztu ez baldin badira.

   Isuritako uraren kalitatearen kontrolari buruzko emaitzak, gainera, hiru hilean behin bidaliko dira Uraren Euskal Agentziara (Gipuzkoako Ordezkaritza).

   7. Ingurumena Zaintzeko Programaren agiri bategina.

   Sustatzaileak ingurumena Zaintzeko Programaren agiri bategina landu beharko du, aurkeztu dituen agirietan eta Ebazpen honetan proposatutako betekizunak bilduz. Programa horrek hauek zehaztu beharko ditu: kontrolatu beharreko parametroak, parametro bakoitzerako erreferentzia-mailak, analisi edo neurketen maiztasuna, laginketak edo analisiak egiteko teknikak, eta laginak hartzeko guneen kokapen xehatua. Halaber, dagokion aurrekontua ere barne hartu beharko du.

   Era berean, ingurumena zaintzeko programak jardueraren adierazleak zehaztu eta adierazle horiek aztertzeko sistematika barruan izan beharko du, horien arabera enpresan bertan ingurumen-hobekuntza ziurtatzearren ezarritako neurri eta mekanismoen eraginkortasuna egiaztatu ahal izateko (ingurumen-adierazleak).

3. Ezohiko egoeretan kutsadurari aurrea hartzeko neurriak eta jardunerako baldintzak.

   1. Fabrika gelditzeko eta abiarazteko eragiketak eta mantentze-lanetarako programatutako eragiketak.

   Programatutako urteko mantentze-lanei dagokienez, botako diren kutsagarriak eta sortuko diren hondakinen balioespena egin beharko du enpresak, eta dagokionean, horiek kudeatzeko eta tratatzeko proposamena ere.

   2. Jarduera uztea.

   Jarduera lege hauen aplikazio-esparrukoa da: lurzorua ez kutsatzeko eta kutsatutakoa garbitzeko otsailaren 4ko 1/2005 Legea (24.16 epigrafea «Lehengai plastikoak (PVC) fabrikatzea»), eta kutsadura sor dezaketen jardueren zerrenda eta lurzoru kutsatuen adierazpenerako irizpide zein estandarrak ezartzen dituen urtarrilaren 14ko 9/2005 Errege Dekretua. Hori dela-eta, Arkema Química SA enpresak (Hernaniko fabrika) hasiera eman beharko dio lurzoruaren kalitatearen adierazpenerako prozedurari, gehienez ere bi hilabeteko epean, jarduera behin betiko uzten duenetik kontatzen hasita, otsailaren 4ko 1/2005 Legeak 17.4 artikuluan xedatutakoaren arabera.

   3. Ezohiko jardunean aplikatzeko neurriak eta jarduerak.

   Sustatzaileak hasieran aurkeztutako dokumentazioaren 7.1 atalean egindako proposamenean ez-ohiko egoeretan aplikatu beharreko prebentziozko neurriak eta jardunerako baldintzak zehazten dira. Horiez gain, ondorengo ataletan aipatzen diren baldintzak bete behar dira:

1. Prebentziozko mantentze-lanen eskuliburua eduki beharko da instalazioen egoera bermatzeko, batez ere ustekabeko isuri edo ihesak daudenean kutsadura ekiditeko eskuragarri dauden baliabideei eta ezarritako segurtasun-neurriei dagokienez. Ihesak daudenean lurzorua babesteko hartu beharreko neurriak zehaztuko dira, eta zehatz adieraziko da hauei dagokien guztia: eraikuntzako materialak (iragazgaiztea), biltegiratzeko neurri bereziak (gai arriskutsuak), egon daitezkeen ihesak antzemateko neurriak edo gainbetetzerako alarma-sistemak, lantegiko kolektore-sarea zaindu eta garbitzekoak (sistematikoki garbitzeko beharra, maiztasuna, garbiketa mota), eta lurzoruaren gaineko isuriak biltzeko sistemak.

2. Aurreko paragrafoan adierazitako eskuliburuak ikuskaritza eta kontrolerako programa jaso beharko du, hauek bilduko dituena: estankotasun-probak, mailen eta adierazleen egoera, balbulak, presioa arintzeko sistema, hormen egoera eta lodieren neurketa, andelen barnealdearen begi-bidezko ikuskaritzak (hormena eta estaldurena) eta kubetetako detekzio-sistemen aldizkako kontrol sistematikoa, zorua kutsa dezakeen edozein egoerari aurrea hartzeko.

3. Prebentziozko mantentze-lanen eskuliburu horretan kutsadura atmosferikoa prebenitzeko eta zuzentzeko sistemen (arazketa, minimizazioa, etab.) egoera ona bermatzeko neurriak jaso beharko dira.

4. Era berean, erregistro bat eduki behar da, eta bertan, aldizka egindako mantentze-lanen berri eman behar da, baita antzemandako gorabeherena ere.

5. Olioak, disolbatzaileak eta aerosolak, besteak beste, maneiatzeak lurzorua eta ura kutsa ditzake. Beraz, isuriak, jarioak edo ihesak gertatzeko arriskua izan dezaketen azalera guztiak irazgaiztuta egongo dira.

6. Prozesurako behar diren lehengaiak, erregaiak eta produktuak ingurunean ez sakabanatzeko moduan biltegiratuko dira.

7. Larrialdi-egoera sortzen denean, berehala eta eraginkortasunez jarduteko behar beste material eduki behar da: berriro ontziratzeko erreserbako edukiontziak, beharrezkoa izanez gero; gerta daitezkeen isuriei eusteko produktu xurgatzaile selektiboak, segurtasuneko edukiontziak, hesiak eta kaltetutako ingurunea isolatzeko seinaleztapen-elementuak eta babes pertsonalerako ekipamendu bereziak.

8. Ingurumen Sailburuordetzara bidaliko da kubetak husteko eragiketak kontrolatzeko protokolo edo agiri bidezko prozedura; eraginkortasunean eragin dezaketen produktuen jarioak ez dira tratamenduko instalaziora eramango.

9. Nabeen barruan zolak garbitzean sortutako ura tratamendu-lerrora bidaliko da.

10. Arazte-prozesuan pilatutako hondakin solidoak eta lohiak aldizka aterako dira instalazioa behar bezala ibil dadin. Behar izanez gero, gordailu iragazgaitzetan eta hondoan hustubiderik ez dutenetan gordeko dira.

11. Inoiz ez dira pilatuko euri-uren jariatzearen ondorioz ibilgu publikoko ura kutsatzeko arriskua egon daitekeen guneetan.

12. Larrialdi-egoeretan, babes zibileko legeriari helduko zaio, eta bertan ezarritako betekizun guzti-guztiak bete beharko dira.

13. Titularrak behar diren bitartekoak izango ditu arazketa-instalazioak zuzen ustiatzeko eta ustekabeko isurketak prebenitzeko hartu diren segurtasun-neurriak abian izateko.

14. Hondakin-ura ezingo da «by-pass« bidez isuri arazketa-instalazioetan.

16. Ingurunearen edo jardueraren kontrolaren gainean kalteak eragin ditzakeen gorabehera edo ez-ohiko gertaeraren baten aurrean (besteak beste ezusteko ihesak edo isurketak, edo isurketarako muga-balioak gainditzea), gorabehera edo ez-ohiko gertaera horren berri eman beharko dio Ingurumen Sailburuordetzari.

17. Gorabehera edo arazo larriren bat edo ustekabeko isuriren bat egonez gero, SOS Deiak eta Udalari ere jakinarazi beharko zaie berehala. Ondoren, eta gehienez ere 48 orduko epean, ezbeharrari buruzko txosten xehatua bidali beharko da Ingurumen Sailburuordetzara, eta bertan, datu hauek agertuko dira gutxienez:

    Gertakari mota.

    Gertakaria non, zergatik eta zein ordutan gertatu den.

    Iraupena.

    Ustekabeko isuria izanez gero, emaria eta isuritako gaiak.

    Mailak gainditu badira, isurtzeei buruzko datuak.

    Eragindako kalteen balioespena.

    Hartutako neurri zuzentzaileak.

    Berriro gerta ez dadin aurreikusitako neurriak.

    Prebentziozko neurriak eraginkortasunez aplikatzeko ezarritako epeak.

18. Instalazioek suteen aurkako babesari buruz indarrean dagoen araudian ezarritako betekizunak betetzen dituztela egiaztatu beharko da. Egiaztapen hori egiteko, Ingurumen Sailburuordetza honi aurkeztuko zaizkio eskumena duten erakundeek emandako egiaztagiriak.

4. Baldin eta arautegi berria indarrean sartzeak, edo barneratzen diren sistemen egitura eta funtzionamenduari buruzko ezagutza berri esanguratsuetara egokitu beharrak hori egitea gomendatzen badute, neurri babesle zein zuzentzaileak eta ingurumena zaintzeko programa aldarazi ahal izango dira, bai neurtu behar diren parametroen kasuan, bai neurketaren aldizkakotasuna eta aipatutako parametroek hartu behar duten tarteari dagozkion mugen kasuan. Era berean, neurri babesle zein zuzentzaileak eta ingurumena zaintzeko programa jardueraren sustatzaileak hala eskatuta, edo ofizioz, aldaraz daitezke, ingurumena zaintzeko programan lortutako emaitzetan oinarrituta.

5. Urtean behin Arkema Química SA enpresak (Hernaniko fabrika) Ingurumen Sailburuordetzari jakinaraziko dizkio atmosferara eta uretara egindako isurtzeei eta sortu dituen hondakinei buruzko datuak, E-PRTR-Euskadi, botatako eta eskualdatutako kutsagarrien Europako Inbentarioa landu eta eguneratzeko, apirilaren 20ko 508/2007 Errege Dekretuaren, E-PRTR Araudiko eta ingurumeneko baimen bateratuetako isurketen gaineko informazioa ematea arautzen duenari jarraituz.

   Informazio hori ekitaldi horren hurrengo martxoaren 31 baino lehen bidali beharko da. Informazioa Ingurumenari buruzko Adierazpenaren (IA) bidez gauzatuko da, hori baita kanpoko erakundeek eta Ingurumen eta Lurralde Antolamendu Sailak ingurumen-informazioa batak besteari elektronikoki emateko ardatza. Informazio-trukaketa horren funtsa Ingurumenari buruzko Adierazpenari (IA) dagozkion ingurumeneko datu teknikoak eta prozedurakoak sartzean datza, IKS-L03 Sistemako erakundeentzako bertsioaren bidez (www.eper-euskadi.net web orrian eskuragarri): Ingurumen eta Lurralde Antolamendu Saileko Ingurumen-informazioa Kudeatzeko Sistema. Datu horiek guztiek Ingurumenean Eragina duten Jardueren Euskal Autonomia Erkidegoko Erregistroa osatuko dute, Europako Ingurumen Agentziaren Erregistrora (Europako E-PRTR Erregistroa) egiten diren informazio-bidalketen oinarri dena.

   Halaber, Ebazpen honetan aurreikusitako gainerako informazio-trukeak aipatutako Ingurumenari buruzko Adierazpenaren bidez gauzatuko dira, ahal izanez gero.

   Informazio hori agerikoa izango da, uztailaren 18ko 27/2006 Legearen xedapenekin bat etorriz. Lege horren bidez informazioa eskuragarri izateko, herritarren partaidetzarako eta ingurumen-gaietan justizia eskura izateko eskubideak arautzen dira (2003/4/EE eta 2003/2005/EE Zuzentarauak jasotzen ditu). Horrez gain, uneoro bermatu beharko da datu pertsonalak babesteko abenduaren 13ko 15/1999 Lege Organikoan ezarritakoa betetzen dela.

6. 2007ko apirilaren 21eko 509/2007 Errege Dekretuaren 4. artikuluko 3. idatz-zatiari jarraituz, instalazioaren titularrek agintaritzari jakinarazi beharko diote instalazio horietan erabiltzen eta ekoizten diren substantziek, 1907/2006 EE araudian erregistratu eta ebaluatzeko aurreikusitako prozesuan identifikatu direnak, giza osasunerako eta ingurumenerako izan dezaketen arriskua.

7. Ingurumeneko baimen bateratu honen eraginpeko instalazioan egindako aldaketek bat etorri beharko dute kutsaduraren prebentzio eta kontrol integratuari buruzko uztailaren 1eko 16/2002 Legeak 10.3 artikuluan ezarritako komunikazio-erregimenarekin. Hori horrela, ingurumeneko beste baimen bateratu bat beharko da aldaketak funtsezkoak direnean.

   Hirugarrena. Ebazpen hau eraginkorra izan dadin, aurretik Ingurumen Sailburuordetzari agiri bidez egiaztatu beharko zaio Ebazpen honetako bigarren ataleko puntu hauetan ezarritako baldintzak betetzen direla: B.1.3.1.h eta B.1.3.2.d (Hondakin arriskutsuak eta ez-arriskutsuak onartzeko agiria); B.1.3.1.p, q. eta B.1.3.2.f (Sortutako hondakin arriskutsuak eta ez-arriskutsuak kontrolatzeko eta dosifikazio- eta tratamendu-eragiketak kontrolatzeko erregistro-eredua), C.1.a, C.1.c eta C.1.d (Atmosferara egiten diren isurtzeen neurketak), C.1.1 (Atmosferara egiten diren isurtzeen neurketak kontrolatzeko erregistro-eredua); C.2 (Atmosferara egiten diren inmisioen kontrola), C.4 (Zarata kontrolatzeko proposamena); C.7 (Ingurumena zaintzeko programaren agiri bategina), D.1 (Isurketa eta hondakinen sorreraren zenbatespena geldialdi programatutan); D.3.a. (Mantentze-lan prebentiboen eskuliburua), D.3.b (Ikuskapen- eta kontrol-programa); D.3.g (Kubetak husteko protokoloa), D.3.p (Suteen kontrako babesaren araudia betetzen dela ziurtatzen duen agiria).

   Goiko baldintza horiek guztiak betetzeko 6 hilabeteko epea ezarri da, ingurumeneko baimen bateratua eraginkorra dela adierazteko Ingurumen Sailburuordetzak emandako Ebazpen hau jakinarazten den biharamunetik kontatzen hasita.

   Adierazitako baldintzak betetzen direla ziurtatzean, ebazpena emango da eta, horren bitartez, ingurumeneko baimen bateratua eraginkortzat aitortuko da.

   Laugarrena. Ingurumeneko baimen bateratu hau 8 urteko epean egongo da indarrean, aurreko atalean ezarritakoaren arabera ondorioak dauzkan egunetik kontatzen hasita. Epe hori igarota, baimena berritu egin beharko da eta, hala badagokio, jarraian datozen aldietarako eguneratu.

   Ingurumeneko baimen bateratua amaitu baino hamar hilabete lehenago, titularrak baimena berritzeko eskaera egin beharko du, uztailaren 1eko 16/2002 Legearen 25. artikuluan xedatutakoa betez.

   Bostagarrena. Edonola ere, ingurumeneko baimen bateratua ofizioz aldatu ahal izango da uztailaren 1eko 16/2002 Legearen 26. artikuluan ezarritako kasuak aintzat hartuta.

   Seigarrena. Arkema Química SA enpresak (Hernaniko fabrika) Ebazpen honen xede den binil polikloruroa (PVC) fabrikatzeko instalazioan titulartasun-aldaketarik eginez gero, aldaketa hori Ingurumen Sailburuordetzan jakinarazi beharko du, horrek onar dezan.

   Zazpigarrena. Baimen honek balioa galduko du kausa hauek gertatzen direnean:

   Epearen barruan ez egiaztatzea Ebazpen honetako hirugarren atalean ingurumeneko baimen bateratuak ondorioak izan ditzan ezarritako baldintzak betetzen direla, interesdunak behar bezala justifikatuz epea luzatzeko eskatzen ez badu.

   Arkema Química SA enpresaren (Hernaniko fabrika) nortasun juridikoa bukatzea, indarrean dagoen araudian ezarritako kasuetan.

   Baimena indarrean jartzen dela adierazten duen ebazpenean xedatutakoak.

   Zortzigarrena. Ebazpen honen edukia jakinaraztea Arkema Química SA enpresari (Hernaniko fabrika), Hernaniko Udalari, ingurumeneko baimen bateratua emateko prozeduran parte hartu duten erakundeei, eta gainerako interesdunei.

   Bederatzigarrena. Ebazpen hau Euskal Herriko Agintaritzaren Aldizkarian argitaratzeko agintzea.

   Hamargarrena. Ebazpen honek ez du agortzen administrazio-bidea; horrenbestez, interesdunek gora jotzeko errekurtsoa aurkez diezaiokete Ingurumen eta Lurralde Antolamendu sailburuari, hilabeteko epean, Ebazpen hau jakinarazi eta hurrengo egunean kontatzen hasita, hori guztia Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 114. artikuluarekin eta ondorengoekin bat etorriz (urtarrilaren 13ko 4/1999 Legeak aldatu zuen lege hori).

   Vitoria-Gasteiz, 2008ko apirilaren 25a.

   Ingurumeneko sailburuordea,

   IBON GALARRAGA GALLASTEGUI