Praktiken iraupena eta ematea

Bela-nabigazioko arauzko praktikak modu independentean edo segurtasuneko eta nabigazioko oinarrizko erregelamenduzko praktikekin batera egin ahal izango dira. Modu independentean egiten badira, bidaia-erregimenean egingo dira, eta gutxienez 16 orduko iraupena izango dute. Segurtasuneko eta nabigazioko oinarrizko araudi-praktikekin batera egiten badira, III. eranskinean zehaztutakoaren arabera egingo dira. Nolanahi ere, eranskin honetako 5. paragrafoan ezarritako denboraren antolaketa errespetatu beharko da.

Praktika horiek behin bakarrik egingo dira yateko kapitainaren, yateko patroiaren, laketontzietako patroiaren eta oinarrizko nabigazioko patroiaren tituluetako edozeinetarako, 875/2014 Errege Dekretuaren V. eranskinean ezarritako programaren arabera.