- Esku-hartzeak azpiegituraren segurtasuna, egonkortasuna eta funtzionaltasuna bermatuko ditu, klima-aldaketaren erronkei egokituta
Eusko Jaurlaritzako Elikadura, Landa Garapena, Nekazaritza eta Arrantza Sailak otsailean hasiko ditu Getariako portuko barruko arrantza-darsenako kaien konponketa eta indartzeko lanak. Inbertsio osoa 1.514.166,58 eurokoa da, eta lanen exekuzio-epea 12 hilabetekoa izatea aurreikusten da.
Azpiegitura historiko hau mendeetan zehar Getariako portu eta arrantza-jardueraren eta Gipuzkoako kostaldearen zati handi baten ardatza izan da. Nahiz eta jarduera gehienak kanpoko darsenara eraman diren, barruko darsena garrantzizko espazioa izaten jarraitzen du, itsasontzi txikientzat, mantentze-lanak, hornikuntza eta egonaldiko operazioak egiteko.
2020ean egindako ikuskapenak kaien kaltetze egoera aurreratua antzematu zuen, eta horrek obra-proiektu bat idaztea eragin zuen, konponketa eta indartzea egiteko.
Proiektuak honakoak barne hartzen ditu: kaien oinarriak urpeko hormigoiz indartzea, fondoan finkapena eta horma bertikalean lotzea, eta hormaren berregoketa, zirrikituak konpondu eta dauden hutsuneetan harlandua berritu.
Azterlanak itsas mailaren aurreikusitako igoera baloratu du, klima-aldaketaren ondorioz, eta egiaztatu du gaur egun duen goragune-kota egokia dela azpiegituraren segurtasuna eta funtzionaltasuna bermatzeko bere bizitza erabilgarri osoan.
“Lanak gure konpromisoa indartzen du portu seguru eta jasangarriak bermatzeko, jarduera ekonomiko tradizionalarekin eta klima-aldaketak dakartzan erronkeekin bateragarria dena. Aldi berean, portuaren eta Getariako udalerriaren arteko harremana sendotzen du” nabarmendu du Amaia Barredo sailburuak.
Esku-hartze hau Euskadiko Autonomia Erkidegoko portuen indartze eta egokitze-lanen multzoan kokatzen da, Ondarroako, Bermeoko, Orioko, Zumaiako eta Hondarribiko dikeak modernizatu ondoren.
Helburua portu-azpiegitura seguru, jasangarri eta lehiakorrak eskaintzea da, arrantza-jarduera babestuz eta portua udalerriko bizitza urbanoarekin eta ekonomikoarekin integratzen lagunduz.
Informazio gehiago Irekia atarian (Leiho berrian irekiko da)