TEKgunea. Working days-egunak
Release 3.7 In Progress

"Adimen Artifiziala Administrazio publikoan"

Joan den abenduaren 8an, Europar Batasunak mugarri historikoa ezarri zuen, Adimen Artifizialari (AA) buruzko lehen araudi globala adostu baitzuen. Legegintza-prozesu hori ez da oraindik amaitu, baina dagoeneko mugarri bat marrazten du teknologia hori erabiltzeko orduan.

Araudi hori aitzindaria da munduan, hala ere ez da espero erabat inplementatuko denik 2026. urtearen amaierara arte, baina bide bat marrazten digu Europako herritarrek erabiltzen dituzten AAak seguruak izan daitezen eta Europar Batasunaren oinarrizko eskubideak eta balioak errespeta ditzaten bermatzeko.

Asko dira akordio honek plazaratu dizkigun galderak. Horrek guztiak Euskal Autonomia Erkidegoko eta Nafarroako gure administrazio publikoetan izango duen irismena eta inplikazioak ulertzeko, gu guztion topagunea den TEKgunearen esparrua baliatu nahi dugu egoera berri hori hainbat ikuspuntutatik aztertzeko.

Tokia: Euskalduna Jauregia (Bilbao)   [OD aretoa]

Noiz: 2024ko urtarrilaren 17an (asteazkena)

> Jardunaldirako online sarbidea <  

Hona hemen gai-zerrenda:

08:30 Harrera eta akreditazioa

09:30 Jardunaldiaren hasiera. Olatz Garamendi Landa (Gobernantza Publiko eta Autogobernuko sailburua)

09:45 Javier Viaña. "XAI - Adimen Artifizial Esplikagarria. Adimen Artifizialaren ikuspegi etikoa Administrazio Publikoarentzat"

10:15 Álex Rayón. "Adimen Artifiziala praktikan"

10:45 Jordi Escalé. "Adimen Artifiziala Sortzailea: Aukerak, Potentziala eta Arriskuak Administrazio Publikoentzat"

11:15 ---Coffee Break---

11:45 Peru Sasia. "Herri-administrazioan Adimen Artifiziala aurreratua erabiltzeko erronka etikoak"

12:10 Iñaki Pariente. "Adimen Artifizialaren arautzea Europan: negoziazioaren azken aurrerapenak eta Erregelamenduaren eduki nagusiak"

12:30 Laura Marrón. "Adimen artifizialaren kode etikoa" eta mahai-ingurua

12:50 "Euskal startup-ak eta Adimen Artifiziala" mahai-ingurua, Adimen Artifizialaren arloko esperientziak:

Leire Legarreta - CEO. We are clickers
Maider Alberich - CTO eta Co-founder. Naru Intelligence
Mariate Linaza - Vicomtech Sustapen eta Garapen Instituzionaleko zuzendaria

13:55 Donibane NETartistak egindako agurra eta itxiera artistikoa

14:00 Jardunaldiaren amaiera

Jardunaldian beraien ezagutza partekatuko duten pertsonen erreferentziak:

Olatz Garamendi Landa (Gobernantza Publiko eta Autogobernuko sailburua)

Javier Viaña Pérez. "XAI - Adimen Artifizial Esplikagarria. Euskal startup-ak AA mahai-ingurua, AAren arloko esperientziak"

Astrofisikari aplikatutako AAko doktoratu ondoko ikertzailea MITen. Ingeniaritza Aeroespazialari aplikatutako Adimen Artifizial Esplikagarriko doktoregoa lortu zuen Cincinnatiko Unibertsitatean. Halaber, AAren erabilera etikoan zentratzen diren bi enpresaren sortzailea da: Rezon.ai eta Nitid.ai. Lau liburu argitaratu ditu, 30 artikulu baino gehiago bikoteka berrikusiak, jabetza intelektualeko hainbat erregistro eta lau patente, eta hainbat sari jaso ditu, hala nola Forbes 30 Under 30 Saria Zientzietan, "La Caixa" Beka, Botton Beka eta John Leland Atwood Saria Aeronautika eta Astronautikako Institutu Amerikarraren eskutik. Forbesek AAn eragin handiena duen pertsonatzat aitortzeak eragin handia izan du prentsan, euskaldun unibertsal gisa.

Laura Marrón Merino. "Adimen Artifizialaren kode etikoa" eta "Adimen Artifiziala eta euskal enpresak" mahai-ingurua.

Zuzendari Nagusia - BAIC Adimen Artifizialeko Euskal Zentroa. Telekomunikazioetako eta MBAko ingeniaria, 14 urteko esperientzia duena sektore elektrikoan. Adimen artifiziala bereganatzeko etikan eta gizarte-erantzukizunean aditua, guztientzat erraza eta eskuragarria bihurtuz. Euskadi eta gure industria AAn erreferente teknologiko gisa kokatzen dituen ekosistema garatzen du.

Alex Rayón Jerez. "Adimen Artifiziala praktikan"

Brain & Code CEO. Informatika eta Telekomunikazioetan doktorea, programazioaren eta adimen artifizialaren arloko irakasle, aholkulari eta garatzailea izan da azken hamabost urteetan. ETEetan eta enpresa handietan eraldaketa digitaleko soluzioak ezartzeko proiektuak zuzendu ditu. Newsletter digitaldata.substack.com-en editorea ere bada.

Leire Legarreta Antuñano. "Euskal startup-ak eta Adimen Artifiziala" mahai-ingurua, Adimen Artifizialaren arloko esperientziak.

CEO. We are clickers. Matematikan lizentziaduna, 20 urte baino gehiagoko esperientzia du AAko soluzioak garatzen gure herrialdeko enpresa garrantzitsuenetako batzuentzat. Horrelako konponbideak garatzen lan egin du aholkularitzan, bankan, marketinean eta unibertsitatean.

Jordi Escalé Castelló. "Adimen Artifiziala Sortzailea: Aukerak, Potentziala eta Arriskuak Administrazio Publikoentzat"

Iberiako Programa Exekutiboetako lehendakariordea Gartnerren. 20 urte baino gehiagoko esperientzia du informazioaren teknologiaren sektorean, eta espezializatuta dago aro digitalaren erronkei eta aukerei aurre egiten, Gartnerren ikerketa eta jardunbide onenak aprobetxatuz.

Maider Alberich Inchausti. "Euskal startup-ak eta Adimen Aartifiziala" mahai-ingurua, Adimen Artifizialaren arloko esperientziak

CTO eta Co-founder. Naru Intelligence. Osasunari aplikatutako adimen artifizialeko espezialista. Data Mining, Bioinformatika eta Cloud Computing sistemetan espezializatutako ikertzailea. Minbizia eta gaixotasun kronikoak dituzten pazienteentzako zerbitzu medikoak hobetzen espezializatua.

Peru Sasía Santos. "Herri-administrazioan Adimen Artifiziala aurreratua erabiltzeko erronka etikoak"

Deustuko Unibertsitatea. Etika Zibikoko irakaslea eta Deustuko Unibertsitateko profesionala, Gizarte eta Giza Zientzien Fakultateko dekanordea da. Kimika Zientzietan doktorea Euskal Herriko Unibertsitatean.

Mariate Linaza Saldaña. "Euskal startup-ak eta Adimen Artifiziala" mahai-ingurua, Adimen Artifizialaren arloko esperientziak

Vicomtech Sustapen eta Garapen Instituzionaleko zuzendaria. Industria Ingeniaria, Nafarroako Unibertsitatean. Bere jarduera profesionala adimen artifizialean espezializatutako Vicomtech zentroan garatzen du.

Iñaki Pariente. "Adimen Artifizialaren arautzea Europan: negoziazioaren azken aurrerapenak eta Erregelamenduaren eduki nagusiak"

Dayntic Legal bazkide sortzailea. Zuzenbide Digitalean, Datu Pertsonalen Babesean eta Informazioaren Segurtasunean aditua. Datuak Babesteko Euskal Bulegoko zuzendaria izan da, eta, gaur egun, Deustuko Unibertsitateko irakaslea da zuzenbide digitalaren, teknologia berrien eta datu pertsonalen arloan. Eusko Jaurlaritzako Araubide Juridikoaren zuzendaria, Eusko Jaurlaritzako Fundazioen zuzendaria eta jurisdikzio zibileko eta zigor-arloko magistratua ere izan da.

> Izena emateko epea zabalik <