Joan den ostiralean balio publikoaren ko-sorkuntzako 2016ko ELKARLAN sarien hiru irabazleak ezagutu genituen EHAA­-Euskal Herriko Agintaritzaren Aldizkariaren bitartez. Sarien bigarren edizio honetara guztira 49 proiektu aurkeztu dira.

Aurtengo saridunak hauek izan dira:

• Asociación de vecinos Larrantxe del Casco Viejo de Portugalete/Portugalete Zaharrako Larrantxe auzo Elkartearen "Merkatua" proiektua (PDF 2,7 MB)
• Asociación apoyo a Goiener. Goiener Elkartearen "Goiener" proiektua (PDF 1,1 MB)
• Reas Euskadi-Ekonomia Alternatibo eta Solidarioaren Sarearen "Merkatu soziala, bestelako ekonomia bizi hobe baterako" proiektua (PDF 1,7 MB)

Saritutako hiru proiektuetako bakoitzak jasoko ditu 6.000 euro, proiektua ebaluatu, hobetu eta perfekzionatzeko urtebeteko aholkularitza eta ekimenaren berri emateko jarduerak. Irekiak argitaratutako albiste honetan saritutako proiektu bakoitzaren deskribapena irakur daiteke.

Aukera honetaz baliatuta, eskerrak eman nahi dizkiegu elkarte hauei Elkarlan sarien bigarren edizioan parte hartzeagatik eta, nola ez, saritutako proiektuetako partaideei zoriontzeko bihotz bihotzez.

ZORIONAK!!