Egitekoa

— Partzuergoaren azpiegitura kritikoen sare informatikoko sistema elektronikoak ustiatzeko prozesuak gainbegiratzea eta koordinatzea, eta datu-sarea osatzen duten elementuetan, switchetan, routerretan eta bestelako elementu eta aplikazio informatikoetan egindako jardueren jarraipena eta kontrola egitea, hierarkian gorago dagoenaren jarraibideen arabera.

— CPD, eraikin, azpiegitura eta kokalekuen artean datuak komunikatzeko jarduerek behar bezala funtzionatzeaz arduratzen da, bai tokiko datu-sarekoak, bai hedatukoak.

Lanpostuaren eginkizunak

1. Komunikazio-ekipoak eta horiek kudeatzeko eta kontrolatzeko sistema informatikoak behar bezala ustiatzeaz eta segurtatzeaz arduratzea.

2. Komunikazio-sistemak ustiatzeko plangintza egitea eta eguneratzea, tresna egokiekin, eta eraginkortasunez eta puntualki betetzen direla zaintzea.

3. Bere ardurapeko komunikazio-operadoreen lanak gainbegiratzea eta koordinatzea: zereginak antolatzea, lehentasunak ezartzea.

4. Barneko eta kanpoko datuen eguneroko trukea antolatzea eta kontrolatzea.

5. Datu-sareko elementu aktiboetan softwarea eguneratzeko eta instalatzeko jarduerak koordinatzea eta/edo egitea.

6. Kanpoko enpresek egiten dituzten makinen, instalazio osagarrien eta oinarrizko softwarearen mantentze-lanak kontrolatzea, adostutako zerbitzu-mailak eta datu-sarearen elektronikarekin lotutako kalitate-sistemaren prozedurak betetzen direla ziurtatuz.

7. Hardwarearen eta softwarearen inbentarioa eguneratuta edukitzea, datu-sarearen elektronikarekin lotuta, bai eta matxuren eta gorabeheren historia ere, Partzuergoaren kalitate- eta etengabeko hobekuntza-sistemaren euskarri diren prozedura normalizatuei jarraituz.

8. Gertatutako edo antzemandako gorabeherak konpontzeko prozesu normalizatuak erregistratzea, koordinatzea eta/edo gauzatzea, betiere gorabeheren planean eta kalitatea ziurtatzeko planean aurreikusitakoaren arabera, datu-sarearen elektronikarekin lotuta.

9. Bere lanbide-taldeari dagozkion gainerakoak.

Telekomunikazioetako Ingeniaritza Teknikoa edo Industria Ingeniaritza Teknikoa, Elektronika Industrialeko espezialitatea

Txanda askea: Plaza bat, 2. hizkuntza eskakizunarekin (derrigorrezkoa).

a) Europar Batasuneko edozein estatu kidetako nazionalitatea izatea edo, bestela, Europar Batasunak sinatutako eta Estatu Espainolak berretsitako nazioarteko itunen arabera, langileen joan etorri askea aplikatzekoa zaion estatu bateko nazionalitatea izatea.

Era berean, Europar Batasuneko estatu kideetako nazionalen ezkontideek ere parte hartu ahal izango dute, betiere zuzenbidez banatuta ez badaude. Horrez gain, euren ondorengoek eta euren ezkontideen ondorengoek ere parte hartu ahal izango dute, betiere ezkontideak zuzenbidez banatuta ez badaude, ondorengoak hogeita bat (21) urtetik beherakoak badira edo ondorengoak beren lepotik bizi eta 21 urtetik gorakoak badira.

Halaber, aurreko paragrafoetan aipatu ez diren atzerritarrek ere parte hartu ahal izango dute, betiere legezko egoitza Espainiako Estatuan baldin badute.

b) Deitutako plazari esleitutako zereginak betetzeko gaitasun funtzionala izatea. Gaitasun hori bere garaian egiaztatu beharko da agiri bidez, lan kontratua sinatu aurretik epaimahaiak onartutako izangaiei zenbait proba eta osasun azterketa egin ondoren. Osasun azterketa hori Bilbao Bizkaia Ur Partzuergoak adierazitako zerbitzuetan egingo da.

Hautaketa prozesuak dirauen bitartean, epaimahaiari beharrezkoa iruditzen bazaio, Bilbao Bizkaia Ur Partzuergoari eskatu ahal izango dio elbarrientzako txandan lehiatzen diren izangaiei probak eta osasun azterketak egiteko. Horrela, bada, deialdiko lanpostuetan egin ohi diren jarduerak betetzeko gai diren egiaztatu ahal izango da, hautaketa prozesua amaitu arte itxaron beharrean.

c) 16 urte izan beharko dituzte eta ezin izango dute erretiratzeko arauzko adin arrunta eduki (65 urte). Txanda itxiko (txandaka) plazetarako deialdietan, beharrezkoa izango da 18 urte beteta izatea, Langileen Estatutuaren 6.2. artikuluarekin bat etorriz.

d) Kasuan kasuko plazarako eskatutako titulazioa edukitzea edo titulua jasotzeko eskubideak ordainduta izatea. Atzerriko titulazioen kasuan, homologazioa ziurtatzen duen agiria eduki beharko da. Goi mailako unibertsitate titulazioa betekizun gisa dauzkaten deialdien kasuan (lizentziatura, arkitektura edo ingeniaritza), gradu titulazioa izateak, urriaren 29ko 1393/2007 Errege Dekretuaren 9. eta 10. artikuluetan araututako unibertsitate masterrarekin, kasu bakoitzean kasuan kasuko plazarako legedi aplikagarriak ezarritako titulazioarekin baliokidetasuna izango du. Erdi mailako unibertsitate titulazioa betekizun gisa dauzkaten deialdien kasuan (unibertsitate diplomatura, arkitektura teknikoa edo ingeniaritza teknikoa), urriaren 29ko 1393/2007 Errege Dekretuaren 9. artikuluetan araututako gradu titulua izateak kasu bakoitzean kasuan kasuko plazarako legedi aplikagarriak ezarritako titulazioarekin baliokidetasuna izango du. Hartara, Goi mailako Hezkuntzarako Kualifikazioen Espainiako Esparru (GMHKEE) eta Kualifikazioen Europako Esparru (KEE) barruan ezarritako baliokidetasun mailak erabiliko dira.

e) Diziplina espediente bidez inolako Administrazio Publikoren zerbitzuetatik edo Autonomia Erkidegoetako organo konstituzional edo estatutarioetatik baztertuta ez egotea, ezta ebazpen judizial bidez lan edo kargu publikoetarako desgaikuntza absolutua edo berezia izatea ere, antzeko zereginak betetzeko aldendu edo desgaitu egin badute.

Atzerritarra izanez gero, desgaituta edo antzeko egoeran ez egotea, eta bere Estatuan lan publikoa antzeko egoeran lortzea eragotziko liokeen diziplina zigorra edo parekoa ez izatea.

f) Ezin izango dira ezintasunagatiko edo bateraezintasunagatiko legezko auziren baten menpe egon, administrazio publikoen zerbitzura dauden langileen bateraezintasunei buruzko indarreko arautegian ezarritakoa kontuan hartuta. Hala ere, ez du inolako eraginik izango arautegiak berak aukeratzeko emandako eskubidean.

g) Kasuan kasuko eranskinetan hautaketa prozesu bakoitzerako zehaztutako gainerako beste betekizun guztiak bete beharko dituzte.

h) Minusbaliotasuna duten pertsonei gordetako plazetara aurkezten direnek izaera hori onarturik izan beharko dute, betiere %33koa edo hortik gorakoa izango den ezgaitasun mailarekin; izaera hori Administrazioaren organo eskudunak onartu beharko du (foru aldundien organo eskuduna, IMSERSO, edo baliokidea).

B gidabaimena

a) Eskaera telematikoak eredu ofizialean aurkeztu beharko dira; eredu hori www.consorciodeaguas.eus webgunearen bidez eskuratu ahalko da. Eskaerok helbide elektroniko horretan ezarritako prozedura elektronikoaren bidez aurkeztu beharko dira. Eskabidearekin batera eskaneatutako Nortasun Agiri Nazionala (NAN) edo baliokidea (atzerritarra izanez gero) aurkeztu beharko da. Alegatutako baldintzak eta merituak betetzen direla adierazteko, zerrenda eta identifikazio bat egin beharko dira hautaketa prozesuan parte hartzeko eskatzen den eskaera orrian. Gauzak horrela, eskaerarekin batera ez da aurkeztu behar baldintza eta meritu horien egiaztagiririk; izan ere, partaidetza baldintzak nahiz alegatutako merituak egiaztatu beharko dira horretarako eskatuak izan diren unean, betiere oinarrietan ezarritakoaren arabera.

Halaber, hala nahi dutenentzat, Partzuergoak erregistro bulego osagarria prestatuko du, Albia II eraikinean kokatuko dena; bertan, hala nahiago duten pertsonen esku jarriko dira ordenagailuak eta eskaera betetzeko beharrezko bestelako baliabide teknikoak, eta interesdunei aholkuak eta laguntza emango zaie eskaera zuzen eta egoki bete dezaten.

b) Aukera gisa, eskaera paperean aurkeztu nahi duten izangaiei zuzenduta, oinarri hauei eskaera eredu bat erantsi zaie; eredu hori oinarri hauetan ezarritakoaren arabera bete eta 4.3. atalean adierazitako tokietan aurkeztu beharko da.

c) Eskaeraren atal guztiak bete beharko dira. Eskatutako baldintza guzti-guztiak betetzen dituztela adierazi beharko dute, eskariak aurkezteko epearen amaiera eguna kontuan hartuta beti.

Horretarako, eskabidearen dagokion atalean, izangaiek hauxe adierazi beharko dute:

— Eskatutako datu pertsonalak.

— Zein deialditan parte hartu nahi duen.

— Zein txandatan parte hartu nahi duen: txanda askean (a) edo minusbaliotasunen bat duten pertsonentzako txandan (b), betiere deialdian ezarritakoari jarraiki. Izangaiek txanda bakarrean parte hartu ahalko dute deialdi bakoitzeko, 1.2. oinarritan ezarritakoari kalterik egin gabe.

— Elbarritasunak dituzten pertsonek adierazi egin beharko dute hori eskabidean, baita proba egiteko beraien ustez zein egokitzapen tekniko behar dituzten ere.

— Ariketak zein hizkuntza ofizialetan egin nahi dituzten, euskaraz edo gaztelaniaz. Edonola ere, gaitasun psikologikoak ebaluatzeko probak jatorrian diseinatu diren hizkuntzan egingo dira.

— Parte hartzeko betekizun gisa zein titulazio aurkezten duten.

— Euskarazko hizkuntza eskakizun ziurtatua.

— Lehiaketa faserako alegatu diren merituak: 11. oinarrian aurreikusitakoaren arabera zehaztu beharko dira. Meritu horiek geroago egiaztatu beharko dira, 11. oinarrian ezarritako forman eta epean. Parte hartzeko eskabidean alegatutako merituak baino ez dira baloratuko.

Aurkezteko tokia:

Eskabideak modu telematikoan aurkeztuko dira www.consorciodeaguas.eus webgunearen bidez.

Aukera gisa, paperezko formatua erabiliz gero, eskabideak modu presentzialean aurkeztu ahalko dira Administrazio Publikoen Administrazio Prozedura Erkidearen urriaren 1eko 39/2015 Legearen 16.4. artikuluak ezarritakoari jarraikiz, helbide honetan: Bilbao Bizkaia Ur Partzuergoa, Done Bikendi kalea 8, Albia II, beheko solairua, 48001-Bilbao.

OINARRIAK (PDF, 2 MB)

A) Jakintza orokorren gai-zerrenda

1. gaia: Uraren Esparru Zuzentaraua (2000/60/EE). 91/271/EE Zuzentaraua. 1/2001 Legegintzako Errege Dekretua, uztailaren 20koa, Uren Legearen Testu Bategina onesten duena. 1/2006 Legea, ekainaren 23koa, Euskal Autonomia Erkidegoko Urei buruzkoa.

2. gaia: 40/2015 Legea, urriaren 1ekoa, Sektore Publikoko Araubide Juridikoari buruzkoa.

3. gaia: 39/2015 Legea, urriaren 1ekoa, Administrazio Publikoen Administrazio Prozedura

Erkidearena.

4. gaia: 10/1982 Legea, azaroaren 24koa, Euskararen erabileraren normalizazioari buruzko oinarrizkoa.

5. gaia: 2/2016 Legea, apirilaren 7koa, Euskadiko Toki Erakundeei buruzkoa.

6. gaia: 5/2015 Legegintzako Errege Dekretua, urriaren 30ekoa, Langile Publikoaren Oinarrizko Estatutuari buruzko Legearen testu bategina onetsi duena.

7. gaia: Generoaren arloko politikak: 3/2007 Lege Organikoa, martxoaren 22koa, Emakumeen eta gizonen berdintasun eragingarrirakoa. Eusko Legebiltzarraren 4/2005 Legea, otsailaren 18koa, Emakumeen eta gizonen arteko berdintasunerakoa.

8. gaia: Bilbao Bizkaia Ur Partzuergoaren Estatutuak eta osatzen duten erakundeak.

9. gaia: Bilbao Bizkaia Ur Partzuergoaren ur hornikuntzako zerbitzua arautzen duen Ordenantza. Bilbao-Bizkaia Ur Partzuergoaren saneamendu eta arazketa zerbitzua arautzen duen Ordenantza.

10. gaia: Laneko arriskuen prebentzioa 31/1995 Legea, azaroaren 8koa, Laneko Arriskuen Prebentzioari buruzkoa eta 39/1997 Errege Dekretuak onartutako Prebentzio Zerbitzuen Erregelamendua.

11. gaia: 9/2017 Legea, azaroaren 8koa, Sektore Publikoko Kontratuei buruzkoa. Otsailaren 4ko 3/2020 Errege Lege Dekretua.

12. gaia: 3/2018 Lege Organikoa, abenduaren 5ekoa, Datu Pertsonalak Babesteari eta eskubide digitalak bermatzeari buruzkoa. Europako Parlamentuaren eta Kontseiluaren 2016ko apirilaren 27ko 2016/679 (EB) Erregelamendua, datu pertsonalen tratamenduari dagokionez pertsona fisikoen babesari eta datu horien zirkulazio askeari buruzko arauak ezartzen dituena.

13. gaia: Ingurumen Kudeaketako Sistema: Kontzeptuak. Ingurumen Kudeaketako Sistemaren betekizun nabarmenak. Ingurumen Kudeaketako Sistema mantentzea. Ziurtagiriak.

14. gaia: Kalitatearen Kudeaketa Sistema: Kontzeptuak. Ohiko dokumentazioa kalitatea kudeatzeko sistemetan. Kalitatearen Kudeaketa Sistema mantentzea. Ziurtagiriak.

15. gaia: Ofimatika: Word, Excel eta Access.

B) Gai berezien gai-zerrenda

1. gaia: TCP/IP sareak. TCP/IP sarearen eredua. 3. geruzaren zehaztapenak. Azpisareak eta IPv4 helbideratze-beharrak. IPv4 helbideratzea diseinatzeko funtsezko kontsiderazioak. IPv4 sare-motak eta ezaugarriak.

2. gaia: IP bideratzea: ibilbide estatikoak eta konektatuak. IP bideratze-prozesua. Ibilbide konektatuak eta ibilbide estatikoak. Routing estatiko mota hautatzeko gogoetak.

3. gaia: Network Address Translation. NAT kontzeptuak. NAT motak. Mota bakoitzaren ezaugarriak.

4. gaia: Geruza fisikoa eta TCP/IP datuen lotura LAN sareetan. 802.3 estandarrak. Ethernet erabiltzen da gehien egungo LAN sareetan. UTP kableatua (datuen transmisioa, Ethernet esteka, 10/100/1000BASE-T kablea. Zuntz optikoa (datu-transmisioa, F.O erabiltzea Ethernet sareetan). Datuak lotzeko geruza.

5. gaia: Switchinga LAN Ethernet sareetan. Switchen funtzionamendua. Bilbe motak. MAC helbideak. Ciscoren oinarrizko komandoak.

6. gaia: L2 Cisco ekipoen segurtasuna. Segurtasun-neurriak. Sarbide-kontrola. Oinarrizko gomendioak. Cisco komandoak. 7. gaia: Alderdi orokorrak: Spanning Tree Protocol. Spanning Tree Protocol. Rapid Spanning Tree Protocol. Multiple Spanning Tree Protocol: Kontzeptuak eta konparazioa.

8. gaia: Port-Security Cisco konfigurazioa. Funtzionamendua. Konfiguratzeko eta egiaztatzeko oinarrizko komandoak. Mac eta port-security taulak, port-security murrizketa-aukeren bidez.

9. gaia: LAN birtuala. VLAN kontzeptuak. VLAN motak. VLANen arteko transmisioa. Konfigurazio- eta egiaztapen-komandoak Cisco switchetan.

10. gaia: Segurtasuna Ciscoko L3 ekipoetan. L3 Cisco tresneriaren segurtasuna. L3 Cisco ekipoen kudeaketa. L3 Ciscorako komandoak.

11. gaia: Hari gabeko sareak. Sare kableatuen eta hari gabekoen arteko alderaketa. Haririk gabeko LAN sareen topologiak. Hari gabeko sareetako irrati-maiztasunaren alderdi orokorrak. IEEE 802.11 estandarra: maiztasun-bandak. 802.11a. 802.11b. 802.11g. 802.11n. 802.11ac.

12. gaia: Haririk gabeko sareetako segurtasunaren kontzeptu orokorrak. Arriskuak eta ahuleziak. Segurtasuna eta gomendioak. Segurtasun-estandarrak eta -protokoloak. Bezeroaren autentifikazioa.

13. gaia: Aruba haririk gabeko sareak sekurizatzea (kontrolagailua, sarbide-puntua eta Clearpass). Hari gabeko sareen erasoak. Hiru geruzako segurtasun-arkitektura. Segurtasuna konfigurazioan eta diseinuan.

14. gaia: Komunikazio-sareetako segurtasuna. Arriskuak. Sarbidea kontrolatzea eta monitorizatzea. Erabiltzaleak sentsibilizatzea. Segurtasuna erabiltzaile-postuan.

15. gaia: Firewalls. Helburuak, onurak eta mugak. Sailkapena. Diseinua. Bilakaera.

16. gaia: Firewalls Fortigateri aplikatutako segurtasuna. Arkitektura. Konfigurazioa. Ziurtatzea.

17. gaia: DDOS, IDS, IPS. Zerbitzua ukatzeko erasoak eta kontraneurriak. Arriskuak identifikatzea. Sare kableaturako, sistemarako eta hari gabeko sarerako detekzio-sistemak.

18. gaia: VPNen oinarriak. Diseinua eta segurtasuna. VPNen kriptografia. Teknologiak. IPSec tunela, puntuz puntu.

19. gaia: Informazioa/datuak babestea. Informazio-ihesa. Kontzeptuak. Kausak eta ondorioak. Kontraneurriak.

20. gaia: Sare- eta kudeaketa-protokoloak. Dynamic Host Configuration Protocol eta segurtasuna. AARP eta segurtasuna. Simple Network Management Protocol eta segurtasuna.

21. gaia: Industria-komunikazioak. Industria-inguruneen ezaugarriak. Industria-sare baten mailak. Automata programagarriak. Scan zikloaren kontzeptuak. Hardware arkitektura motak eta horien elementuak.

22. gaia: SCADA sistemak. Komunikazioen eta segurtasunaren arkitektura. PLC. Wonderware teknologia. SW eta HW arkitektura. Bistaratzeko bezeroak. Historialak. Datuak ustiatzeko eta reporting-erako moduluak.

23. gaia: Segurtasuna SCADA sistemetan. Arriskuak. Enpresa mailako alderdiak eta gogoetak. Giza mailako alderdiak eta gogoetak. Sistemen mailako alderdiak eta gogoetak.

24. gaia: Sare mugikorrak. LPWAN teknologiak, ezaugarriak eta aplikazioak. Sigfox, LoraWan, NB-IoT eta LTE-M protokoloen ezaugarri nagusiak.