Bake-Epaile titular eta ordezkoa
Gipuzkoa
Ez da inolako titulazio berezirik eskatzen, Bake-Epailearen betebehar eta eginkizunak betetzeko adina gaitasun baizik.
— Estatu Espainiarrekoa eta adinez nagusia izatea.
— Eginkizun judizialerako ezgaitu ez izatea, ez fisikoki, ez sikikoki ere.
— Eskubide zibil guztien jabe izatea.
— Birgaitasuna lortzen ez den bitartean, maltzurkeriazko delituagatik kondenatua ez egotea.
— Askespena edo largespena lortzen ez den bitartean, maltzurkeriazko delitua-gatik auzipetu edo errudun ez izatea.
Eskubide eta Betebeharren inguruan.
— Udalerrian bizi beharko dute, Justiziako Epaitegi Gorenak arrazoi sendoengatik beste herri batean bizitzea baimentzen badu izan ezik.
— Epaileak finkatuko ditu entzunaldiak.
— Bere aginteak irauten duen bitartean, kenezin izango dira.
— Bere karguagatik ezagutzen dituen ekintza edo berriak gordetzera behartuak daude.
— Legez dagozkien gaitasuneko prozesuen orden zibil eta penala ezagutuko dute.
— Erregistro Zibileko eginkizunak beteko dituzte eta legeak ezartzen dizkien beste batzuk.
— Epaile kargua lau urterako da.
— Legez ezarritako sistema eta kopuruekin ordainduko zaie.
— Bere eginkizunak burutzerakoan delituak eta falta edo kalte eta galerak maltzurkeriaz edo erruaz egiten badituzte, erantzukizun zibil edo penalarenpean egongo dira.
— Legean aurrikusitako lizentzia eta baimenak izango dituzte, bere karguaren izaeragatik eta profesionaltasun ezagatik eratorritakoetan izan ezik.
Izena ematen dutenen artean baldintza hauek betetzea baloratuko da.
— Euskal Herriko bi hizkuntza ofizialak jakitea.
— Aramako udalerrian erroldaturik egotea eta bertan bizitzea.
— Baldintzak betetzen dituztenen artean aukeraketarako egoera ekonomikoa kontutan hartuko da errenta gutxien dituztenei lehentasuna emanez.
Izangaiak Aramako Udalaren Erregistro Nagusian aurkeztu ahal izango dira bere instantziak, datorren abuztuaren 20arte, barne. Izangaiek instantziak aurkezteko epea bukatuko den egunean eskatutako baldintzak betetzen dituela adierazi beharko dute.
Era berean, izangaiek hautagaitasunaren egoitasuna eta balorazioa egiterakoan kontuan har daitezkeen gauzak adieraziz memoria labur bat egin eta erantsiko dute.