Sexu-indarkeriaren biktimentzako laguntza ekonomikoa (erraz irakurtzeko bertsioa)

Oinarrizko informazioa

Zer helburu du laguntza horrek?

Sexu-indarkeria jasan duen emakume, haur edo nerabea izateagatik laguntza ekonomikoa ematea, zure autonomia ekonomikoa bermatzeko eta osoki sendatzen laguntzeko.

 

Zer baldintza/betekizun bete behar dituzu laguntzak jasotzeko eskubidea izateko?

• Euskadiko edozein udalerritan erroldatuta egotea.

• Sexu-indarkeriaren biktima dela egiaztatzea (epai judiziala, babes-agindua, gizarte-zerbitzuen txostena...).

• Hilean 1.221,00 euro gordin baino gehiagoko diru-sarrerarik ez izatea (hileko lanbide arteko gutxieneko soldata, aparteko bi ordainsariak kontuan hartu gabe).

• Laguntza hori lehenago Euskadin edo Estatuko beste edozein autonomia-erkidegotan jaso ez izana. Hala ere, laguntza hori jaso baduzu eta berriro sexu-indarkeria jasaten baduzu, berriro eska dezakezu.

Noiz EZIN da laguntza hori jaso?

• Euskadin erroldatuta ez bazaude.

• 1.221,00 euro gordin baino gehiagoko diru-sarrerak badituzu hilean.

• Sexu-indarkeriaren biktima zarela egiaztatzen ez baduzu.

• Aurretik laguntza hori jaso baduzu, salbu eta berriro sexu-indarkeria egiaztatua jasaten baduzu eta baldintzak betetzen badituzu.

• Genero-indarkeriaren biktima diren emakumeei eraso beragatik laguntza kobratu badiezu.

• Ez badituzu baldintzak betetzen eskaera egiten duzun unean eta eskaera izapidetzen ari zaren bitartean.