CONVENIO COLECTIVO

Hitzarmen kolektibo honek JOKIN HIPERMERKATUAK SA enpresako langile eta enpresaren arteko harremanak eta oinarrizko baldintzak arautzen ditu.

JOKIN HIPERMERKATUA SAk Bizkaian dituen hiru lantokietan ezarriko da hitzarmen honek arautzen duena eta eragina izango du langile guztiengan, edonolako lan-kategoria eta kontratazio motatakoak izanda ere.

Hitzarmen kolektiboa sinatu ondoren indarrean egongo da 2004-2006 urteetan.

Lanaren antolaketa praktikoa enpresaren zuzendaritzaren esku dago. Hala ere, langileen egoera fisiko zein psikikoan eragina izango duten erabaki guztiak langileen ordezkariekin adostu beharko ditu enpresak.

Enpresan egiten diren lanak, betetzen diren funtzioak eta eskatzen diren prestakuntza eta ezagutza kontuan hartuta, hurrengo hiru lan-kategoria eta bakoitzari dagozkion ezaugarri eta edukiak zehaztu dira:
I. Taldea: zuzendaritzako lanak betetzen dituzten langileak.
II. Taldea: ogibidea ondo ezagutu behar duten langileak (harakinak, arrain-saltzaileak, txerriki-saltzaileak, okinak).
III. Taldea: Prestakuntza berezirik behar ez duten langileak.

Kontratazioa indarrean dauden legezko arau orokorrek zehaztuko dute.

Langile bakoitzaren soldata, dagokion taldearen oinarrizko soldata eta osagarriekin osatuko da.

Talde bakoitzari dagokion oinarrizko soldata honako hau da:
I. Taldea:  1150 €
II. Taldea: 1005 €
III. Taldea:  850 €

Osagarriak bi motakoak izango dira:
1. Antzinatasunagatiko osagarriak
            1. Lau-urtekoan: 30 €
            2. Lau-urtekoan: 35 €
            3. Lau-urtekoan: 40 €
2. Lanaren kalitate eta kantitateagatiko osagarriak.

Soldataren igoera. 2004ko urtarrilaren 1ean enpresan altan dauden langile guztiei %5eko igoera ezarriko zaie soldatan. Hurrengo urteetan, gobernuak adierazitako KPI aplikatuko da soldatetan.

Urtean gehienez 1.840 lan ordu egingo dira.

Lan orduak astelehenetik larunbatera egingo dira. Astean egun bat libre izango dute langile guztiek.

Lanaldi osoan dauden langileek, 40 egun naturaleko oporraldia izango dute. Opor egunen %50 gutxienez, ekainetik irailera artean hartu behar da.

Ordaindutako baimenak eta lizentziak:
1. Ezkondu eta izatezko bikotea osatzeagatik, 15 egun natural.
2. Etxebizitzaz aldatzeagatik, egun 1.
3. Norberaren gauzetarako, 5 egun.
4. Umea edukitzeagatik, hurbileko senide bat gaixotasun larriak jota izateagatik, edota hiltzeagatik, 3 egun.

Enpresak euren postuetan aritzeko behar duten arropa emango die langile guztiei:
Bi gona edo bi praka pare.
Bi alkandora, mahuka laburrekoak.
Bi alkandora, mahuka luzekoak.
Neguko jaka bat.
Oihalezko hiru amantal.

Zuzendaritzak zigortu ahal izango ditu langileak hurrengo hutsak egiteagatik:

Huts arinak, honako hauek dira:
1. Sarritan lanera berandu heltzea.
2. Lan-lekua uztea bidezko arrazoirik gabe.
3. Publikoari ondo ez esatea.

Huts larriak, honako hauek dira:
1. Enpresako nagusiek emandako aginduei muzin egitea.
2. Lan pertsonalak egitea lantokian eta lan-orduetan.

Huts oso larriak, hauek dira:
1. Iruzur egitea, lapurretan aritzea bai enpresari, bai lankideei.
2. Gaixotasunen bat edo istripuren bat asmatzea.
3. Errespetu falta larriak.
4. Alkohola edo drogak hartuta lanera etortzea.

Zigorrak. Enpresako zuzendaritzak zigorrak ezartzeko ahalmena izango du, hitzarmen honek zehazten duen moduan.
Falta arinengatiko zigorrak: kargu hartzea eta ahoz zein idatziz jakinaraztea. Aldi baterako lan eta soldatarik gabe uztea, gehienez hiru egunetan.
Falta larriengatiko zigorrak: Aldi baterako lan eta soldatarik gabe uztea, gehienez 15 egunetan.
Oso falta larriengatiko zigorrak: Aldi baterako lan eta soldatarik gabe uztea, gehienez 60 egunetan. Lan kontratua desegitea.

Langile guztiek sindikatuetan elkartzeko eskubidea dute eta enpresak errespetatu egingo du. Errespetatzeaz gain, ez du inor diskriminatuko, ezta inoren lanpostua kolokan jarriko ere, sindikatu batean parte hartzeagatik.

Langileek ordezkatzen dituzten sindikatu nagusiek, hitzarmen kolektiboa sinatu dutenek, enpresa eta langileen arteko bitartekari lanetan arituko dira.

Hitzarmena adostu duten alde biek Batzorde Paritarioa osatuko dute, hitzarmen kolektiboa interpretatzeko eta begiratzeko.