RSS
N.º 238, viernes 12 de diciembre de 2008
- Otros formatos:
- Texto bilingüe
El contenido de los otros formatos que aquí se muestran, se ha obtenido mediante una transformación del documento electrónico PDF oficial y auténtico
Otras Disposiciones
Transportes y Obras Públicas
6939
RESOLUCIÓN de 19 de noviembre de 2008, de la Directora de Infraestructura del Transporte, por la que se somete a información pública la relación de bienes y derechos afectados por el «Proyecto de construcción de la supresión de pasos a nivel y cierre de vía en el tramo Usansolo-Lemoa de la línea Bilbao-Donostia. Paso a nivel de Mendizur».
2008ko uztailaren 11ko Ebazpenaren bidez, Garraio Azpiegituraren zuzendariak Bilbao-Donostia lineako Usansolo-Lemoa tartean trenbide-pasaguneak (Mendizurkoak) kendu eta trenbidea ixteko eraikuntza-proiektua onartu zuen.
Bilbao-Donostia lineako Usansolo-Lemoa tartean trenbide-pasaguneak (Mendizurkoak) kendu eta trenbidea ixteko eraikuntza-proiektuan Bilbao-Donostia trenbidearen barruan Bediako udalerrian Mendizurko trenbide-pasagunea (12+704 kp-an) eta Mendizurko oinezkoen pasabidea (12+852 kp-an) kentzeko eta trenbidea ixteko jarduketak eta itxitura horrek berekin dakartzan bestelakoak (drainadura eta ingurumen arlokoak) xehe-xehe zehazten ditu. Gainera, trenbide-linean dauden eta egun erabiltzen ez diren zenbait elementuren eraispena ere sartuta dago proiektuan.
Horiek horrela, Usansolotik Lemoara doan tartean, Bedia udalerrian, Galdakaoko mugatik hasi eta Sakarbiko trenbide-pasagunera arte egin beharreko lanak honakoak dira: trenbide-pasaguneak kendu, trenbidea itxi (horren ondorioz, drainadurarako eta fauna igarotzeko behar diren obrak barne) eta tarte horretan dauden eta erabiltzen ez diren elementuak eraitsi.
Erasandako lurrak eskuratu, eta ondasunak eta eskubideak behar bezala kudeatu ahal izateko, proiektuan ondasun horiek guztiak identifikatzeko zerrenda zehatz bat eta partzela-planoak datoz.
Organo honen ardura da Euskal Autonomia Erkidegoaren eskumeneko trenbide-azpiegituretako obrak egin ahal izateko izapideak egin eta nahitaezko desjabetze-jardunbidea ebaztea, hala ezartzen baitute Garraio eta Herri Lan Sailaren egitura organikoa eta egitekoak finkatzen dituen urtarrilaren 15eko 20/2002 Dekretuaren 7.g eta 10.1.h artikuluak, eta ekainaren 27ko 8/2005 Dekretuaren 16.1.a artikuluak.
Trenbide Sektorearen azaroaren 17ko 39/2003 Legearen 6.2 artikuluaren arabera, trenbide-linea berriak jartzeko edo lehendik daudenak handitu edo zabaltzeko proiektuak onartzen direnean, eta onespen horretan okupatu beharreko ondasunak zehaztuta badatoz, nahitaezko desjabetzeko eskakizunen eta jardunbidearen ondorioetarako, onespenak berekin dakar, proiektua bera eta horren gaineko aldaketak, herri-onurakotzat edo gizarte-interesekotzat jotzea, eta proiektuarekin batera doan zerrendan jasotako ondasun eta eskubideak lehenbailehen okupatu beharrekotzat aitortzea.
Nolanahi ere den, proiektuaren onespenak berekin dakarren arren erasandako ondasunak eta eskubideak okupatu beharra, Nahitaezko Desjabetzeari buruzko Legearen 17.2, 18. eta 19.2 artikuluek ezartzen dutenez, ondasun eta eskubide horien xehetasunak jasoko dituen zerrenda egin eta jendaurrera atera behar da, alegazioak eta datuak aurkeztu ahal izan daitezen, zerrendan okerrik badago, zuzentzeko, eta interesdunak zeintzuk diren ondo zehazteko.
Beraz, aipatutako xedapenak, horiekin bat datozenak eta aplikatu beharreko gainontzekoak ikusirik,
EBATZI DUT:
Bilbao-Donostia lineako Usansolo-Lemoa tarteko trenbide-pasaguneak (Mendizurkoak) kendu eta trenbidea ixteko eraikuntza-proiektuak erasandako ondasun eta eskubideen zerrenda jendaurrera ateratzea, ebazpen hau azkena argitaratzen den egunaren biharamunetik aurrera kontatzen hasi eta hamabost (15) egun balioduneko epean alegazioak aurkeztu ahal izan daitezen, okerrik baldin badago zuzentzeko, hala ezartzen baitute Nahitaezko Desjabetzeari buruzko Legearen 19.2 artikuluak eta horrekin bat datozenek. Alegazioak Garraio eta Herri Lan Saileko Garraio Azpiegituraren Zuzendaritzan aurkeztu beharko dira Vitoria-Gasteizko Donostia kaleko 1ean.
Aipatu epean, erasandako ondasun eta eskubideen zerrenda Bediako udaletxeko iragarkien oholean egongo da edonork ikusteko.
Guztiek horren berri izan dezaten jakinarazten da.
Vitoria-Gasteiz, 2008ko azaroaren 19a.
Garraio Azpiegituraren zuzendaria,
MIRARI ARRUABARRENA ELIZALDE.
BILBAO-DONOSTIA LINEAKO USANSOLO-LEMOA TARTEKO TRENBIDE-PASAGUNEAK (MENDIZURKOAK) KENDU ETA TRENBIDEA IXTEKO ERAIKUNTZA-PROIEKTUA
PROYECTO CONSTRUCTIVO DE LA SUPRESIÓN DE LOS PASOS A NIVEL Y CIERRE DE VÍA EN EL TRAMO USANSOLO-LEMOA DE LA LÍNEA BILBAO-DONOSTIA. PASO A NIVEL DE MENDIZUR.
BEDIAKO UDALERRIA / TÉRMINO MUNICIPAL DE BEDIA
Finka zk.
N.º de finca Katastroko erref.
Ref. catastral Jabea
Propietario Eragin mota
Tipo de afección Izaera
Naturaleza
Poligonoa
Políg. Lursaila
Parc. Okupazio iraunkorra
Ocupación permanente Aldi baterako okupazioa
Ocupación temporal
1 4 92 Francisco Sestafe Arregi --- 625,00 Mendia-ostozabalak
Monte-frondosas
2 4 31 Félix Arteabaro Agirre 263,05 462,80 Zelaia/Pradera
3 4 34 Mercedes Bengoechea Arana 387,40 619,90 Soroa/Cultivo
4 5 01 Juan Arteabaro Agirre 128,30 147,80 Zelaia/Pradera
5 4 29b Félix Arteabaro Agirre 2,60 52,60 Soroa/Cultivo
6 4 29c Félix Arteabaro Agirre 40,80 355 Larrea/Pastizal
7 4 91 Félix Arteabaro Agirre 45,80 120,60 Larrea/Pastizal
8 5 241 Juan Arteabaro Agirre --- 727,90 Larrea/Pastizal
