Mendibe
Nafarroa Behereko ekialdeko udalerria, Garaziko eskualdean. Mendive du izen ofiziala. Mugak: iparraldean eta mendebalean Lekunberri, hegoaldean Lekunberri eta Larraine (Zuberoa), eta ekialdean Altzai-Altzabeheti-Zunharreta (Zuberoa) eta Larraine. Garaiera, 300 m. 41,77 km2. 1999ko datuen arabera, 184 biztanle (mendibarrak). Bertan du iturburua Lauribar ibaiak. Euskara, behe-nafarrera; euskaldunak, % 100. Ekonomia jarduera nagusiak laborantza (barazkiak, bazkarako landareak) eta abere hazkuntza (behi eta ardi azienda) dira. Aipagarri dira bertako elizako atari erromanikoa eta XVIII. mendeko Salbatore Iratiko ermita. v Historia. 1150-1167 urteetako dokumentu batean aipatzen da lehen aldiz Mendibeko herria.
